Josué 2:11 - Qullan Arunaca

¹¹ Ucanac ist'asajja walpun ajjsarapjjta, janiraquiw qhitisa jumanacampi nuwasiñ munquiti. Jumanacan Tatitu Diosamasti pachpaquïsquiwa alajjpachansa uqhamarac acapachansa uca laycu,

Aymar Bibliia 1986

¹¹ Ucanac ist'asajja walpun ajjsarapjjta, janiraquiw qhitisa jumanacampi nuwasiñ munquiti. Jumanacan Tatitu Diosamasti pachpaquïsquiwa alajjpachansa uqhamarac acapachansa uca laycu,

Qullan Arunaka DC

¹¹ Ukanak ist'asax walpun axsarapxta, janirakiw khitis jumanakampi nuwasiñ munkiti. Jumanakan Tatitu Diosamax alaxpacha, akapacha apnaqir Diosawa.

Josué 2:11 Jak'a apnaqawi uñst'ayäwi

1 Reyes 8:60

Uqhamatwa aca orakenquir take marcanacajj yatipjjani Tatitojj Diosätapa, jan yakhajj utjatapata.

2 Reyes 5:15

Ucatsti jupasa, uqhamarac qhitinacatejj jupamp chica jutapcäna ucanacasa Eliseon ucaruw sarapjjäna. Purisinsti Naamán generalajj Eliseorojj sänwa: —¡Jichhajj yatjjtwa, take orakpachanjja janiw Diosajj utjquiti, jan ucasti Israelanacwa utji! Jichhasti achict'ssmawa mä wajjt'äwi catokt'ita aca juman sirvirimata —sasa.

Nehemías 6:16

Cunapachatï uñisirinacajjasa, uqhamarac nanac muytancqui uca marcanacajj yatipjjäna ucqhajj walwa ajjsarayasipjjäna, ucatsti jupanacajj amuyasipjjänwa jach'achasiñanacapajj aynacht'atätapa, ucatjja amuyjjapjjänwa aca luräwejja Diosan yanapapampi tucuyasitapa.

Ester (hebreo) 8:17

Take provincianacana, jach'a marcanacana, uqhamarac cawqha orakenacarutejj reyin arsutapajj purqui ucanjja judionacajja wali cusisiñaru c'uchiquïñaruw puripjjäna, ucatsti mank'añ fiestanacwa lurapjjäna. Ucampis marcanquir jakenacajj waljaninacaraquiw judiöcaspas uqhama tucupjjaraquïna, judionacatjja jupanacjjaru wali ajjsarañajj jutatap laycu.

Salmos 102:15

Takpach marcanacaw Tatitun khapak sutip wakaychapjjani, acapach reyinacasa, aytat cancañamataquiw ajjsarthapipjjani,

Salmos 22:14

Nayasti waranucut umjamätwa, ch'aqhanacajjajj khakhanucutcamaquiwa; chuymajjasti liq'ir uñtataw naya mankhan umatati;

Salmos 58:7

ch'umarir umar uñtat chhaktapjjpan; taquisit korar uñtat pharsupjjpan;

Salmos 83:18

juma sapac Diosätam yatipjjpan, aca orakjjar juma sapac Alajjpachanquirïtam yatipjjaracpan.

Éxodo 15:14

Marcanacasti uqhama yatisinjja qhathatipjjaniwa, uqhamarac filisteonacasa uca yatisajj wali llaquisipjjani.

Éxodo 15:15

Edom marcanquir capitananacasti yatisinjja mayjt'asipjjaniwa; Moab marcanquir jilïrinacasti ajjsarañatracwa qhathatipjjaraquini. Uqhamarac Canaán chekan take jaquirinacasti ajjsarayasipjjaraquiniwa.

Isaías 13:7

Ucapachasti take jakenacaw ch'am jiwt'ayasipjjani, janiw cunataquis ch'amanacapajj utjcjjaniti,

Isaías 19:1

Egipto marca toke profecía arunaca: “Tatitur uñtapjjam, Egiptoruw jutasqui mä jaliri kenayar lat'jjatata. Jupa nayrakatansti Egipton diosanacapajj qhathatipjjewa, Egiptonquir jakenacasti wal ajjsarapjjaraqui.

