Josué 11:14 - Qullan Arunaca

¹⁴ Israelitanacajj jupanacataquiw take utjirinacjja, uqhamarac uywanacapsa catuntasipjjäna; ucampis take jakenacarojj espadampiw jiwarayapjjäna jan maynirus jacañapa perdonasa.

Aymar Bibliia 1986

¹⁴ Israelitanacajj jupanacataquiw take utjirinacjja, uqhamarac uywanacapsa catuntasipjjäna; ucampis take jakenacarojj espadampiw jiwarayapjjäna jan maynirus jacañapa perdonasa.

Qullan Arunaka DC

¹⁴ Uka markanakan jakir jaqinakarusti espadampkamaw jiwarayapxäna, janiw maynirus jakayapkänti, ukatsti uka markanakan utjkatayna uka uywanaksa, utjir yänaksa taq katuntasipxäna.

Josué 11:14 Jak'a apnaqawi uñst'ayäwi

2 Crónicas 20:25

Ucatsti Josafat reyimpi jakenacapampejja jalapjjänwa cunanactejj uisirinacapajj jaytawayapcäna ucanaca aptasiri, ucatjja jupanacajj jicjjatapjjänwa walja uywanaca, armanaca, isinaca, uqhamarac wali jila alani yänacaraqui, take ucanacwa catuntasipjjäna. Walja yänacawa utjäna, janiw jupanacajj apthapiñataqui ch'amanïpcänti. Waljätap laycusti quimsa uruwa uca yänaca apthapipjjäna.

Números 31:9

Israelitanacajj madianita warminacaru, jisc'a wawanacaparuw catuntasin apanipjjäna, uqhamaraquiw aparanipjjäna animalanacapa, uywanacapa take jila alani yänacapsa.

Deuteronomio 20:14

Take warminaca, wawanaca, uywanaca, take cunatejj marcan utjqui ucanacaw jumanacancani, ucatsti uñisirinacamat aparanipcta ucanacatwa Tatitu Diosamajj mank'ayaraquïtam.

Deuteronomio 20:16

Ucampis Tatitu Diosamajj churctam uca oraken marcanacapanjja janiw cunsa jacasquir jaytapjjañamäquiti,

Josué 10:40

Uqhamaw Josué chachajj take uca oraken jaquir jakenacaru atipjäna. Kollu token jaquir reyinacaru, Néguev sat oraken jaquir reyinacaru, uqhamaraqui pampanacan jaquirinacaru, aynacha token jaquir reyinacar cunaw atipjäna. Take ucanacaruw t'unjäna uqhamaraqui jiwarayäna, cunjämtï Israelan Diosapajj siscäna uqhamaru.

Josué 11:11

uqhamaw take ucan jaquirinacaru jiwarayapjjäna. Take cunwa t'unjapjjäna, ucatsti ninampiw marcar phichhantapjjäna.

Josué 11:13

Ucampis janiraquiw israelitanacajj cawquïri marcanacatï kollu tokenacancapcän uca marcanacarojj ninampi phichhantapcänti, jan ucasti Hazor sat marcaruquiw ninampi phichhantapjjänjja.

Josué 11:15

Diosajj cuntï Moisesaru siscäna ucanacjja Moisesajj Josué chacharuraquiw säna; Josué chachajj israelitanacarojj uca arsüwinacjja phokhayänwa, janiw cunsa uqhamac pasaycänti.

Josué 8:2

Jumasti cunjämtï lurta Jericó marcampejja uca quipca luraraquïta Hai marcarojja uqhamaraqui reyiparusa. Acamänsti jumanacaw take yänacap jumanacataqui apasinjjapjjäta, uqhamaraqui animalanacapsa. Jichhajj waquichasimay Hai marcaru acatjamat khepäjjat t'unjañataqui” sasa.

Josué 8:27

Israelit jakenacajj take Hai marcan uywanacapa, uqhamaraqui utjirinacapa catuntasipjjäna, cunjämtï Diosajj Josué chacharojj siscäna uqhama.