Josué 2:24 - Qullan Arunaca

²⁴ Jupanacasti Josué chacharojj sapjjänwa: “Diosajj take uca orakenac jiwasaruw churistu; jichhasti uca oraken jaquir jakenacajj jiwasat yatisajj wal qhathatipjje” sasa.

Aymar Bibliia 1986

²⁴ Jupanacasti Josué chacharojj sapjjänwa: “Diosajj take uca orakenac jiwasaruw churistu; jichhasti uca oraken jaquir jakenacajj jiwasat yatisajj wal qhathatipjje” sasa.

Qullan Arunaka DC

²⁴ Juparusti sapxänwa: “Tatitux taqi uka uraqinak amparasaruw katuyistu, jichhasti uka uraqin jakir jaqinakax jiwasat yatisax axsarañat wal khathatipxi —sasa.

Josué 2:24 Jak'a apnaqawi uñst'ayäwi

Éxodo 15:15

Edom marcanquir capitananacasti yatisinjja mayjt'asipjjaniwa; Moab marcanquir jilïrinacasti ajjsarañatracwa qhathatipjjaraquini. Uqhamarac Canaán chekan take jaquirinacasti ajjsarayasipjjaraquiniwa.

Éxodo 23:31

Catuscäta uca orakeman korpapajja aqhamäniwa: Mar Rojo sat kotata filisteonacan Mar Mediterráneo sat jach'a kotapcama, ucqhatsti Arabia ucsa wasarata Eufrates sat jawircama. Ucampis nayajja amparamaruw catuysma uca orakenacan jaquir jakenacarojja jumawa ucatjja alisnucütajja jan jac'amancapjjañapataqui.

Proverbios 25:13

Cunjämatï yapu apthapi horasanjja junt'un irnakerirojja qhunu thayajj thayart'ayejja, uqhamawa suma phoker sirvirejja utanipar cusisiyi.

Josué 1:8

Amtasipunïtaw cuntï Diosan leyi libropanjja sisqui uca, uqhamaraqui uruy arumaraquiw lup'iraquïta cuntejj librojj sisqui uca lurañamataqui. Uqhamatwa take luräwinacamajj sumaru sarani.

Josué 2:23

Ucatsti uca pani jakenacajj kollunacat cuttanjjasinjja, uqhamarac Jordán jawir pasasinjja, Josué chacha thiyaruw puripjjäna take cunanacatï jupanacar pascatayna ucanac yatiyasa.

Josué 5:1

Jordanat inti jalanta token utjiri, amorreos sat marcan reyipajj ist'ataynawa uqhamarac Mediterráneo sat jach'a kota jac'an utjiri cananeos sat marcan reyipas ist'araquitaynawa cunjämtejj Tatitojj Jordán jawir wañt'aycatayna Israel marcapan pasaniñapcama uca, ucatsti wal ajjsarapjjäna Israel marcampi nuwasiñjja.

Josué 6:2

Ucampis Josué chacharojj Diosajj sänwa: “Nayaw jumaru aca Jericó marca amparamar catuysma, uqhamaraqui reyipsa, soldadonacapsa.

Josué 8:1

Diosajj Josué chacharojj sänwa: “Jan jumajj ajjsaramti ni sustjasimsa. Ejercitomampi saram ucatsti Hai sat marcaru t'unjanim; nayaw amparamaru churäma Hai marcan reyipsa, take marcapsa uqhamaraqui take orakepsa. Marcapasa, orakenacapasa jumancaniwa.

Jueces 1:2

Ucatsti Diosajja jupanacarojj sänwa: “Judá tribuwa nayrakata nuwasirejj mistsuñapa, jupanacaruw nayajj uca orake churta” sasa.

Jueces 18:10

Uca chekar purisinsti jicjjatapjjätawa wali cusisita jakenaca jach'a orakenacani, jupanacarusti janiw cunas pist'quiti. Diosawa uca orakenacjja churapjjätam —sasa.

Jueces 7:9

Uca arumasti Diosajj, Gedeonarojj saraquïnwa: “Sartasim ucatsti sarakam madianitanacampi nuwasiñataqui, nayasti jichhawa jupanacjja amparanacamaru catuyäma.