Josué 18:1 - Qullan Arunaca

¹ Cunapachatejj Israel marcajj take orakenac catuntañ tucuyatayna ucqhajj Silo chekaruw tantachasipjjäna ucan Diosampi mä suma amtäwiru mantañataqui uqhamarac Tatitumpi Jiquisiñ Carpa sayt'ayasa, uqhamarus takpach marcanacaruraquiw atipjapjjaraquïna.

Aymar Bibliia 1986

¹ Cunapachatejj Israel marcajj take orakenac catuntañ tucuyatayna ucqhajj Silo chekaruw tantachasipjjäna ucan Diosampi mä suma amtäwiru mantañataqui uqhamarac Tatitumpi Jiquisiñ Carpa sayt'ayasa, uqhamarus takpach marcanacaruraquiw atipjapjjaraquïna.

Qullan Arunaka DC

¹ Israel markax taqiniw Siló chiqan tantachasipxäna, uka chiqan Tatitump Jikisiñ Carpa sayt'ayañataki, ukapachatakix uraqix niyaw katuntatäxäna,

Josué 18:1 Jak'a apnaqawi uñst'ayäwi

2 Samuel 7:6

Israelitanacaru Egipto marcat irpsuncta uca urut jichhacamajj, janipuniw nayajj templonacan utjascti, jan ucasti mä carpanacanacpunwa utjastjja.

1 Reyes 14:2

Ucatsti Jeroboam reyejj warmiparojj sänwa: “Saram yakhata isthapisiwayasina uqhamata jumar jan uñt'apjjañapataqui nayan warmejjätama, ucatsti Silo chekaru saram. Ucanwa jaqui Ahías profetajja, qhititejj nayar sisquitäna aca marcana reyïñajjataqui ucaru.

1 Reyes 14:4

Jeroboam reyin warmipajja uqhamwa luräna. Jupasti waquicht'asisinjja sarawayiwa Silo chekaru, ucatsti purïnwa Ahías profetan utaparu. Ucampis Ahías profetajj janiw sum uñjcjjänti, nayrapajj juc'at juc'atwa jan uñjcjjänti jupan awquëjjatap laycu.

1 Reyes 2:27

Uqhamatwa Salomonajj Abiatararojj apanucüna Tatitun sacerdotëñapatjja, uqhamaraqui phokhasiscaraquïna cuntejj Tatitojj Silo chekana arscäna Elí familiatjja.

Nehemías 9:24

Uqhamarac jupanacajj Canaán oraker mantasinjja catuntasipjjänwa orakenaca. Jupanacan nayrakatapanjja uca oraken jaquir jakenacarojja jisc'aruwa tucuyaractajja, uqhamarac reyinacaparusa, ucatjja amparanacaparusa catuyaractawa uca orakenquir jakenaca, jupanacampi cuntejj munapqui uqhamar lurapjjañapataqui.

Salmos 78:60

Silo chekan utjäwip jaytanucjjäna, jakenac taypin kollan utjäwip apanucjjäna.

Salmos 78:66

timanacaparojj atipjasin alisnucüna; wiñayataquiw p'enk tucuyäna.

Jeremías 26:6

uqhamasti nayajj aca templorojj cunjämtejj Silo chekanquir templorojj lurctjja uqhamracwa jichhajj luräjja. Aca marcarusti mä uñtascaña maldeciraquï, take acapachanquiri marcanacataquejja.’ ”

Jeremías 26:9

¿Cunjämsa jumajj parltajja Tatitun sutipjjaru, aca templojj cunjämatejj Silo chekanquir templojj t'unjatäcän uqhamaraquïniwa, uqhamaraqui aca marcasa t'unjataraquïniwa jan mä sapa jakeniraquiw kheparani sasajja?” sasa. Ucatsti take jakenacaw templonjja Jeremiasaru muyuntasin catuntapjjäna.

Jeremías 41:5

ucapachasti Siquem, Silo, Samaria tokenacatjja quimsakallk tunca jakenacaw purintanipjjäna, sunqhanacapasa mururata, isinacapasa ch'iyanokataraqui, uqhamaraqui janchinacapasa k'ala chhojjriñchjataraqui uqhämsti jupanacpachaw lurasipjjatayna. Uqhamarus granonaca, inciensonaca apanipjjäna Tatituru loktañataqui templona.

Números 32:22

uqhamarac uca orakesa catuntatäcani ucapachasti jumanacajj cuttanjjapjjätaw, arsüwinacamatsa librequiw uñjasipjjaraquïta Tatitun nayräjjapana, uqhamarac israelitanacan nayräjjapansa. Aca orakesti jumanacataquiw kheparani Tatitun aruparjama.