Ezequiel 21:15

Take utanacaparuwa uca jiwarayir espadjja uscuracta, llijullijunac sarayañataqui suma llijquir kaksut espadawa, jiwarayañataqui afilata espadawa.

Nahúm 2:10

“T'unjata, wasara tucuyata, jachcaña lurataw Nínive marcajj uñjasi. Chuymanacas ajjsarañatjja tucusiwayjjewa, cayunacapas wal qhathatiraqui, takenis ch'ama thayjtatcamaquiwa, ajanunacapasti k'elluw tucuwayi.

Deuteronomio 1:28

Jichhasti ¿cawqharurac sarañäni? Jiwasan jilanacasasti sapjjewa wali ch'amani jach'a tansa jakenac utjatapa, uqhamaraqui jach'a perkanacani marcanaca utjatapa, Anac jaken yokanacapas ucancatapa. Take ucanacaw jiwasarojj wal ajjsarayapjjestu’ sasa.

Deuteronomio 20:8

“Ucatsti oficialanacajj wastatwa ejercitorojj parlapjjani aqham sasa: ‘Cawquïritejj jumanacat ajjsarasqui, mayjt'atäscaraqui ucanacasti utapar sarjjapjjpan jan mayni jilanacapar llajllasiyañapataqui’ sasa.

Deuteronomio 4:39

“Uqhamasti suma amuyt'asipjjam, Tatitaquiw Diosajja alajjpachansa, acapachansa, janiw yakhajj jupat sipan utjquiti.

Josué 14:8

ucampis cawquïri jakenacatï nayampi chica sarapcän ucanacajj purinisinjja wali ajjsarañanac Israel marcarojj yatiyapjjäna, chuymanacap mayjt'ayasa, ucampis nayajj Diosajjaruw iyawsäyäta.

Josué 2:24

Jupanacasti Josué chacharojj sapjjänwa: “Diosajj take uca orakenac jiwasaruw churistu; jichhasti uca oraken jaquir jakenacajj jiwasat yatisajj wal qhathatipjje” sasa.

Josué 5:1

Jordanat inti jalanta token utjiri, amorreos sat marcan reyipajj ist'ataynawa uqhamarac Mediterráneo sat jach'a kota jac'an utjiri cananeos sat marcan reyipas ist'araquitaynawa cunjämtejj Tatitojj Jordán jawir wañt'aycatayna Israel marcapan pasaniñapcama uca, ucatsti wal ajjsarapjjäna Israel marcampi nuwasiñjja.

Josué 7:5

Hai sat marcanquir jakenacasti israelitanacarojj quimsa tunca sojjtani jakenac jiwarayäna; mayninacarusti marcan puncupat kala ch'iyañ chekacamaw arctapjjäna, uca aynachan atipjapjjaraquïna; uqham uñjasinsti take Israel marcpachaw chuyma mayjt'at uñjasipjjäna ch'amanacapsa thayjtayasipjjaraquïna.

Josué 9:24

Gabaonanquir jakenacajj Josué chacharojj sapjjänwa: —Nanacasti ucjja lurapjjtwa jumar ajjsarasina, juman jan nanacaru jiwayañamataqui. Nanacasti yatipjjtwa cuntejj jumanacan Diosamajj Moisesarojj sawaycatayna ucjja: ‘Take aca marcanac jumanacar catuyapjjäma ucatsti jumanacajj takpach t'unjapjjäta’ sasa.

Apocalipsis 6:16

Kollunacarus karkanacarus sapjjaraquïnwa: “¡Nanacjjaru jaljjattapjjeta, imantapjjaraquita qhititejj tronon kont'atäqui ucata, uqhamarac cuna ajjsarcañ mutuñtï Corderojj apancani ucatsa imantapjjaraquita! sasa.