Josué 15:13 - Qullan Arunaca

¹³ Josué chachasti Jefone jaken Caleb yokaparojj Judá tribun orakenacapatjja churaraquïnwa cunjämtï Diosajj Josué chacharojj siscatayna uqhama, ucatsti churänwa Quiriat-arba Hebrón sutini marca, cawquïritï anaquitas jach'a jakenacan wali aytat marcapäcän uca.

Aymar Bibliia 1986

¹³ Josué chachasti Jefone jaken Caleb yokaparojj Judá tribun orakenacapatjja churaraquïnwa cunjämtï Diosajj Josué chacharojj siscatayna uqhama, ucatsti churänwa Quiriat-arba Hebrón sutini marca, cawquïritï anaquitas jach'a jakenacan wali aytat marcapäcän uca.

Qullan Arunaka DC

¹³ Josué chachax Jefuné jaqin Caleb yuqaparux Judá ayllun uraqinakapat mä t'aqa churäna. Tatitun arsutaparjamasti, Hebrón marka churäna, Anac sat jach'a tansa jaqin wawanakapan aytat markapa.

Josué 15:13 Jak'a apnaqawi uñst'ayäwi

Génesis 13:18

Uqhamwa Abramajj carpapa apthapisiwayjjäna, ucatsti Mamre sat sutini mä jaken encinas kokanacani ch'umiparu jaquiriw sarjjäna, Hebrón marca jac'aru. Ucanwa Tatitun sutiparu mä altar sayt'ayaraquïna.

Génesis 23:2

Quiriat-arba sisqui uca chekanwa jiwawayjjaraquïna, Hebrón marcana, Canaán orakena. Abrahamasti warmipan jiwatapatjja wal jacharaquïna, lutt'asiraquïnwa.

2 Samuel 2:1

Uca khepatsti Davidajj Tatituruw jisct'asiraquïna, saraquïnwa: —¿Cawquïri marcanacatejj Judá tokencqui ucanacar sarañajj waquisispati? —sasa. Tatitusti saraquïnwa: —Jïsa, sarañamajj waquisiwa —sasa. —¿Cawquirus sarañajjajja? —sasaw Davidajj jisct'asiraquïna. Tatitusti ucjjarojj saraquïnwa: —Hebrón marcar sarañamaw —sasa.

1 Crónicas 6:56

Jefone chachan Caleb yokaparusti churapjjänwa, marcanquir orakenacapa, uqhamarac jisc'a marcanacapamppacha.

2 Crónicas 11:10

Zora, Ajalón, uqhamarac Hebrón, sayt'asiñatac perkanacani lurayatänjja, uca marcanacasti Judá, Benjamín ucanacancänwa.

Números 13:30

Ucapachasti Caleb chachajj Moisesan nayräjjapanccäna uca jakenacarojj amuct'ayänwa aqham sasa: —Sarapjjañäni uca orake catuntañataqui, jiwasasti catuntañäniwa.

Números 13:6

Judá tributjja, Caleb sat Jefone chachan wawapa.

Josué 11:21

Uca urunacanjja Josué chachajj t'unjaraquïnwa anaquitas sat jakenacaru, Hebrón sat kollunacan jaquirinacaru, Debir, Anab orakenacan jaquirinacaru, take Judá kollun jaquirinaca, Israel kollunacan jaquirinacaru, uqhamarac marcanacaparusa.

Josué 20:7

Ucatsti israelit jakenacajj acnïri marcanacwa ajllipjjäna imantasiñataquejja, Cedes sat marca Galilea orakena, cawquïritï Neftalí tribun kollunacapanccäna uca, Siquem sat marca Efraín tribun collunacapana, uqhamaraqui Quiriat-arba sat marca, cawquïritï Hebrón sutinïcaraquïna, Judá tribun kollunacapana.

Josué 21:11

Judá oraken kollunacapanjja Quiriat-arba sutini marca churapjjäna, cawquïritï Hebrón sutinïcaraquïna, uqhamaraqui anaquita sat jach'a jakenacan wali aytat marcaparaquïnwa, paston orakenacampi cuna.

Jueces 1:10

Ucat sarapjjaraquïnwa Hebrón marcan jaquir cananeonacar catuntañataqui. Nayrasti aca marcajja Quiriat-arba satänwa. Ucjjarusti atipjasinjja catuntasipjjaraquïnwa Sesai, Ahimán Talmai sat marcanacaru.

Jueces 1:20

Caleb chacharusti Hebrón sat orakewa wact'äna, cunjämtejj Moisesajj arsuwaycäna uqhamarjama. Ucatsti Caleb chachajj Anac satan quimspacha yokanacaparuw alisnucüna orakepatjja.

1 Samuel 25:3

Uca jakesti Nabal satänwa. Caleb chachat jutiriraquïnwa. Khoru jan wali jakeraquïnwa. Ucampisa Abigail warmipajja, wali suma uñnact'ani warmïnwa, wali ch'iqhiraqui.

1 Samuel 30:14

Cereteo jakenacan aynacha orakepa saqueyjiriw sarapjjta, ucatsti Judá, Caleb tokenquirinacar uqhamaraqui. Siclag marcarusti ninampiw phichhantapjjta.

1 Samuel 30:31

Hebrón, uqhamarac cawqhanacantejj jupasa, uqhamarac jakenacapasa sarnakcatayna take ucsanquirinacaruw apayataraquïnjja.