Josué 15:7 - Qullan Arunaca

⁷ Ucjjarusti Acor valleta maqhatänwa Debir parquicama, Gilgal tokeru cuttasina, cawquïritï Adumín amsta uñcatasincqui uca uma jalsu aynachcama, ucatsti korpajj pasascaquïnwa En-semes uma jalsu tokenjama, En-rogel sat uma phuch'ucama.

Aymar Bibliia 1986

⁷ Ucjjarusti Acor valleta maqhatänwa Debir parquicama, Gilgal tokeru cuttasina, cawquïritï Adumín amsta uñcatasincqui uca uma jalsu aynachcama, ucatsti korpajj pasascaquïnwa En-semes uma jalsu tokenjama, En-rogel sat uma phuch'ucama.

Qullan Arunaka DC

⁷ ukatsti Acor qhirwat makhatanïna Debir chiqakama, Guilgal tuqi muytanisina, Adumim amsta uñkatasina, qhirwa aynach tuqina; ukatsti qurpax En-semes uma jalsu chiqaw saräna, En-roguel chiqakama;

Josué 15:7 Jak'a apnaqawi uñst'ayäwi

2 Samuel 17:17

Cunjämatejj Jonatanampi uqhamaraqui Ahimaasampejj En-rogel chekancasipcänjja, janiw jupanacajj marcanjja uñjayasiñ munapcänti, mä uywataraquiw jupanacar yatiyirejj saräna, ucatsti jupanacajj janc'aquiw rey Davidar yatiyir sarapjjaraquïna.

1 Reyes 1:9

Qhä tiemponjja Adonías chachajj mä jach'a mank'äwi waquichäna Zohelet sat uca karka jac'aru, ucasti Rogel sat uma jalsu jac'ancänwa. Ucatsti ovejanaca, orko vacanaca, uqhamarac wali liq'i vaca kallunaca qharirasinjja, jawsayänwa take jilanacaparu, reyin wawanacaparu, uqhamarac jawsayaraquïnwa Judá orakenquir reyin take sirvirinacaparusa;

Isaías 65:10

Sarón sat vallesti uywanacampi phokt'atäniwa, Acor sat vallensti uywanacajj wali mank'arapjjaraquini, uca uywanacasti nayar thakeri marcancaniwa.

Oseas 2:5

Taycapajj yakha chachanacampiw sarnake; honrapsa k'al apt'asiraqui, aqham sasa: ‘Munirinacajj thaker sarä, qhitinacatejj churapquitu t'ant'sa, umsa, t'arwsa, linsa, aceitsa, umañanacsa ucanacaru’ sasa.

Josué 10:43

Ucjjarusti Josué chachajj take israelit jakenacampi Gilgal sat campamentoruw cuttanjjapjjäna.

Josué 15:15

Uca khepatsti Caleb chachajj Debir sat marcaruw saräna, cawquïrin sutipatï nayra urunacanjja Quiriat-sefer satäcäna ucaru,

Josué 15:6

Ucatsti maqhatascaquïnwa Bet-hogla ucqhacama, Bet-arabá sutini marcar pasasina, ucatsti Bohán Ben-Rubén uca karkacama purisa.

Josué 18:17

Ucjjarusti amsta toker sarasinjja En-semes sat chekaruw mistüna, ucatsti Gelilot sutini chekaruw purïna, cawquïritï Adumín sat irana uñcatasincqui ucacama, uca chekatsti sarascaquiraquïnwa Bohán Ben-Rubén karkanacäquis uca chekar puriñcama,

Josué 4:19

Israelitanacajj Jordán jawiratjja mistuwayapjjänwa kalltiri phajjsitjja tunca urunac sarakataru, ucatsti Gilgal sat orakeruw puripjjäna, Jericó marcat uñcatasiru.

Josué 7:24

Josué chachasti Acán chacharuw irpjjaruyäna, jupampi chicsti lunthatasincatayna ucanacampi cuna: kollke, Babiloniat apanit manto, kori barra, uqhamaraqui take wawanacapa, vacanacapa, asnonacapa, ovejanacapa, carpapa, take cunatï jupan utjcäna ucanacampi. Ucatsti take Israel marcaw saräna Acor sat valleru.

Josué 7:26

Ucjjarusti Acan chachan amayap patarojj walja kalanac montont'apjjäna, jichhacamaw uca kalanacajj ucancasqui, ucatwa uca chekajj jichhürunsa Acor valle satajja. Uqhamatwa Tatitun Israel marcapatac colerasiñapajj samarjjaraquïna.