Josué 10:26 - Qullan Arunaca

²⁶ Uc arsusinsti Josué chachajj jiwayänwa uca reyinacarojja, ucatjja pheska kokanacaruw warccatayaraquïna jayp'ucama.

Aymar Bibliia 1986

²⁶ Uc arsusinsti Josué chachajj jiwayänwa uca reyinacarojja, ucatjja pheska kokanacaruw warccatayaraquïna jayp'ucama.

Qullan Arunaka DC

²⁶ Uk arsusinsti Josué chachax uka reyinakaruw jiwarayäna, ukatsti sapa mayniruw mä quqar warkkatayäna, ukan jayp'ukam warkut uñjasipxäna.

Josué 10:26 Jak'a apnaqawi uñst'ayäwi

2 Samuel 21:6

uca jaken wawanacapatjja pakallkoni nanacar catuyapjjeta, nanacasti ucanacarojj Gabaa chekanwa, pachpa Saúl reyin marcapana, Tatitu nayrakatan warccatapjjä —sasa. Reyisti —Waliquiwa —saraquïnwa,

2 Samuel 21:9

Ucatsti gabaonita jakenacaruw catuyjjäna, jupanacasti mä kolluna Tatitu nayrakatan warccatapjjaraquïna. Uqhamaw takeni pakallkonpacha jiwarayapjjaraquïna, cebada apthapiñ horasäquis uca kalltana.

Ester (hebreo) 2:23

Ucampis uca amtäwejj suma yatjjatatänwa, ucatsti chekätapa yatjjatasinjja uca pani eunuco sat jakenacajj juchañchatäpjjänwa jaychcatata jiwapjjañapataqui. Aca luräwisti reyin nayrakatapanwa libroru kellkantasïna, marcana cuna luräwinacatejj kellkatäqui uca libroru.

Salmos 149:7

Diosar jan uñt'ir marcanacar uqhämat uqhäm apsusiñataqui, jach'a marcanacar mutuyañataqui,

Salmos 18:41

Jupanacajj yanap mayisipjjäna, jupanacarusti janiw qhitis yanapcänti, Tatituruw art'asipjjäna jupasti janiw ist'cänti.

Números 25:4

Tatitu Diosajj Moisesarojj sänwa: —Tantachthapim marcan take jilïrinacaparu, ucatsti urpach jiwarayam nayan nayrakatajjana; uqhamatwa colerajjajj t'acuraquini Israel marcataquejja —sasa.

Mateo 27:25

Take jakenacaraquiw ucjjarojj mayac arsupjjäna: —¡Nanacaw wawanacajjamppacha juchanïpjjä uca jaken jiwäwipatjja! —sasa.

Juan 19:31

Pascuataquejj mä uruquejjänwa. Judionacajj janiw samarañ urunjj janchinacan crusan kheparañap munapcänti, uca samarañ urojja wali jach'a urütap laycu. Ucatwa Pilatoru mayipjjäna crusanquirinacaru cayunacap p'aquirayañapataqui, ucatsti janchinacap crusat apakayañapataquiraqui.

Gálatas 3:13

Cristojj leyin maldicionapatwa khespiyistu, jupajj juchanacas laycu maldicitaraquïnwa, Kellkatanjja aqham siwa: “Maldicitäpan take qhititejj mä lawaru warccatatäqui ucajja” sasa.

Josué 8:29

Hai marcan reyiparusti mä kokaruw cuncata warccatayäna jayp'ucama, cunapachatejj intejj jalantjjän ucapachaw amayapjja kokat apakayanïna, marca mantañar uchasinjja kalanacampiw amayap patjjaru uchayäna. Uca kala montonajj jichhürcamaw ucancasqui.

Jueces 8:21

Ucampis Zebampi, Zalmunampejj, Gedeonarojj sapjjaraquïnwa: —¡Jumay nanacaru jiwarayapjjetajja! Uqhamatwa mä jakena jan ajjsarirïtapajj yatisi —sasa. Ucatsti Gedeonajj sartasinwa jiwarayi, uqhamaraqui Zeba, Zalmuna ucanacan camellonacapan cuncapan adornonacajj uchatäcäna ucanacsa catuntasiraqui.

1 Samuel 15:33

Ucampis Samuelojj sänwa: “Jumajj espadamampiw walja warminacarojj jan wawani jayttajja. Jichhajj taycamajj jupanacjamaraquiw kheparani” sasa. Ucatsti Tatitu nayrakatana jan ajjsarasaw Samuelojj Agag reyerojj Gilgal sisqui uca chekan pusiruw qharinokäna.