Job 4:4 - Qullan Arunaca

⁴ liwisirirus jumajj waytaraquïyätawa, liwisiña munirirusti jumajj wayjjasiraquïyätawa.

Aymar Bibliia 1986

⁴ liwisirirus jumajj waytaraquïyätawa, liwisiña munirirusti jumajj wayjjasiraquïyätawa.

Qullan Arunaka DC

⁴ arunakamampiw llakit jaqinakaru, aynacht'ir jaqinakar ch'amañchäyätaxa.

Job 4:4 Jak'a apnaqawi uñst'ayäwi

Job 29:11

“Jakesti nayar uñjasajja, nayar ist'asasa, suma arunacampiw aruntt'apjjetänjja, nayjjatsti wali sumwa parlapjjaraquïnjja.

Job 29:25

Nayasti jupanacarojj ch'amampiw apnakäyätjja, cunatejj jupanacan lurañanacapäcän ucanacsa nayaw amtaraquïyätjja, cunjämtejj mä reyejj jakenacapataqui amtquejj uqhama; llaquisiñ horasanacapansti nayaw chuymacharaquïyätjja.

Job 4:3

Jumajj waljaniruw yatichäyätajja, pisi ch'amanirusa ch'amañcharaquïyätawa;

Job 4:5

Jichhajj jumarojj t'akhesiñajj puriractamwa, ¿ucatsti jichhajj ajjsarayasïtati, qhathatiraquïtati?

Salmos 145:14

Tatituw tincurinacarojj catjjäsisqui, t'uqhasirinacarusti ch'amañchascaraqui.

Proverbios 12:18

Utjapuniwa parlatanacapampi mayniru usuchjirejja, ucampis yatiñan jakenacan arunacapasti mä kolljamawa.

Proverbios 25:11

Mä suma arojja horasana arsutajja, kori manzanajj kollker q'iñintatäquejja uqhamawa.

Isaías 50:4

Tatitojj yatichituwa karitanacaru suma arunacampi chuymachañajjataqui. Sapa khantatiw nayarojj sum kont'ayitu, uqhamat suma ist'añajjataqui.

Daniel (hebreo) 5:6

reyejj k'elluw tucuwayi, ajjsarañan mantatasti walpunwa qhathatiraquïna, p'eket cayucama.

2 Corintios 2:7

Jichhajj uca jakerojj perdonjjapjjam chuymachapjjaraquim inampis llaquisiñatjja sinti mayjt'asispa.

2 Corintios 7:6

Ucampis ch'ama thayjtatanacaru ch'amañchir Diosajj Titon purinitapampiw ch'amañchapjjetu.

1 Tesalonicenses 5:14

Sapjjaracsmawa, jilatanaca, jan irnakañ munirinacarojja ewjjt'apjjam, mayjt'atanacarojj ch'amañcht'apjjam, t'uqhanacarusti yanapt'apjjaraquim, takenimpis llamp'u chuymanïpjjaraquim.

Hebreos 12:12

Uqhamajj machak ch'amay churapjjamjja uca karjata amparanacarojja, uqhamarac t'uqha konkorinacamarusa.