Josué 20:3 - Qullan Arunaca

³ Uca marcanacasti cawquïri jaketï masiparu, mä chijina jan jiwayañ amtasin jiwayqui ucanacan imantasiñapataquïniwa, uqhamata phoksusiñ muniri jaketa jaltañataqui.

Aymar Bibliia 1986

³ Uca marcanacasti cawquïri jaketï masiparu, mä chijina jan jiwayañ amtasin jiwayqui ucanacan imantasiñapataquïniwa, uqhamata phoksusiñ muniri jaketa jaltañataqui.

Qullan Arunaka DC

³ Maynitix masipar jan amtañampi jiwayaspa ukaxa, uka markanakaruw imantasiñatak jaltxaspa, ukhamat jiwatan wila masinakapan jan phuqsusiskañapataki.

Josué 20:3 Jak'a apnaqawi uñst'ayäwi

2 Samuel 14:11

Ucampisa warmejj sascaquïnwa: —¡Nayasti, jach'a rey, achict'assmawa, Tatit Diosatay mayirapita, cawquïri familiajjatejj wawajjar jiwayañ amtqui ucajj jan jiwayañapataqui, mayni wawajjan jiwatapat phoksusa! —sasa. Reyisti saraquïnwa: —¡Nayajj Tatitun sutipjjaruw arssma, janiw wawamarojj qhitis llamct'caniti ni mä ñic'utapas orakerojj jalakcaraquiniti! —sasa.

Levítico 4:2

“Israelitanacarusti saraquim: Maynitejj jan amuyasisina Tatitun arunacap contra juch lurani cunatejj jan waquisqui ucanac lurasa, ucatsti aqham lurañapawa:

Números 35:12

Uca marcanwa khespiyata uñjasini, jiwayat jaken familiapatjja, cawquïritejj jiwayañatac arcnakqui ucatjja, ucatsti janiraquiw jiwcaniti uñstayataraquïniwa marcan jilïrinacampi uñjatäñapcama.

Números 35:19

Jiwayatan jac'a familiapaw jiwayaraquini, cunapachatejj jupajj jicjjatani ucqhajja.

Números 35:22

“Ucampisa cawquïritejj mayniru jan muncasina nuct'ani, janiraqui uñisiñatsa, uqhamarac cunampis jakt'araquini jan cuna wali amuyumpisa,

Hebreos 6:18

Uqhamasti pä luräwiw jan trocasir utji, ucanacatjja Diosajj janiw c'ariscaspati; ucampejj Diosajj mä jan tucusquir chuymachäwi churistu, qhitinacatejj jupan imantasiñ thakapctan, uqhamarac catuyasiractan uca suyt'äwi churquistu ucana.

Josué 20:2

“Jumasti israelit jakenacampi parlam, ucatsti saraquim mä marcanaca thakhasipjjam ucaru imantasiñataqui, sasa, cunjämatï nayajj Moisesarojj ewjjawaycäyäta uqhama.

Josué 20:4

Cawquïri jaketï uqhama imantasiñ thakhani ucajj, marca mantañaru purisajj, uca marcan take jilïri jakenacaruw arsusiwayani cuntï lurqui uca. Ucatwa jupanacajj marcaru mantayapjjani, uqhamaraqui mä utsa jacañapataqui churapjjaraquini.