Joel 3:9 - Qullan Arunaca

⁹ “Marcanacarusti acanac yatiyapjjam: ¡Mä kollan guerran nuwasipjjam! ¡Jan ajjsariri jakenacarusti jawsapjjam! ¡Guerran nuwasir jakenacasti jutapjjpan, ucatsti nuwasiri sarantapjjpan!

Aymar Bibliia 1986

⁹ “Marcanacarusti acanac yatiyapjjam: ¡Mä kollan guerran nuwasipjjam! ¡Jan ajjsariri jakenacarusti jawsapjjam! ¡Guerran nuwasir jakenacasti jutapjjpan, ucatsti nuwasiri sarantapjjpan!

Qullan Arunaka DC

⁹ 9 (9) Markanakarusti akanak yatiyapxam: ¡Ch'axwañatak wakicht'asipxam! ¡Wali ch'aman jaqinakar jawsapxam! ¡Ch'axwanakan nuwasir jaqinakasti jutapxpan, jupanakaw nuwasir sarapxani!

Joel 3:9 Jak'a apnaqawi uñst'ayäwi

Salmos 96:10

Marcanacarojj sapjjam: “Tatituw reyejja” sasa. Jupaw acapacharojj jan onjjtañapatac utt'ayi; jupaw marcanacarojj chekapar uñjas apnake.

Isaías 34:1

Marcanaca, jac'achasinipjjam ist'añataqui; jach'a marcanaca, wal wal ist'apjjam. Take aca orakpacha ist'pan uqhamaraqui ucan utjirinacasa, take aca orakpacha, cunanacatejj pokqui ucanacamppacha.

Jeremías 31:10

“Marcanaca, Diosan arunacapa ist'apjjam, jaya tokenacana jach'a kota thiyanacan yatiyapjjam. Sapjjaraquim: ‘Tatitojj Israel marcarojj ananucünwa, ucampisa jichhajj tantachthapjjaraquiniwa, ucatsti juparaquiw uñjani, cunjämatejj awatirejj tamaparojj uñjejja uqhama.’

Jeremías 50:2

“Aca arunac yatiyapjjam, take marcanac taypina. Yatiyäwi unañchanacsti aptapjjaraquim; jan cunsa imt'apjjamti. Sapjjaraquim: ‘¡Babiloniajj catuntatawa, Marduc diosasti alekaquiw qhathatjjaraqui! ¡Yakha diosanacapasa c'ari diosanacapasti laruscaña p'enkaquëjjapjjewa, ajjsarañan phokhantatäjjapjjaraquiwa!’ sasa

Jeremías 51:11

Tatitojj Babilonia marca t'unjañ muni, Media orakenquir reyinacan chuymaparusti uca pachpa t'unjaña amtäwinacwa uscuraqui. Ucaw Tatitun phoksusïwipajja, jupan temploparu cuntejj lurapqui ucanacatjja. ¡Jichhajj flechanacam waquichasipjjam! ¡Escudonacamsa sum catjjarupjjaraquim!

Jeremías 51:27

“¡Marcansti nuwantañataqui chimpu churapjjam! Trompetanac phust'apjjam, marcanacarusti waquichapjjaraquim Babiloniaru nuwantapjjañapataqui. ¡Jupa tokesti Ararat, Mini, uqhamarac Askenaz marcanaca toke sayt'apjjam! ¡Jumanacan nuwasiñanacama sum sarayañapataquisti mä general chhijllasipjjaraquim! ¡Caballeriarusti wali khoru t'ijut'ijunacarjamaraqui nayraru ant'apjjam!

Jeremías 6:4

Uñisirinacapasti sapjjaraquiwa: “¡Sionampi jichhajj nuwasiñäni! ¡Jutapjjam, chica urunpacha nuwantapjjañäni! Ucampisa, ¡llaquiscañawa! Jayp'öjjewa, ch'iwis sarakanjjaraquiwa.

Ezequiel 38:17

Tatitusti aqham saraquiwa: ‘Cunapachatejj nayra nayar sirviri profetanacajj parlapcäna ucapachajj jumjjatwa parlapjjäna; jupanacasti uca pachanacanjja yatiyapjjaraquïnwa nayan jumaru irpanitajja Israel marcaru nuwjañamataqui.’

Ezequiel 38:7

Jichhajj waquichasim, sum armantasiraquim, jumasa uqhamaraqui cawquïri ejercitotejj jumampi chicäqui ucasa; jichhasti jumaraqui uca ejercitorojj irptaraquim.

Miqueas 3:5

“Marcajjasti pantat thaquinacanjamwa sarasqui, cawquïri profetanacatejj sallkjapqui ucanac laycu, uca profetanacasti, qhitinacatejj jupanacar mank'ayqui ucanacarojj suman sarnakasiñwa yatiyi, ucampis qhitinacatejj jan mank'añ churqui ucanacarusti ‘nuwasiñaw utjani’ sapjjaraquiwa. Tatitusti uca profetanacarojj siwa:

Hageo 2:7

Take marcanacwa qhathatiyaraquëjja, ucatsti kamir cancañanacapwa apanipjjani, nayan utajjasti c'ajquiriraquïniwa.” Take ch'amani Tatituw acjja arsta:

Zacarías 14:2

uca uruw Tatitojj take marcanacaru mayachthapinejja, Jerusalenampi nuwasipjjañapataqui. Marcaru catuntasajja, utanacapatsti yänacapjja apasipjjaraquiniwa, warminacaparusti warmisipjjaraquiniwa, chicatpacha jakenacaparusti preso apapjjaraquinejja. Jilt'irinacaquiw ucan jacasjjapjjanejja.

Zacarías 14:3

Ucatsti Tatituw misturaquinejja uca marcanacampi nuwasiñataqui, cunjämatejj nayrïr nuwasïwi urunacanjj lurcänjja uqhamaraqui.