Josué 1:17 - Qullan Arunaca

¹⁷ Cunjamtï Moisesarojj take cunansa jaysapjjäyätjja, uqhamaraquiw jumarojj jaysapjjäma. Nanacasti munapjjtwa Diosajj jumaru yanapañapa, cunjamtï Moisesarojj yanapcäna uqhama.

Aymar Bibliia 1986

¹⁷ Cunjamtï Moisesarojj take cunansa jaysapjjäyätjja, uqhamaraquiw jumarojj jaysapjjäma. Nanacasti munapjjtwa Diosajj jumaru yanapañapa, cunjamtï Moisesarojj yanapcäna uqhama.

Qullan Arunaka DC

¹⁷ Kunjämtix nanakax Moisesar taqi kunan jaysapxäyäta, ukhamarakiw jumarux jaysapxäma. Nanakasti Tatitu Diosaman jumampïñap munapxta, kunjämtix Moisesampïkan ukhama.

Josué 1:17 Jak'a apnaqawi uñst'ayäwi

2 Samuel 14:17

Aca sirvirimasti suyt'ascaraquiwa juma jach'a reyin arunacapampi chuymachatäña, juma jach'a reyisti take cunsa chekaparupuniw uñjtajja, yatiractawa cunatejj walïqui ucsa uqhamaraqui cunatejj jan walïqui ucsa, mä Diosan angelapjama. ¡Tatitu Diosay juma jach'a reyimpi kheparpan! —sasaw warmejj säna.

1 Reyes 1:37

Cunjämatejj Tatitojj juma jach'a reyimpïcäna, uqhamaraquïpan Salomonampejja, reinopsa juc'amp jach'a tucuypan juma reyejjan reinopata sipansa.

1 Crónicas 28:20

Ucatsti Davidajj Salomonarojj sänwa: “¡Ch'amañchasim, janirac mayjt'asimti, uqhamarac jichhajj lurañaru uscusim! ¡Janipun ch'am thayjtayasimti, ni ajjsaramsa, Tatitu Diosajjasti jumampïscatap laycu! Jupasti janiw jaytanuccätamti, ni apanuccätamsa, take lurañanacajj Tatitur sirviñataqui templona tucusiñapcama.

Salmos 20:1

Tatitojj llaquisiñaman jumarojj ist'pan, Jacobon pachpa Diosapajj jumar arjjatpan;

Salmos 20:4

chuymaman munataparjam phokpan, take amtäwinacam phokhasiypan.

Salmos 20:9

Tatay, ¡reyirojj atipjañ ch'am churaquimaya! ¡Mayisipcäm ucapachasti, ist'apjjaquitaya!

Números 27:18

Tatitusti Moisesarojj sänwa: —Josué sat Nun chachan yokapajj suma amuyt'ani jakewa. Irptanim ucatsti amparamampi p'ekepat lokjjatam,

Números 27:20

uca pachparaqui jupa patjjarojj ucham jilïri cancañama, uqhamata takpach Israel marcajj jupar ist'apjjañapataqui.

Mateo 21:9

Nayrakat sarapcän uca jakenacasti, uqhamarac khepat arcasipcän ucanacasa art'añ kalltapjjäna: “¡Jach'achatäpan rey Davidan Yokapajja! ¡Bendicitäpan Tatitun sutipar jutirejja! ¡Diosajj Jach'achatäpan!” sasa.

Deuteronomio 34:9

Ucatsti Josué sat Nun chachan yokapajj, yatiñ cancaña Moisesat catokäna, Moisesajj amparanacap jupjjaru lokjjatatap laycu, uqhamaw israelitanacajj jaysapjjäna, lurapjjaraquïna cunjämtejj Tatitu Diosajj Moisesar ewjjawaycän uqhamarjama.

Josué 1:16

Jupanacasti Josué chacharojj sapjjänwa: —Take cunanactejj jumajj sapquitäta ucanacjja lurapjjäwa, uqhamaraquiw sarapjjä cawqharutï saram sapjjetäta ucarusa.

Josué 1:18

Cawquïri jaketï jan arunacamaru ist'cätam, uqhamaraqui jan jayscaraquïtamsa ucasti jiwaniwa. Nanacasti juman ch'amampi uqhamarac cheka chuymampi sarañamacwa munapjjta —sasa.

Josué 1:5

Take jacañamansti janiw qhitis atipañ puedcätamti. Nayaw jumampïscä cunjämatejj Moisesampïcäyätjja uqhama; janipuniw jaytcämati ni apanuccaraquïmasa.

Josué 1:9

Nayasti sismawa: Ch'amani sayt'asim, jan ajjsaramti, janirac mayjt'asimsa. Naya Tatitu Diosamaw jumampïscä cawqharutï sarcäta ucqhanacana” sasa.

Josué 4:14

Diosasti uca urojj Josué chacharojj wali jach'a jaket uñt'ayäna israelit jakenacampejja, uqhamaraquiw respetayäna cunjämtejj Moisesar lurcäna take sarnakäwipana uqhama.

1 Samuel 17:37

Tatitojj nayarojj leonan amparapatsa, uqhamarac oson amparapatsa khespiyituwa. Aca filisteo chachan amparapatsti khespiyaraquiquitaniwa. “Ucat Saúl reyejj saraquïna: —Uqhamajj saramaya, Tatitusti juma chicaraquïpan —sasa.

1 Samuel 20:13

Ucampisa, awquejjatejj juma contra jan wal amtanejja, ucapachajj Tatitojj wali mutuypan, janitejj yatiycäma juman jaltjjañamataqui ucapachajja. ¡Tatituy jumarojj yanappan cunjämatejj awquejjaru yanapcänjja uqhama!