Hechos 7:45

Awquinacasasti mä herenciäcaspas uqhamwa uca arust'äwi carpjja catokapjjäna. Josué chachampi chica jutirinacasti, uca santuario apanipjjaraquïnwa, cunapachatejj yakha marcanquir jakenacan orakenacap catuntapcän ucqhajja. Uca orakenquir jakenacarusti Diosajj ananucjjänwa, israelit jakenacar uca orakenacap churañataqui. Ucasti Davidan urunacapcamaquiw uqhamajj lurasïna.

Josué 18:2

Ucampis pakallko Israel tribunacajj janïraw cuna oraksa catokapcänti.

Josué 18:8

Cunapachatejj uca jakenacajj sarañataqui janc'aquïpjjan ucqhajj Josué chachajj jupanacarojj sänwa: “Sarapjjam uca orakenac uñatatiri ucatsti jalanokanipjjam, uqhamarac mäqui cuttanipjjam naya thiyaru, nayaw ucat aca Silo chekan Dios nayrakatan suertetcama uca orakenac churä” sasa.

Josué 19:51

Take aca orakenacwa Eleazar sacerdotempi, Josué chachampi, uqhamaraqui Israelan jach'a jilïri jakenacampejj uca tunca payan Israelan tribunacaparojj churapjjäna, Dios nayräjjana, uqhamaraqui cawqhantï Tatitump Jiquisiñ Carpajj luratäcäna uca Silo sat chekana. Uqhamaw orakenacajj takeniru churatäna.

Josué 21:2

aqham sasa: “Diosasti Moisés toke parlasinjja sawayänwa nanacaru marcanaca churañapataqui jacañanacajjataqui, uqhamarac paston orakenacsa uywanacajj awatisiñataqui” sasa.

Josué 22:12

Uc ist'asinjja take Israel jakenacaw Silo sat chekan tantacht'asipjjäna jupanacampi nuwasir sarañataqui.

Josué 22:19

Cawquïri orakenactï jumanacaru churapjjtam ucanacatejj jan Diosatacjamäcchi ucajja Diosan orakepäquis ucaru jutapjjam, cawqhantï Diosampi Jiquisiñ Carpajj jicjjatasqui ucqharu, ucatsti nanacan orakenacajj taypin mä cheka catusipjjaraquim; Dios contra jan sayt'apjjamti, ni nanac contrasa, uca mä yakha altar lurasisina, Diosan altärap utjquipanjja.

Josué 22:9

Uqhamaw Rubén, Gad, uqhamaraqui chicat Manasés tribunacajj, maynïri israelit jakenacat t'akaktawayjjapjjäna Silo sat chekana, Canaán orakena; ucat Galaad tokeru cuttañataqui, cawqharutï Diosajj Moisés toke orakenac churcän ucqharu.

Jueces 18:31

Uqhamawa jupanac taypincänjja Micaiajj lurcäna uca yakha diosjja, ucchañcamasti Diosan utapajja Silo sat chekanwa kheparänjja.

Jueces 21:12

Jabes sat marcan jaquirinac taypinjja pusi pataca jan chacha uñt'ir tawakonacaw utjäna, jupanacasti janiw chachanacampi jan wali sarnakaña yatipcänti. Ucatsti jupanacjja irpanipjjänwa Canaán chekancqui Silo sat campamentcama.

Jueces 21:19

Ucampis Silo sat chekansti sapa maraw Diosan jach'a fiestapajj utji. Ucasti Betel marca amstanquiwa, uqhamarac Siquem sat marcanacaru sarqui uca thaquita inti jalsu tokena, Lebona sat marcat aynachanaraqui.”

1 Samuel 1:24

Cunapachatejj wawarojj ñuñu t'akjjän ucapachasti, jupampi chicawa Tatitun temploparu irparaquïna Silo ucaru, wawasti jisc'äscaraquïnwa. Uqhamaraquiw quimsa vaca kallunacampi, pä tunca payan kilo trigompi, mä lip'ich wayaka vinompi aparaquïna.

1 Samuel 1:3

Sapa mararaquiw Elcanajj Silo sat chekaru sarirïna take ch'amani Tatituru yupaychiri, uqhamarac sacrificionac loktiri. Ucansti Elí sacerdoten pani yokapaw ucancascäna, maynejj Ofni sata, maynisti Finees sataraqui, jupanacasti Tatitun sacerdotenacaparaquïnwa.