Josué 2:3 - Qullan Arunaca

³ Ucatwa Jericó marcan reyipajj qhitäna Rahab warmin utaparu aqham sasa: —Mistunipjjpan cawquïri jakenacatï utamaru mantanipqui ucanacajja, jupanacasti uñakeriw jutapjje —sasa.

Aymar Bibliia 1986

³ Ucatwa Jericó marcan reyipajj qhitäna Rahab warmin utaparu aqham sasa: —Mistunipjjpan cawquïri jakenacatï utamaru mantanipqui ucanacajja, jupanacasti uñakeriw jutapjje —sasa.

Qullan Arunaka DC

³ Ukat reyix Rahab warmin ukar khithäna akham sañapataki: —Utamankki uka chachanakax mistunipxpan, jupanakax uñaqanakäpxiwa —sasa.

Josué 2:3 Jak'a apnaqawi uñst'ayäwi

Génesis 38:24

Ucat quimsa phajjsi pasatatsti jakenacajj Judá chachar yatiyiriw jutapjjäna: —Yojjch'amajj yakha chachanacampiw sarnakatayna, jichhasti usuriraquiwa —sasa. Ucatsti Judá chachajj jach'atwa arsu: —¡Irpsunisin ninampi phichhantapjjam! —sasa.

Génesis 42:31

Nanacasti juparojj sapjjaractwa: ‘Nanacajj suma chekapa jakenacäpjjtwa, janipuniw cunapachas uñakatjja sarnakapjjerïcti’ sasa.

2 Samuel 10:3

amonitanacan jilïrinacapajj Hanún reyiparojj sapjjänwa: “¿Jumasti waliquiw sistati Davidan yanapirinacapajj awquiman jiwatapat jumar chuymacht'iri jutapjjatapjja? ¡Jupajj marcasa uñjiri, uñakeriraquiw jutapjjpachajja, ucat t'unjañataqui” sasaw sapjjäna!.

2 Samuel 17:20

Cunapachatejj Absalonan arquirinacapajj purinipjjän ucapachasti, warmirojj jisct'apjjänwa: —¿Cawquincapjjes Ahimaas jakempi Jonatanampejja? —sasa. —Aca chekwa pasawayapjje, jawir tokeruw sarapjjaraqui —sasaw warmejj ucjjarojj saraquïna. Ucatsti Absalonan arquirinacapajj janc'aquiraquiw thaktiri sarapjjäna, ucampisa jan jicjjatjjasajja, Jerusalenaruw cuttanjjapjjäna.

1 Crónicas 19:3

amonitanacan jilïrinacapajj Hanún reyirojj sapjjänwa: “¿Juma reyejj amuytati Davidan uca jakenacar qhitanitapa llaquisiñapa jumar churañataquejja, juma reyin awquipar jach'añchañ laycuquejja? Jupanacajj jutapjjpachawa marcaru uñakeri, uqhamarac cunanacsa uñjiriraqui” sasa.

Job 21:30

Jupanacasti sapjjewa: “Cunapachatejj Diosajj colerasi ucapachajj mutuyäwi apayani, ucampisa ñankha jakerojj janiw cunas pasquiti” sasa.

Levítico 24:14

“Cawquïri jaketejj nayaru ñankhachquitu ucarusti campamentot ankäjjaru irpsupjjam, cawquïri jakenacatejj nayaru uqham ñankhachatapa ist'apcäna uca jakenacasti amparanacapa uca ñankhachir jaken p'ekepjjaru lokjjatapjjpan, ucatsti take jakenacajja uca jakerojj kalampi c'upjasa jiwayapjjaracpan.

Juan 19:4

Pilatosti wasitampiw mistunïna, ucatsti jupanacarojj saraquïnwa: —Uñjapjjam, nayajj janiw cuna juchsa jupanjj jicjjatcti; uc yatipjjañamataquiw acar irpsunta —sasa.

Hechos 12:4

Pedror catuntasinjja, Herodesajj carcelaruw uchantayi. Ucansti Pedrojj pusi tama soldadonacampi uñjatäscänwa. Sapa tamansti pusi soldadow utjaraquïna. Herodesasti Pascua fiesta khepatwa marcan nayrakatapar uñstayañ munäna.

Hechos 12:6

Herodesajj: “Kharüruw marca nayrakatar irpsü” siscän uca arumajja, Pedrojj pani soldadonac taypinwa iquiscäna, cadenanacamp chinuntata. Maynïr soldadonacasti cárcel puncunaracwa uñjasipcäna.

Josué 10:23

Uqhamwa jupanacajj lurapjjäna putu mankheta pheska reyinacar irpsunisa, Jerusalén, Hebrón, Jarmut, Laquis, uqhamaraqui Eglón marcanacan reyinacaparu.

Josué 2:2

Ucatsti mayni jakew Jericó marcan reyiparojj yatiyäna aqham sasa: —Israelit jakenacaw jichha arumajj marcasar mantanipjje jiwasar uñakeri —sasa.

Josué 2:4

Ucampis Rahab warmejj uca pani jakenacarojj utapanjj mä jan uñjcañawjaruw imantatayna, ucatsti saraquïnwa: —Chekpachaw pani chachanacajj utajjaru purinipjje, ucatjja janiraquiw nayajj yatcäyätti cawquit jutapjjatapsa;

Jueces 4:20

Sisarajj saraquïnwa: —Uta puncuru sayt'asim qhitirac jutasina jisct'iristam: ‘Aca mankhen utjiti qhitisa’ sasa, ucampis jumajj sätawa: ‘Janiw cunas utjquiti’ —sasa.