Jeremías 52:9 - Qullan Arunaca

⁹ Caldeo jakenacasti reyirojj preso catuntapjjaraqui ucat Babilonianquiri reyin nayrakataparuw apapjjaraquïna, uca reyisti Ribla sisqui uca chekancascaraquïnwa, Hamat sisqui uca orakena. Ucanwa Nabucodonosor reyejj Sedequías chachataqui juchañchäwi arunac arsuraquïna,

Aymar Bibliia 1986

⁹ Caldeo jakenacasti reyirojj preso catuntapjjaraqui ucat Babilonianquiri reyin nayrakataparuw apapjjaraquïna, uca reyisti Ribla sisqui uca chekancascaraquïnwa, Hamat sisqui uca orakena. Ucanwa Nabucodonosor reyejj Sedequías chachataqui juchañchäwi arunac arsuraquïna,

Qullan Arunaka DC

⁹ Babilonio soldadonakasti reyir katuntasin Babiloniankir reyin nayraqataparuw irpapxäna, uka reyisti Jamat uraqina, Riblá sata chiqankaskänwa. Uka chiqan Nabucodonosor reyix Sedequiasataki juchañchäwi arunak arsurakïna,

Jeremías 52:9 Jak'a apnaqawi uñst'ayäwi

1 Reyes 8:65

Uca pachpa urunacanjja Salomonajj take Israel walja jakenacampejja Enramadas sat fiestapwa luräna Tatit Diosan sutiparu, uqhamarac yakha pakallk uru fiestampiraqui, takpachasti tunca pusini uru fiestwa luräna. Uca jakenacasti jutapjjänwa Hamat chekaru mantañäquis ucqhata, Egipto jawiratpacha.

2 Reyes 23:33

Ucatjja Necao sat faraonajja juparojj Hamat sat orakena, Ribla chekanwa preso catuntäna, jan Jerusalén marcan apnakañapataqui; ucatjja marcarojja mayïnwa impuesto pagapjjañapataqui quimsa waranka quimsa patacani kilo kollkenaca, uqhamarac quimsa tunca quimsani kilo korinacaraqui.

2 Reyes 25:6

Caldeonacasti reyir catuntasinjja Babilonianquir reyin ucaruw apapjjäna, jupasti Hamat orakena Ribla sat chekancascänwa. Qhayanwa Nabucodonosor reyejj juchañchäwipa arsüna Sedequías reyitaqui.

2 Crónicas 33:11

Ucatwa Tatitojj jupanacataquejj jutayäna asirianquiri reyin ejercitopana jilïrinacaparu, jupanacasti Manasés reyirojj ganchompiw catuntayäna, ucatjja bronceta lurat cadenanacampi ach'antasawa preso Babiloniaru apapjjäna.

2 Crónicas 8:3

Ucatsti Soba chekanquir Hamat marca contra sarasinwa uca marca catuntasïna.

Jeremías 21:7

Uca khepatsti, Judá orakenquiri Sedequías reyerojj Nabucodonosoran amparaparuw catuyaraquï, uqhamaraqui yakha uñisirinacapan amparaparusa, take jilïri oficialanacapampi soldadonacapampi chica, cawquïri jakenacatejj marcan jilt'asipcaquini; usunacatsa, guerranacatsa uqhamaraqui mach'anacatsa. Nayaw jupanacarojj espadampcama jiwarayayäjja jan arjjatasisa ni qhuyapt'ayasisa. Naya Tatituw ucjja arsta.’

Jeremías 39:5

Ucampisa caldeo soldadonacajj jupanacarojj arctapjjaraquïnwa, Sedequías reyirusti Jericó pamparuw jicjjatapjjäna. Catuntasinsti Nabucodonosor reyin nayrakataparuw irpapjjäna; uca reyisti Ribla sisqui uca chekancascaraquïnwa, Hamat sisqui uca orakena. Ucanwa Nabucodonosor reyejj Sedequiasan wawanacapataqui juchañchäwi mistuyaraquïna, ucatsti pachpa Sedequiasan uñjcataw wawanacaparojj jiwarayäna p'eke apakayasa, uqhamaraqui take jach'a jilïrinacaparusa, qhitinacatï Judá oraken apnakapcän ucanacaru.

Lamentaciones 4:20

Tatitun ajllitapasti preso catuntataw uñjasi, jacañasaru ch'ama churirejja, cawquïri reyittejja siscaraquïyätan: “Jupan apnakataw marcanac taypin jacasiraquiñäni” sasa.

Ezequiel 11:10

Espadampi jiwarayataw uñjasipjjaraquïta. Israelan korpanacapan nayaw jumanacarojj luräwinacamarjama uñjapjjaraquïma, ucapachaw jumanacajj yatipjjäta nayan Tatitütajja.

Ezequiel 23:24

Jumarusti walja carronacampi, walja ejercitompiw jutapjjaraquini; take toketwa muyuntapjjaraquïtam, suma armanacampi armantata, casconacampi asjjatata, uqhamaraqui escudonacampi cuna, nayasti jupanacarojj jumaru taripañataqui munañanïñwa churaraquëjja, jupanacasti leyinacaparjamaw taripapjjaraquïtam.

Números 13:21

Jakenacasti sarasinjja uñatatapjjänwa marcjja; aynach token Zin sat wasarata, amsta token Rehob sat chekacama, Hamat sat mantañ chekacama.

Números 34:11

ucatsti Sefam chekatjja Ribla chekacama, Aín sat inti jalsu chekacama; uca chekatsti korpajj sarakaniw intisa jalsqui Cineret kota thiyanjama,

Josué 13:5

Giblitas sat marcan orakenacapas jilt'ascaraquïnwa, Líbano orakenacasa, intejj jalsunqui ucatpacha, Baal-gad chekatpacha, Hermón kollu thiyatpacha, Hamat marcar mantañ chekacama.