Josué 20:9 - Qullan Arunaca

⁹ Uca marcanacaw ajllitäna israelit jakenacan imantasiñapataquejja, uqhamarac yakha marcat jutir jakenacataquisa. Uca marcanacanwa imantasipjjañapäna cawquïri jaketejj mä chijiru jan muncasina jake masiparu jiwayän ucajja, uqhamata jan phoksusir jaken jiwayatäñataqui janïra takpach marcanquir jakenacar juchanacap arsusquipana.

Aymar Bibliia 1986

⁹ Uca marcanacaw ajllitäna israelit jakenacan imantasiñapataquejja, uqhamarac yakha marcat jutir jakenacataquisa. Uca marcanacanwa imantasipjjañapäna cawquïri jaketejj mä chijiru jan muncasina jake masiparu jiwayän ucajja, uqhamata jan phoksusir jaken jiwayatäñataqui janïra takpach marcanquir jakenacar juchanacap arsusquipana.

Qullan Arunaka DC

⁹ Uka markanakaw ajllitäna taqi israelitanakan imantasiñapataki, ukhamarak yaqha markat jutir jaqinakatakisa. Uka markanakansti kawkïr jaqitix masiparux jan amtañampi jiwaykaspa jupanakan imantasiñapatakïnwa, ukhamat jiwirin jak'a wila masipax phuqsusiñ amtampi jan jiwayaskañapataki, markankir jaqinakan janïr taripatäkipana.

Josué 20:9 Jak'a apnaqawi uñst'ayäwi

Números 35:13

Marcanaca churapcäta ucanacatjja, sojjta marcanacaw imantasiñataquïni.

Números 35:15

Aca sojjta marcanacaw jan juchañchatäñataqui jaltjjañ marcanacäni, takpach israelitanacataqui, uqhamarac yakha marcat jutasin jaquir jakenacataquisa, uca quipcaraqui jumanac taypinjja yakha marcat jutir jaketaquisa. Uca marcaruw imantasipjjani take cawquïri jaketejj jan muncasina jake masipar jiwayani ucajja.

Josué 20:4

Cawquïri jaketï uqhama imantasiñ thakhani ucajj, marca mantañaru purisajj, uca marcan take jilïri jakenacaruw arsusiwayani cuntï lurqui uca. Ucatwa jupanacajj marcaru mantayapjjani, uqhamaraqui mä utsa jacañapataqui churapjjaraquini.

Josué 20:6

Ucampis uca jake jiwayirejj marcanwa kheparani, ucatsti uca marcan jach'a jilïri jakenac nayrakatanarac arsusini, cuntï lurcatayna uca, uqhamaraqui cunapachatï uca marcan sacerdotepas jiwjjani ucqhacama. Uca jiwayir jakejj ucanaca pasjjepanjja, puedjjew cuttanjjaña cawqhattï jaltancäna uca chekaru, uqhamaraqui marcaparusa, quipca utaparusa.”

Josué 20:8

Uqhamaraquiwa qhursa Jordán jawir thiyanjja, Jericó marca tokeru intis jalsunqui ucsatjja ajllipjjäna Beser sat marca, Rubén tribun orakepana. Ucatsti Galaad oraketjja Ramot sat marca ajllipjjäna, Gad tribun orakepana, uqhamaraquiw Basán orakenjja ajllipjjäna Golán sat marcaru, Manasés tribun orakepana.