Jeremías 9:13 - Qullan Arunaca

¹³ Tatitusti ucjjarojj siwa: “Take acanacasti pasiwa, Israelitanacajj take yatichäwinacajj apanucupjjatap laycu, janiw nayarojj ist'apquitänti, janiraquiw yatichäwinacajjarjamas sarnakapcänti.

Aymar Bibliia 1986

¹³ Tatitusti ucjjarojj siwa: “Take acanacasti pasiwa, Israelitanacajj take yatichäwinacajj apanucupjjatap laycu, janiw nayarojj ist'apquitänti, janiraquiw yatichäwinacajjarjamas sarnakapcänti.

Qullan Arunaka DC

¹³ 13 (12) Tatitusti ukxarux siwa: “Israelitanakan taqi yatichäwinakax apanukupxatapata, nayar jan ist'apxatapata, yatichäwinakaxarjam jan sarnaqapxatapat taqi akanakax ukham lurasiski.

Jeremías 9:13 Jak'a apnaqawi uñst'ayäwi

2 Crónicas 7:19

Ucampis jumanacatejj nayat sarakapjjetäta, janiraqui leyinacajjsa, ewjja arunacajjsa churapcsma ucanac phokhapcätati, jan ucasti yakha diosanacaruraqui sirvipjjäta, yupaychapjjaraquïta ucajja,

Esdras 9:10

“Ucampis jichhajja nanacan Diosajja, ¿camsapjjeristsa take cuna nanacajj lurapjjatanacajjatjja? Nanacajj janiw phokhapcti juman camachinacamjja,

Salmos 119:53

Arunacam jaytanucur ñankha luririnacataquejj chuymajjajj walpun k'apisi.

Proverbios 28:4

Leyi contra sayt'irinacajj, jucharar jakeruw jach'achi; ley phokherinacasti, jucharar jake contraraquiwa.

Jeremías 13:10

Aca ñankha marcajj nayan arunacajjarojj janiw ist'añ munquiti, ucatsti jan cuna amuyasisaw chuymapan jan wali amtatanacaparojj arqui. Yakha diosanacan khepapa arcjjapjje, sirviñataqui, uqhamaraqui yupaychañataqui. Uca jan cunatac sirviri cinturonjamäpjjewa.

Jeremías 22:9

Ucatsti ucjjarojj arusjjatapjjaraquiniwa: ‘Jupanacajj cuntejj Tatitu Diosapajj mä arust'äwi jupanacampi lurcäna uca apanucupjjatayna, ucatsti yakha diosanacaruw quillisipjjatayna yupaychapjjaraquitayna, ucatwa uqham uca marcarojj luri’ sasa.

Jeremías 5:19

Cunapachatejj jisct'apcätam ucapachasti: ‘¿Cunatsa aqham take acanaca luristu Tatitu Diosasajja?’ sasa, ucapachasti jumajj jupanacarojj saraquïtawa: ‘Cunjämatejj jumanacajj Tatiturojj apanucusin yakha diosanacaru aca pachpa orakepan yupaychapjjtajja, uqhamaraquiw jichhajj yakha marcanquir jakenacaru sirvipjjäta, jaya orakena’ sasa.

Jeremías 7:26

Ucampisa jumanacajj janiw nayarojj jaysapquistati, ni ist'apcaraquistasa, jan ucasti juc'ampi khoru chuymaniw sarnakapjjtajja nayra awquinacamatsa juc'ampi.