Jeremías 7:15 - Qullan Arunaca

¹⁵ Jumanacarusti, naya nayrakatatjja jayaruw jakonucupjjäma, cunjämatejj jilanacamaru lurctjja uqhama, Efrainan wawanacaparu.’

Aymar Bibliia 1986

¹⁵ Jumanacarusti, naya nayrakatatjja jayaruw jakonucupjjäma, cunjämatejj jilanacamaru lurctjja uqhama, Efrainan wawanacaparu.’

Qullan Arunaka DC

¹⁵ Jumanakarusti, naya nayraqataxat jayaruw jaqunukupxäma, kunjämatix Efrainan wawanakaparu, jumanakan jilanakamäki ukanakarux jaqunukta ukhama.’

Jeremías 7:15 Jak'a apnaqawi uñst'ayäwi

2 Reyes 17:23

Tucuyarusti Tatitojja jupan nayrakatapatjja apakänwa Israel marcaru, cunjämatï Tatitojj yatiycäna sirviri take profetanacap toke, ucatsti Israel marcajj Asiria marcaruwa preso apayatäna, ucanracwa jichhürcama jicjjatasisqui.

2 Reyes 24:20

Ucatwa Tatitojj colerasïna Jerusalén marcampi, uqhamarac Judá orakpachampisa; ucatsti jupan nayrakatapatjja jakonucünwa. Ucatjja Sedequías reyejj Babilonianquir rey contrawa tucjjäna.

2 Crónicas 15:9

Ucatsti tantachänwa Judá, uqhamarac Benjamín ucanquir take jakenacaru, uqhamarac jupanac taypiru Efraín, Manasés, Simeón ucanacat jutapcäna uca jakenacarusa, Israelanquirinacatjja waljaninacawa Asa reyiru jakcatjjapjjäna, Tatit Diosapajj jupampïtap uñjasina.

Salmos 51:11

nayrakatamat jan apanucusistati, janirac kollan ajayums irpakasistati;

Isaías 7:16

Ucampis uca wawajj janïra suma amuyt'asirïcani ucapachaw cawquïri pani reyinacan marcanacapatejj jumaru ajjsarayctam uca marcanacajj apanucutäjjani.

Jeremías 15:1

Tatitusti saraquituwa: “Moisés, uqhamaraqui Samuel, ucanacasay nayan nayrakatajjaru uñstaniscpan, ucqhas janipuniw nayajj aca jakenacat qhuyapayasquiristti. Nayan nayrakatajjatsti mistupjjpan, jayar sarapjjpan.

Jeremías 23:33

“Jeremías, mä jaketejja, jan ucajj mä profetasa, mä sacerdotesa jisct'ätam ucapachajja: ‘¿Cawquïrisa Tatitun ewjjapajja?’ sasa. Ucapachasti jupanacarojj saraquim: ‘Tatitojj siwa: Jumanacäpjjtawa nayan ewjjanacajjajja, ucampisa nayajj antutt'äwa’ sasa.

Jeremías 23:39

uca laycuw jichhajj mä cargäpcasmas uqhama aptapjjäma, jumanacaru cawquïri marctejj jumanacarusa, nayra awquinacamarusa churcta uca marcamppacha, ucatsti nayat jayaruw liwt'apjjäma.

Jeremías 3:8

nayan Israel marcar nayataqui sayt'asitapat apanucutajjsa uñjaraquiwa, jupampisti jaljtaractwa yakhampi sarnakatap laycu. Ucampisa, Israelan Judá cullacapasti janiw cunsa ajjsarcaraquiti, jan ucasti jupajj sarasinjja yakhampejj sarnakaraquiquiwa.

Jeremías 52:3

Ucatwa Tatitojj Jerusalén marcataquisa, Judá oraketaquisa colerataraquïnjja, jupan nayrakatapatsti apanucuraquïnwa. Sedequías chachasti Babilonianquiri reyitaquiw sayt'asiraquïna.

Jeremías 9:19

Sionatpachwa usutat aykoñanacajj purini: “¡Cunjämaraqui aqham k'ala t'unjatäjjtansti! ¡Cunja jisc'achjatätansa! Marcassti apanucjjacchiñanïya, utanacasasti k'ala t'unjatawa.”

Ezequiel 23:31

Cullacaman cayupwa arctajja; ucatpï jichhajj cuna umañtejj cullacamar churtjja uca pachpa umaña jumarojj churaraquïma” sasa.

Ezequiel 33:25

Jichhajj nayan sutejjaru jupanacarojj parlam: ‘Jumanacajj wilani aycha mank'apjjtajja, c'ari diosanacaruw yupaychapjjaractajja, jakenacsa jiwarayapjjaractawa, jichhajj ¿aca orakejj jiwasancaniw sapjjtati?

Oseas 1:4

Ucatsti Tatitojj Oseasarojj sänwa: “Uca yokall wawarojj Jezreel sas suticham, nayasti acat mä juc'a urunacarojj Jehú reyin wawanacaparojj mutuyäwa, Jezreel chekana jakenacar jiwarayapjjatapata, Israel marcansti janiw juc'ampi reyinacajj utjcjjaniti.

Oseas 12:1

“Efrainajj thaya pitaquiw sarnake; sapürusa inti jalsu toket jutiri thayaruquiw arcasqui. C'arisiñanacapampi, nuwasiñanacapampisti waliw jiljjattaraqui, Asiriampisti arust'asiraquiwa, Egiptorusti aceitenacrac apayi.”

Oseas 13:16

Samaria marcasti mutuyäwi catokaraquini, Dios contra sayt'asitap laycu. Espadampi jiwarayatäpjjaniwa, wawanacapasti oraker jisctascama jiwarayataraquïniwa, usur jake warminacan puracanacapas jist'ataraquïniwa.

Oseas 7:13

“¡Cunaquïcan jupanacatjja nayar apanucupjjatap laycojja! K'ala tucjatäpjjaniwa, naya contra sayt'asipjjatanacap laycu. Nayajj jupanacarojj khespiyañ munta, ucampis jupanacajj naya contraw c'arisipjje.

Oseas 9:13

Uñjatajja Efrainajj wawanacaparojj uywiwa, jiwarayirinacan jiwayañäcaspas uqhama; jiwarayatäñataquiwa wawanacapjja ansunejja.”

Oseas 9:3

Efrainasti Egiptoruraquiw cuttjjani, Asiria marcansti k'añu mank'anacwa mank'araquini. Janiw jichhajj juc'ampi Tatitun marcapan jacjjapjjaniti:

Oseas 9:9

K'alpuni aynacht'jjapjje ñankha lurañanacampejja, Gabaan urunacapanjama. Ucampis Tatitojj ñankha luratanacapatjja amtasiniwa, juchanacapatsti mutuyaraquiniwa.

Jonás 2:4

Nayajj amuyasiyätwa juma nayrakatat jakonucutätajja; ucatsti saraquiyätwa: ‘Janipuniy Tatitun Kollan Templopa uñjcjjchïti’ sasa.

Números 1:32

José chachan wawanacapatjja; Efraín tributjja pusi tunca waranka pheska patacani jakenacaw jact'asïna; Manasés tributjja quimsa tunca payan waranka pä patacani jakenacaw jact'asiraquïna.