Josué 11:15 - Qullan Arunaca

¹⁵ Diosajj cuntï Moisesaru siscäna ucanacjja Moisesajj Josué chacharuraquiw säna; Josué chachajj israelitanacarojj uca arsüwinacjja phokhayänwa, janiw cunsa uqhamac pasaycänti.

Aymar Bibliia 1986

¹⁵ Diosajj cuntï Moisesaru siscäna ucanacjja Moisesajj Josué chacharuraquiw säna; Josué chachajj israelitanacarojj uca arsüwinacjja phokhayänwa, janiw cunsa uqhamac pasaycänti.

Qullan Arunaka DC

¹⁵ Tatitux Moisesaruw ixwa arunakap churatayna, Moisesasti Josué chacharuw uka ixwa arunak churarakïna, jupasti uka arunakarjamax taqpun phuqhäna.

Josué 11:15 Jak'a apnaqawi uñst'ayäwi

2 Crónicas 30:12

Dios pachparaquiw Judá orakenquir jakenacarojj onjjtayaraquïna reyina, autoridadanacana arunacaparu phokhañataquejja, cunjämtï Tatitojj siscäna uqhamaru.

Números 33:50

Moab orake pampanacanjja, Jordán jawira jac'ana, Jericó marca uñcatasina, Tatitusti Moisesarojj sänwa.

Números 33:52

takpach uca oraken jaquir jakenacaru alisnucupjjam, uqhamarac t'unjapjjam take kalat lurata, metalat lurata diosanacaru, ucatsti t'unjapjjaraquïtaw take kawkha jisc'a kollunacantejj culto lurañ yatipqui ucanaca.

Mateo 23:23

“¡Ay, camachapcaquïta jumanacajj ley yatichirinaca, fariseonaca, c'ari chuymaninaca! Jumanacajj jisc'a achunacatwa diezmo churapjjtajja, menta, anís, comino ucanacata, ucampis janiw jaysapctati cunatejj leyinjja wali asquïqui ucjja. Cawquïritejj chekäqui, qhuyapayasiñäqui, iyawsañäcaraqui ucjja apanucupjjtawa. Acanacawa lurapjjañamänjja, maya lurañanacjja jan jaytanucusa.

Lucas 11:42

“¡Ay, camachapcaquïta fariseonaca! Jumanacajj Diosarojj diezmjja churapjjtawa acanacata: menta, ruda, take ch'ojjñanacata, ucampis Diosan cheka cancañapampi, munasiñapampjja janiw yäkapctati. Acaw lurañanacamajja maya lurañanac jan apanucusa.

Hechos 20:20

Ucampis jumanacar Tatitun arunacapat parlañatjja janiw inact'cäyätti, jumanacatac asquïtap laycu. Utanacansa, uqhamaraquiw mayninacarusa taken uñjcataraquiw jumanacarojj yatichapjjsma.

Hechos 20:27

Nayasti jumanacarojj yatiyapjjsmawa takpach Diosan thaquipatjja, jan cuns imt'asa.

Deuteronomio 12:32

“Take ewjjanaca churapcsma uqhamarjam sarnakapjjam, jan cunsa jiljjatayapjjamti ni menoswakayapjjamsa.

Deuteronomio 31:3

Ucampis Tatitu Diosamaraquiw jumanacan nayramjja sarani, juman nayräjjamatsa uca marcanacaru t'unjaraquini, ucan jacapjjañamataqui. Josué chachaw jumanacan nayram sarani, jupasti jach'a jilïrit utt'ayatawa, cunjämatï Tatitojj sisqui uqhama.

Deuteronomio 31:5

Cunapachatejj Tatitojj jumanacan amparanacamar uca marcanac catuyapjjätam ucqhajj, cuntejj nayajj ewjjawayapcsma ucanacwa lurapjjäta.

Deuteronomio 31:7

Ucatsti Moisesajj Josué chacharuw jawsäna, take Israel marca nayräjjana aqham sasa: “Ch'amacht'asim, sayt'asiraquim, jumaw aca jakenacar irpäta, cawquïri oraktï Tatitojj arupampi arsusin jumanacan awquinacamar churämaw siscän ucaru, ucatsti jumaraquiwa uca orakenac laquintäta.

Deuteronomio 4:2

Janiraqui cawquïri ewjjanactï churapcäma ucanacarojj jiljjatayapjjamti ni apakapjjamsa. Jaysapjjam Tatitu Diosaman camachi arunacap churapcsma ucarojja.

Deuteronomio 4:5

Nayasti jumanacarojj yatichapjjsmawa take cawquïri leyinactï Tatitu Diosajj ewjjawayquistu ucanaca, jumanacan uca leyinacarjam sarnakapjjañamataqui cawquïr oraktï churapcsma ucana.

Deuteronomio 7:2

Cunapachatejj Tatitu Diosamajj uca marcanac amparanacamaru catuyapjjätam, uqhamaraqui atipjapjjät ucqhajj janiw jumanacajj cunsa jumanacatac catusipjjätati, jan ucasti take yänac t'unjapjjäta, janiraquiw cuna suma arust'äwirus jupanacampi mantapjjätati ni jupanacat qhuyapayasipjjätasa.

Josué 1:7

Nayasti sismawa: Ch'amani sayt'asim, ucatsti phokharaquim Moisés sirvirejjajj ley jaytawayctam take ucanacaru. Cuntï sisqui ucanacatjja janipuni maysar saranucumti, uqhamat take luräwinacamajj sumaqui sarañapataqui.

Josué 11:12

Uca pachparacwa maynïri suma arust'äwir mantir marcanacarojj luräna, reyinacapar jiwarayasa uqhamaraqui take cunatï utjcän ucanac t'unjasa, cunjämatï Tatitun sirviripa Moisesajj siscäna uqhamar phokhasa.

Josué 11:14

Israelitanacajj jupanacataquiw take utjirinacjja, uqhamarac uywanacapsa catuntasipjjäna; ucampis take jakenacarojj espadampiw jiwarayapjjäna jan maynirus jacañapa perdonasa.

Josué 11:16

Uqhamaw Josué chachasti take uca orakenac catuntäna, kollu orakenaca, Néguev sat orake, Gosén orake, Jordán jawiran valle pampanaca uqhamaraqui take Israel marcan kollunacapa, pampanacapa cuna.

1 Samuel 15:11

“Saúl chachar reyit utt'ayatajjatsti walpun amtta, nayatsti jithektituwa, arsutanacajjsti janiraquiw phokquiti” sasa. Samuelosti uca ist'asajj wali mayjt'ataw kheparäna, ucat uca aruma pakariraquiw Tatituru mayïna.