Josué 10:40 - Qullan Arunaca

⁴⁰ Uqhamaw Josué chachajj take uca oraken jaquir jakenacaru atipjäna. Kollu token jaquir reyinacaru, Néguev sat oraken jaquir reyinacaru, uqhamaraqui pampanacan jaquirinacaru, aynacha token jaquir reyinacar cunaw atipjäna. Take ucanacaruw t'unjäna uqhamaraqui jiwarayäna, cunjämtï Israelan Diosapajj siscäna uqhamaru.

Aymar Bibliia 1986

⁴⁰ Uqhamaw Josué chachajj take uca oraken jaquir jakenacaru atipjäna. Kollu token jaquir reyinacaru, Néguev sat oraken jaquir reyinacaru, uqhamaraqui pampanacan jaquirinacaru, aynacha token jaquir reyinacar cunaw atipjäna. Take ucanacaruw t'unjäna uqhamaraqui jiwarayäna, cunjämtï Israelan Diosapajj siscäna uqhamaru.

Qullan Arunaka DC

⁴⁰ Ukhamaw Josué chachax taqi uka uraqinak katuntasïna. Jupax Négueb qullunkiri, pampankiri, amstankir reyinakaruw atipjäna. Taqpun tukjäna, taqiniruw jiwarayarakïna; janiw ukat jilt'irix kunas utjkänti, janirakiw maynis jakkänti, kunjämtix Israelan Tatit Diosapax jupar siskatayna ukhamaru phuqhasa.

Josué 10:40 Jak'a apnaqawi uñst'ayäwi

1 Reyes 15:29

Cunapachati reyïña kalltäna ucspachawa, Jeroboaman take familiaparu jiwarayäna. Ucasti phokhasiscänwa cunjämtï Tatitojj Silo chekanquir Ahías sat profetaru yatiycäna uqhamaruw Baasa reyejj take jiwarayäna Jeroboaman familiaparu. Janiwa qhitirusa jacasquirjja jaytcänti.

Nehemías 9:24

Uqhamarac jupanacajj Canaán oraker mantasinjja catuntasipjjänwa orakenaca. Jupanacan nayrakatapanjja uca oraken jaquir jakenacarojja jisc'aruwa tucuyaractajja, uqhamarac reyinacaparusa, ucatjja amparanacaparusa catuyaractawa uca orakenquir jakenaca, jupanacampi cuntejj munapqui uqhamar lurapjjañapataqui.

Salmos 9:17

Ñankha lurir jakenacampi, Diosar jan uñt'irinacampejj jiwañ mic'ayaruw chhaktapjjani, Diosat armt'asir jakenacajj wiñay jiwampiw tucusipjjani.

Éxodo 34:12

“Janiw jumajj sumancañaru mantätati cawqha marcanacarutejj jumajj mantcäta ucanjja, jupanacasti inampis jan walt'añaru puriyapjjeristama.

Números 13:17

Moisesasti Canaán oraker qhitasinjja jupanacarojj sänwa: —Sarapjjam Néguev sat chekanjama, maqhatapjjam kollu tokenacaru.

Deuteronomio 1:7

Jichhasti take yänacam apthapisipjjam; sarapjjam amorreonacan kollunacaparu, uqhamaraqui take jupanacancquis uca orakenacarusa: Arabá sat chekaru, kollu orakenacaru, pampanacaru, Néguev sat chekaru, jach'a kota thiyan orakenacaru, cananeonacan orakeparu, Eufrates sat jach'a jawircama.

Deuteronomio 2:34

Take marcanacapwa catuntapjjtanjja, uqhamaraqui take t'unjapjjaractajja, ucatsti take chachanaca, warminaca, wawanaca, jiwarayapjjtanjja, janiraquiw maynirus jacayctanti,

Deuteronomio 7:24

Reyinacaparusa jumanacan amparanacamaruw catuyapjjtam, ucatsti jumanacaw jupanacarojj chhaktayapjjäta jan qhitis aca oraken jupanacat amtasiñapataqui. Janiwa cawquïrisa jupanacatjja jumanac nayräjjan sayt'asiñ puedcaniti, ucatsti jumanacajj take jupanacaruw jiwarayapjjäta.

Josué 10:35

Uca quipca ururaquiw k'ala uca Eglón marcan jaquir jakenacarojj espadampi jiwarayapjjäna, janiraquiw maynis khespcänti.

Josué 10:37

Cunapachatejj israelitanacajj uca marcar mantapjjän ucqhajj, reyiparusa, take jakenacarusa, take uywanacarusa jiwarayapjjänwa, uqhamaraquiw cawquïri marcanacatï uca jac'anacan utjapcän ucanacarusa janiw perdonapcänti; cunjämtï Eglón marcarojj lurapjjänjja uqhamaraquiqui uca marcanacarojj lurapjjäna.

Josué 10:39

Israelit jakenacajj cunjamtï Hebrón marcaru, uqhamaraqui Libna marcarus lurapcäna, uca quipcaraquic Debir marcan jakenacaparojj jiwarayapjjäna jan mayniru, reyiparus uqhamarac marca masinacaparusa.

Josué 11:16

Uqhamaw Josué chachasti take uca orakenac catuntäna, kollu orakenaca, Néguev sat orake, Gosén orake, Jordán jawiran valle pampanaca uqhamaraqui take Israel marcan kollunacapa, pampanacapa cuna.

Josué 12:8

Kollu orakenaca, pampa orakenaca, Jordán vallenaca, kollu thiyanaca uqhamaraqui wasara tokenquir orakenacsa, Néguev sat orakenac cuna. Aca orakenacanjja jacapjjänwa hititanaca, amorreonaca, cananeonaca, ferezeonaca, heveonaca, jebuseonac cuna.

Josué 18:21

Mä toketsti cawquïri marcanacatï Benjamín tribun wawanacaparu wact'cäna ucanacajj acanacänwa: Jericó, Bet-hogla, Emec-casis uca marcanaca.

Josué 6:17

Aca marcanquirinacasti k'alaw tucjatäni, ucajj Tatitur loktatäcaspas uqhama, ucatsti Rahab warmiruquiw jacañapjja khespiyapjjäta uqhamaraqui take familiaparusa jupajj uñakeri jakenacasaru utapar catokatap laycu.

Josué 8:2

Jumasti cunjämtï lurta Jericó marcampejja uca quipca luraraquïta Hai marcarojja uqhamaraqui reyiparusa. Acamänsti jumanacaw take yänacap jumanacataqui apasinjjapjjäta, uqhamaraqui animalanacapsa. Jichhajj waquichasimay Hai marcaru acatjamat khepäjjat t'unjañataqui” sasa.

Josué 8:27

Israelit jakenacajj take Hai marcan uywanacapa, uqhamaraqui utjirinacapa catuntasipjjäna, cunjämtï Diosajj Josué chacharojj siscäna uqhama.

Josué 9:24

Gabaonanquir jakenacajj Josué chacharojj sapjjänwa: —Nanacasti ucjja lurapjjtwa jumar ajjsarasina, juman jan nanacaru jiwayañamataqui. Nanacasti yatipjjtwa cuntejj jumanacan Diosamajj Moisesarojj sawaycatayna ucjja: ‘Take aca marcanac jumanacar catuyapjjäma ucatsti jumanacajj takpach t'unjapjjäta’ sasa.