Jeremías 52:6 - Qullan Arunaca

⁶ Uca marana, pusi phajjsi, llätunca uru sarakatarusti marcanjja mank'at awtjatäñajj juc'ampiw jiljjattäna, jakenacataquisti janiw cuna mank'añas utjcaraquïnti.

Aymar Bibliia 1986

⁶ Uca marana, pusi phajjsi, llätunca uru sarakatarusti marcanjja mank'at awtjatäñajj juc'ampiw jiljjattäna, jakenacataquisti janiw cuna mank'añas utjcaraquïnti.

Qullan Arunaka DC

⁶ Uka pachpa marana, pusi phaxsi, llätunka uru saraqatarusti, Jerusalén markanxa manq'at pist'añax juk'ampiw jilxattäna, jaqinakatakisti janiw kuna manq'añas utjkxarakïnti.

Jeremías 52:6 Jak'a apnaqawi uñst'ayäwi

2 Reyes 25:3

Uca pachpa marana, pusïri phajjsina llätunca uru sarakataruwa mank'ata t'akhesiñajj marcana jiljjatäna, ucatsti jakenacanjja janiw cuna mank'añapasa utjcjjänti.

Isaías 3:1

¡Jichhajj wal amuyasipjjam! Take ch'amani Tatitusti, Judá marcatsa Jerusalenatsa take cunanacapsa apakjjaniwa, mank'añsa, umsa k'al apakjjani.

Jeremías 15:2

Ucattejj jisct'apjjätam: ‘¿Cawquirus sarapjjä?’ sasa, ucapachasti aqham saraquim: ‘Usumpi jiwarañataqui waquichatanacajja, usumpi jiwarapjjpan; guerran jiwarañataqui waquichatanacasti, guerran jiwarapjjpan; mank'atjama jiwaratäñataqui waquichatanacasti, mank'atjam jiwarapjjpan; jayaru apatäñataqui waquichatanacasti, jayaru apataraquïpan’ sasa.

Jeremías 19:9

Jakenacarusti pachpa yokalla, uqhamaraqui imilla wawanacapwa mank'asiyaraquï, uqhamaraqui jupanacasa maynit mayniru jupanaccamaw mank'asipjjani, cunapachatejj jach'a jan walt'añan jicjjatasipcani, uñisirinacapansa muyuntata aca marcajj uñjasqui ucapachajja’ sasa.

Jeremías 21:9

Aca marcar kheparirejja, guerrana, mank'atjama, usumpiw jiwarani. Ucampisa, cawquïrinacatejj mistjjapjjani, jichha nuwantanqui uca caldeonacaru catuyasjjaraquini ucanacasti, janiw jiwapcaniti; uqhamat jacañanacapsa khespiyasipjjañapataqui.

Jeremías 25:10

Jupanac taypinsa fiesta k'ochunacsa, cusiscaña k'ochunacsa chhaktayäwa, uqhamaraqui casarasiña k'ochunacsa, molino kalan suenatapsa chhaktayaraquïwa, janiraquiw mayampis lamparanacan khanatapajj uñjascjjaniti.

Jeremías 37:21

Uqhamasti Sedequías reyejj saraquïnwa, Jeremiasajj guardianacan patioparuqui preso kheparjjañapa, ucatsti sapa ururaqui t'ant'a apapjjañapa, Panaderonacan callepa satäqui uca calleta. Uqhamaw phokhasïna t'ant'ajj marcan utjcän uca urunacajja. Uqhamatwa Jeremiasajj guardianacan patiopana preso khepararaquïna.

Jeremías 38:9

“Jach'a rey, cuntejj uca jakenacajj Jeremiasampi lurapqui ucajj wali jach'a juchawa. Mä phuch'uruw jakontapjje ucanwa mank'atjama jiwascaraqui, t'ant'asti janiraquiw marcanjja utjcjjeti” sasa.

Jeremías 39:2

Tunca mayani marana, pusïri phajjsina, llätunca uru sarakatarusti, cunapachatejj Sedequiasajj reyïcän uca maraw uñisirinacapajj take ejercitopampi Jerusalén marcaru mantanipjje,

Lamentaciones 1:11

Take jakenacapaw jichhajj wali jachapjje, mank'añ thakasaw sarnakasipcaraqui; kamir cancañanacapsti mank'ampiquiw trocasjjapjje, uqhamat jan mank'atjama jiwascañataqui. ¡Tata, nayan aynacht'atajj uñtanimaya, ñankht'atajjsa amuyaraquimaya!

Lamentaciones 5:10

Janchinacasas ninjamaw naqhi, mank'atjamaw phuthutis khatintjjaraquistu.

Ezequiel 14:13

“Mä marcatejj naya toke sartani, jucha lurasa, janiraqui take chuymampi arcquitaniti, uca marcatakesti amparajj aytä mutuyañataqui, cuna mank'aña imasitanacapatejj utjqui ucanacsa apakaraquïwa. Uca marcjjarusti mach'a apayaniraquëjja, jakenacasa, uywanacasa mank'atjamawa jiwarapjjani.

Ezequiel 14:21

“Naya Tatitusti arstwa: Cunapachatejj Jerusalén marcjjaru nayajj pusi jach'a ajjsarcañ mutuyäwinaca apayanï ucqhajj juc'ampi jan walt'cañäniwa; guerranaca, mach'anaca, ajjsarcañ animalanaca, cunaymani usunaca apayancä, jakenacarusa, uywanacarusa jiwaraycä ucapachajja.

Ezequiel 31:1

Quimsïri phajjsina mä uru sarakatarusti, tunca mayani mara sarakatarojja, Tatitojj nayan ucaru jutasinjja, saraquituwa:

Ezequiel 5:16

Nayasti jumanacjjarojj ajjsarcañ t'unjiri flechanacar uñtatwa apayanëjja. Jïsa, jumanacjjarojj t'unjatäñampi, mach'ampi, mank'at pist'ata sarnakañampwa apayanëjja.

Ezequiel 7:15

Marca ankäjjanjja nuwasiñaw utji, mankhansti usunacampi mach'anacampiw utjaraqui. Pampanquirinacajj guerran jiwarapjjani, marcanquirinacasti mank'atjama, uqhamaraqui usunacampiw jiwarapjjaraquini.

Levítico 26:26

“Cunapachatejj nayajj jumanacaru mank'añjja menost'ayjjapjjäma ucapachasti, tunca warminacaw mä sapa t'ant'a jumanacataquejj mä hornon khatiyapjjani, ucatsti jumanacarojj uca t'ant'jja jisc'a jisc'a laquipjjätam, janiraquiw qhitis uca t'ant'ampejj sist'ascaniti, kawkhas mank'asipcätawa janiraquiw sist'asipcätati.

Zacarías 8:19

“Pusïri, pheskëri, pakallköri, tunquïri phajjsina ayunañajja cusisiñaruw cuttanejja, cusisiña fiestaruraqui Judá familiat jutirinacataqui. ¡Munapjjam jumanacajj cheka arsuñampiru sumancañampiru!”

Deuteronomio 32:24

Fiebre usunacampi mank'at awtjataw jiwarapjjani; jupanacarusti mä jach'a usumpiw tucjä; jupanacarojj monte animalanac qhitaniraquï, uqhamaraqui venenon catarinacsa.