Josué 17:1 - Qullan Arunaca

¹ Cawquïri oraketï Josean jilïri wawapa Manasés triburu wact'cän ucasti acanacänwa, ucatsti guerran nuwasiri Maquir sat Manasés tribun jilïri wawaparu, qhititejj Galaad ucan awquipäcän ucarojj Galaad, uqhamaraqui Basán orakenacaw wact'äna Jordán jawirat inti jalsu tokeru.

Aymar Bibliia 1986

¹ Cawquïri oraketï Josean jilïri wawapa Manasés triburu wact'cän ucasti acanacänwa, ucatsti guerran nuwasiri Maquir sat Manasés tribun jilïri wawaparu, qhititejj Galaad ucan awquipäcän ucarojj Galaad, uqhamaraqui Basán orakenacaw wact'äna Jordán jawirat inti jalsu tokeru.

Qullan Arunaka DC

¹ Kawkïr uraqinaktix Josean jilïr yuqapa Manasés ayllux katuqkäna uka uraqinakax akham jaljatänwa: Maquir chachan wila masi tamanakaparux, Moisesax niyaw Jordán jawirat inti jalsu tuqinkir Galaad, Basán uraqinak jupanakar churxatayna. Maquir chachax jan axsaras nuwasir jaqïnwa, jupasti Manasés chachan jilïr yuqapänwa, Galaadankirinakan awkiparakïnwa.

Josué 17:1 Jak'a apnaqawi uñst'ayäwi

Génesis 41:51

Jilïrirusti Manasés sasaw sutichäna, saraquïnwa: “Diosaw take t'akhesitanacajj armasiyjjetu, uqhamarac familianacajjsa” sasa.

Génesis 41:52

Ucjjaru wawaparusti Efraín sasaraquiw sutichäna, saraquïnwa: “Diosaw nayarojj wawanac apayitu, t'akhescta uca marcana” sasa.

Génesis 46:20

Josean wawanacapasti Asenat warmimpejja acanacänwa: Manasés, Efraín ucanaca. Jupanacasti Egipton nacirïpjjänwa. Asenat warmisti Potifera sat On sacerdoten phuchapänwa.

Génesis 48:17

Joseataquisti awquipan Efrainar cupi amparampi lokjjatatapajj janiw walïcänti; uqhamasti awquipan amparapa catusinjja, Manasesan p'ekeparuw lokjjatayi,

Génesis 48:18

saraquïnwa: —¡Tata, janiw uqhamäquiti! Acaw jilïrejja. Cupi amparamsti p'ekepjjaru lokjjatam —sasa.

Génesis 50:23

uqhamaraqui Efraín wawapan allchhinacaparus uñt'asiwaycataynawa. Uqhamaraquiw Maquir allchhipan wawanacaparus familiaparu catokäna, uca Maquirasti Manasesan wawapänwa.

2 Samuel 2:9

Ucanwa reyit utt'ayäna aca marcanacjjaru: Galaad, Gesuri, Jezreel, Efraín, Benjamín, uqhamaraqui take Israel marcjjaru.

1 Crónicas 2:23

Ucampis Gesur, uqhamarac Aram uca chachanacaw Jair chachan campamentonacapa catuntasipjjäna, uqhamarac Kenat, jisc'a marcanacapamppacha; takpachajj sojjta tunca marcanacwa catuntasipjjäna. Take ucanacaw Maquir chachat jutir wawanacapänjja, jupasti Galaad ucan awquipänwa.

Ezequiel 47:13

Tatitojj aqham siwa: “Israelan tunca payani tribunacapajj cuna oraktejj herenciata catokcani ucan korpanacapasti aqhamäniwa. (Josearusti pä ucqhaw wact'araquini).

Números 26:29

Manasés tribun wawanacapajj, Maquir chachan jach'a familianacapa, Maquir chachan wawanacapajj, Galaad chachan familianacapa.

Números 27:1

Manasés tribunjja pheska imill wawanacaw utjäna sutinacapasti Maala, Noa, Hogla, Milca, Tersa ucanacänwa. Jupanacasti Zelofehad chachan wawanacapänwa Hefer, Galaad, Maquir, Manasés, uqhamarac Josean wawanacapa.

Números 32:33

Uqhamaw Moisesajj churäna Gad, uqhamarac Rubén tribunacaru, chicat Manasés triburusa Sehón sat amorreo reyin orakenacapa, uqhamarac Og sat Basán reyin orakepa, take cawquïri marcanacatejj jupanccäna, take yapunacasa muyuntcäna ucanacampi chica.

Deuteronomio 21:17

Jan ucasti uca uñisit warmin wawaparuwa tayna wawapatjja uñt'asiñapa, ucatjja take yänacapatjja mä ucqhampi churañaparaquiwa; jupaw nayrïri ch'amapan jathapajja, tayna wawjamajja take cunsa chekapa catokerejja.

Josué 17:2

Uqhamaraquiw Manasés tribun wawanacapan orakenacapas suerteta laquintataraquïnwa, cawquïrinacatï Abiezer, Helec, Asriel, Siquem, Hefer, Semida satäpqui ucanaca; jupanacasti Josean allchhinacaparaquïnwa.

Josué 22:7

Maynïri chicat Manasés triburojj Moisesajj Basán chekanwa orakenac churjjatayna. Maynïri chicat Manasés triburojj Josué chachajj israelit jilanacapan orakenacap taypiruraquiw churäna, Jordán jawirat inti jalanta tokeru. Ucata Josué chachajj nayrïri tamarojja bendizjjäna, qhitanucjjaraquïna,

Jueces 5:14

Efraín satan yakhep jakenacapasti valle chekaruw sarakanipjjäna, jupanacan khepapsti Benjaminanquir tamaraquiw sarapjjaraquïna, Maquir sat chekatsti jilïrinacapajj sarakanipjjänwa, Zabulonanquiritsti jilïr apnakerinacaparaquiw sarakanipjjäna.