Josué 13:20 - Qullan Arunaca

²⁰ Uqhamaraqui Bet-peor, Bet-jesimot marcanaca, uqhamaraqui Pisga sat kollu iramancqui ucanaca,

Aymar Bibliia 1986

²⁰ Uqhamaraqui Bet-peor, Bet-jesimot marcanaca, uqhamaraqui Pisga sat kollu iramancqui ucanaca,

Qullan Arunaka DC

²⁰ Bet-peor, Bet-jesimot, Pisgá sat qullu irananaka,

Josué 13:20 Jak'a apnaqawi uñst'ayäwi

Ezequiel 25:9

Ucatpï jichhajj Moab ucarojj jaraphipa ch'iyjäjja, mä thiyata mä thiyacamajja jan marcanacani jaytaraquëjja, cawquïri marcanacatejj uca oraketaquejj korïcaspas uqhamäqui ucanaca, ucanacasti acanacawa: Bet-jesimot, Baal-meón, uqhamaraqui Quiriataim marcanaca.

Números 25:3

Uqhamatwa jupanacajj Baal-peor diosar yupaychañaru uchasipjjäna. Ucatwa Tatitojj jupanacataquejj wal colerasïna.

Números 33:49

Jordán jawira jac'an campamentojj Bet-jesimot sat chekata Abel-sitim sat chekacamänwa, Moab pampanacana.

Deuteronomio 3:17

Qhursa inti jalsu tokerusti Arabá sat orake churäyäta, Pisga sat kollun inti jalsu tokeru, cawquïri oraketï Jordán jawirampi korpasqui, ucatsti Cineret kota toketa sararaqui Jayun kotar puriñcama, cawquïritï Mar Muerto satäqui ucacama.

Deuteronomio 4:46

cunapachatï jupanacajj Jordán jawirat inti jalsu tokena jicjjatasipjjäna, cawquïri valle Bet-peor sat orake uñcatasincqui ucqhana; Sehón sat amorreonacan reyipan orakepana. Sehón reyisti Hesbón marcan jacäna, ucatsti Moisesampi Israel marcampiw juparu atipjapjjäna, cunapachatï israelitanacajj Egipto marcat mistunipcän ucqha.

Josué 12:3

Jordán jawirat inti jalanta tokerus atipjaraquïnwa, Cineret kota chekata Mar Muerto ucacama, Bet-jesimot toketpacha, ucatsti Pisga sat kolluta aynach tokecama.

Josué 13:19

Quiriataim, Sibma, Zaret-sahar uca marcanaca, cawquïri marcanacatï valle kollunac patancqui ucanaca.

Josué 13:21

uqhamaraqui cawquïri marcanacatï pampanacan utjäna, take Sehón sat amorreonacan orakep cuna, cawquïritï Hesbón marcan jaccäna. Moisesasti Sehón reyirojj atipjatayna, uqhamaraqui Madián marcan jilïrinacaparusa qhitinacatï jupar sirvipcäna: Evi, Requem, Zur, Hur, Reba ucanacaru.