Josué 13:6 - Qullan Arunaca

⁶ Naya Diosaw Israel marcan nayräjjapata uca sidonios sat jakenacar ananucuscä, uqhamaraqui kollu tokenacan jaquir jakenacarusa, Líbano oraketa Misrefot-maim orakcama. Jumasti jichhajj Israel marcaru uca orakenac churañaru, uchasim, cunjämtï nayajj siscsma uqhamar phokhasa.

Aymar Bibliia 1986

⁶ Naya Diosaw Israel marcan nayräjjapata uca sidonios sat jakenacar ananucuscä, uqhamaraqui kollu tokenacan jaquir jakenacarusa, Líbano oraketa Misrefot-maim orakcama. Jumasti jichhajj Israel marcaru uca orakenac churañaru, uchasim, cunjämtï nayajj siscsma uqhamar phokhasa.

Qullan Arunaka DC

⁶ Naya Diosaw israelitanakan nayräxapat sidonio jaqinakarux jaqunukü, ukhamarak qullunakan jakapki ukanakarusa, Líbano chiqat qalltasa Misrefot-maim chiqakama. Jumasti jichhax israelitanakar uka uraqinak churañar uchasim, kunjämtix nayax sisksma ukhamar phuqhasa.

Josué 13:6 Jak'a apnaqawi uñst'ayäwi

Salmos 80:8

Jumaw Egiptot uva alir apsuntajja, Diosar jan uñt'ir jakenac jakonucusin ayrunttajja;

Números 33:54

Ucampisa suertetcam jaljasipjjäta, take tribunacan familianacapampi chica, walja jach'a familianacarojj jach'a orakenacwa churapjjäta, jisc'a familiarusti jisc'a orakenaca churapjjaraquïta, sapakat familiaw catokani, cunjämatejj suertetjja wact'qui uqhamarjama.

Josué 1:6

Jumasti wali ch'amani sayt'asim janirac ajjsaramti. Aca marcaru orak laquiñajj jumaruw wact'tam; ucasti nayajj: ‘Herencia churä’ siscäyata awquinacaparu ucawa.

Josué 11:12

Uca pachparacwa maynïri suma arust'äwir mantir marcanacarojj luräna, reyinacapar jiwarayasa uqhamaraqui take cunatï utjcän ucanac t'unjasa, cunjämatï Tatitun sirviripa Moisesajj siscäna uqhamar phokhasa.

Josué 11:8

Diosasti Israel marcaruw atipjaña churäna, ucatsti jupanacajj khepat arctapjjäna Sidón uqhamarac Misrefot-maim sat marcacama, uqhamaraquiw arcapjjäna Mizpa sat chekacama jan mayani jiwarayasa.

Josué 13:7

Jichhasti jumajj aca orakenacjja uca llätunca tribunacar laquintam, uqhamaraqui chicat Manasés tribur cuna” sasa.

Josué 23:13

Diosasti janiw uca jakenacarojj jumanacan nayräjjamat jakonuccaniti, jan ucasti Diosajj mä sipitjama, känjama apnakani jumanacar tincuyañataqui, uqhamaraqui mä azot'ir uñtata jiqhaninacamataqui, mä ch'aphir uñtata nayranacamataqui, uqhamata jan maynis jumanacata jacañapataqui uca suma orakena, cawquïrtï Diosajj jumanacar churapjjtam ucana.

Josué 23:4

Nayasti sapakat mayni tribunacaruw aca orakenac laquintapjjsma, suertetcama, ucampisa nayajj janiraquiw catuntata orakenacacti laquintapcsma, jan ucasti laquintapjjaracsmaw cawquïri orakenacatï jan catuntatäqui ucanacsa, Jordán jawira inti jalsu toketa, inti jalanta tokerusti Mediterráneo sat jach'a kotacama.

Josué 23:5

Tatitu Diosaraquiw aca oraketjja jakonucuni, cawquïri jakenacatï jacasipqui ucanacarojja; jumanacaw catuntapjjäta cunjämtï Diosajj arupa churawayqui uqhamar phokhasa.