Jeremías 6:23 - Qullan Arunaca

²³ Jupanacasti arconacampi, flechanacampi armantatäpjjewa; sinti khoru jakenacäpjjewa, janiw qhuyapt'ayasiñsa yatipcaraquiti; arnakasitanacapasti jach'a kotan khothutitapjamawa, caballonacar lat'jjatatcamaw jutapjjaraqui. Sionampi nuwantasiñataquisti janc'aquïpjjaraquiwa” sasa.

Aymar Bibliia 1986

²³ Jupanacasti arconacampi, flechanacampi armantatäpjjewa; sinti khoru jakenacäpjjewa, janiw qhuyapt'ayasiñsa yatipcaraquiti; arnakasitanacapasti jach'a kotan khothutitapjamawa, caballonacar lat'jjatatcamaw jutapjjaraqui. Sionampi nuwantasiñataquisti janc'aquïpjjaraquiwa” sasa.

Qullan Arunaka DC

²³ Jupanakasti mich'inak antutt'añanakampi, espadanakampi wakicht'asitäpxiwa; sinti qhuru jaqinakäpxiwa, janiw khuyapt'ayasiñ chuymanïpkiti; arnaqasitanakapasti jach'a qutan qhuthutitapjamawa, caballonakar lat'xatatkamaw jutantapxi. Jerusalén markampi nuwantasiñatakix jank'akïpxarakiwa” sasa.

Jeremías 6:23 Jak'a apnaqawi uñst'ayäwi

Isaías 10:32

Uñisiristi jichpacharaquiwa Nob sisqui uca chekar sayt'i; ucatsti unañchäwi churaraqui Sión Kollur nuwantañataqui, Jerusalenan jisc'a kolluparu.

Isaías 13:18

Waynanacarojj flechanacapampiw tincurayaraquini. Ucqha nacir asu wawanacatsa janiraquiw qhuyapt'ayasipquiti, jisc'a wawanacatsa janiw qhuyapt'ayasipcaraquiti.

Isaías 17:12

¡Ist'apjjam walja jakenacan ch'ajjwatapa! ¡Jach'a kotan khothutitapjamawa! Marcanacaw khothutipjje mä jach'a jawiran khothutitapjama.

Isaías 19:4

Ucampis nayajj Egiptorojj mä khoru uywiriruw catuyäjja, mä khoru reyiraquiw jupanacarojj apnakani.” Uqham siw take ch'amani Tatitojja.

Jeremías 25:32

Take ch'amani Tatitusti siwa: “T'akhesiñajj purinipuniniwa, mä marcat mä marcaru; mä jach'a thayaw sarti aca orake tucusitjja.”

Jeremías 25:9

Jichhajj amsta tokenquir take marcanacaruw jawsayä, uqhamaraqui Nabucodonosor sirvirejjarusa, jupasti Babilonia oraken reyipawa, jupanacajj jutasin aca marcaru nuwjapjjañapataqui, take jakenacaru uqhamaraqui take jac'anquir marcanacarusa. Ucanacarusti k'alpunwa t'unjäjja. Jupanacarusti wiñayataqui t'unjataruw tucuyä, sustjascaña, ajjsarcañwa tucuyaraquëjja.

Jeremías 30:14

Take munirinacamasti apanucuwayjjapjjtamwa, janiw jumat amtascjjapjjaraquiti. Nayaw jumarojj uqham chhojjriñchsmajja, uñisirimäquiristsa uqhama jan qhuyapt'ayasisaw mutuyämajja, walja jach'a juchanac luratam laycuw uqham lursmajja.

Jeremías 4:13

“Uñtapjjam, uñisirinacajj mä kenayjamaw jutanti, nuwasiñ carronacapasti mä jach'a thayjamaw jutantapjje, caballonacapasti jach'a jamach'inacat sipansa juc'ampi jalapjje. ¡Cunaquïcan jiwasataquejja, jichhajj k'ala tucusitätanwa!

Jeremías 4:16

“Marcanacaru, Jerusalén marcarusa yatiyapjjam, mä jaya marcatwa uñisirinacajj jutantapjje nuwasiñataqui arnakt'asisa, Judá orakenquir marcanac toke.

Jeremías 4:29

Caballonacar lat'jjatat jutapqui, uqhamaraqui flechanacapa apt'ata jutapqui ucanacan arnakasitanacaparusti, take jakenacaw jalacamaqui chhucsuwayjjapjje; pastonac taypiruw imantasipjje, karkanacaruw jat'stapjjaraqui. Take marcanacasti k'ala apanucutawa; janiraquiw mä sapa jakes ucanacanjja jacjjapjjeti.

Jeremías 5:16

Take jupanacasti guerran nuwasiri jan ajjsariri jakenacäpjjewa, armanacapasti pachpa jiwañäcaspas uqhamäpjjaraquiwa.

Jeremías 50:41

“Amsta tokenquiri jaya marcanacatpachwa mä jach'a ch'amani marcajj jutantasqui walja reyinacampi cuna.

Jeremías 50:42

Arconacampi lanzanacampi armantataw jutapjje; jan qhuyapayasiñani khoru jakenacäpjjaraquiwa, khothutitanacapasti kota khothutinacjamawa, caballonacar lat'jjatatcamaquiw jutantapjjaraqui. Babilonia marcaru nuwantañataquisti janc'aquïpjjaraquiwa.

Jeremías 6:4

Uñisirinacapasti sapjjaraquiwa: “¡Sionampi jichhajj nuwasiñäni! ¡Jutapjjam, chica urunpacha nuwantapjjañäni! Ucampisa, ¡llaquiscañawa! Jayp'öjjewa, ch'iwis sarakanjjaraquiwa.

Jeremías 8:16

¡Uñisirinacasajj niyaw purinipjje! ¡Dan sisqui uca oraketsti niyaraquiw caballonacan samatapas ist'asi! Cunapachatejj warart'apjje ucapachasti, take orakpachaw qhathatiraqui. Take aca marcaru, yänacapamppacha t'unjiriw jutapjje, marcanacarusa, jaquirinacarusa.”

Ezequiel 21:31

Jumjjarusti colerasiñajj-jja mä naqhantiri ninjamwa warjjatanëjja; cawquïri jakenacatejj t'unjaña uqhamaraqui wali khorüña yatipjje uca jakenacaruw catuyäma.

Deuteronomio 28:49

Diosasti aca oraken jaya nacionatwa juma contra sartayani, cunjämas mä pacalejj janc'aqui jaltanejj uqhama, cawquïri marcan parlasïwiptejj jan yatcta;