Jeremías 52:3 - Qullan Arunaca

³ Ucatwa Tatitojj Jerusalén marcataquisa, Judá oraketaquisa colerataraquïnjja, jupan nayrakatapatsti apanucuraquïnwa. Sedequías chachasti Babilonianquiri reyitaquiw sayt'asiraquïna.

Aymar Bibliia 1986

³ Ucatwa Tatitojj Jerusalén marcataquisa, Judá oraketaquisa colerataraquïnjja, jupan nayrakatapatsti apanucuraquïnwa. Sedequías chachasti Babilonianquiri reyitaquiw sayt'asiraquïna.

Qullan Arunaka DC

³ Ukat Tatitux Jerusalén markataki, Judá uraqitakisa phiñasitänxa, ukanakarusti jupan nayraqatapat apanukurakïnwa. Ukatsti Sedequías reyix Babiloniankir reyitakiw sayt'asïna.

Jeremías 52:3 Jak'a apnaqawi uñst'ayäwi

Génesis 4:14

Jichhajj aca oraketjja jakonucjjestawa, jichhasti aca orakenjjay muychï, jumat jayarst'ata, janiraqui nayataquejj samarañas utjcchiniti. Uqhamarac qhitis jicjjatasinjja jiwayaquiracchitanïya —sasa.

Génesis 4:16

Cainasti, cawqhantejj Tatitumpi parlascäna uca chekatjja mistuwayjjänwa, ucatsti Nod, sat chekar jaquiriw sarjjäna, ucasti Edén jardinat inti jalsu tokenquiwa.

2 Samuel 24:1

Tatitusti wasitatwa israelitanac toke colerasiraquiquïna, ucatsti Davidaruraquiw jupanac toke amtayäna, mä censo aptañapataquiraquiw arsuraquïna, Israel marcata, Judá marcampita.

1 Reyes 10:9

¡Tatit Diosamajja bendicitäpan, jupasti jumarojj ascwa uñjtam, uqhamarac Israelan reinopsa catuyaractam! Tatitusti Israelarojj munapunïnwa, ucatwa jumarojj reyita uchtam chekaparu, asqui cancañampi apnakañamataqui” sasa.

2 Reyes 17:18

Ucatwa Tatitojj colerasïna Israel marcataquejja, ucatsti jupan nayrakatapatjja jakonucünwa, Judá tribu sapacwa jilt'ayäna.

2 Reyes 17:20

Ucatsti Tatitojj jakonucünwa israelitanacata sarakeri take familianacaparu, jisc'ar tucuyañcama, lunthatanacan amparanacaparu catuyasina, jupan nayrakatapata jakonucuñcama.

2 Reyes 17:23

Tucuyarusti Tatitojja jupan nayrakatapatjja apakänwa Israel marcaru, cunjämatï Tatitojj yatiycäna sirviri take profetanacap toke, ucatsti Israel marcajj Asiria marcaruwa preso apayatäna, ucanracwa jichhürcama jicjjatasisqui.

2 Reyes 24:20

Ucatwa Tatitojj colerasïna Jerusalén marcampi, uqhamarac Judá orakpachampisa; ucatsti jupan nayrakatapatjja jakonucünwa. Ucatjja Sedequías reyejj Babilonianquir rey contrawa tucjjäna.

2 Crónicas 36:13

Uqhamarusa Nabucodonosor reyitaquiw sayt'asïna, juparusti Dios laycuw juramento lurayäna jupampïñapataqui, ucatsti munañapampejja janiw Israelana Tatit Diosapar cuttañjja muncänti.

Esdras 4:15

uqhamata suma uñjatäñapataqui juma reyin nayra awquinacaman archivonacapajja. Juma reyisti uca archivonwa khanañchasquiri jicjjatäta, uca marcana sayt'asirïtapa, uqhamarac reyinacataquisa jan walt'ayirïtapa, uqhamarac yakha provincianacataquisa. Uca marcansti nayra pachanacanjja sayt'asiñanacwa utjayäna, ucataracwa tucjataraquïna.

Proverbios 28:2

Cunapachatejj mä marcan jan walt'añanacajj utji ucqhajja, apnakerinacapajja waljaw jakortapjje, ucampis suma yatiñampi apnakerejj yatiwa sum apnakaña.

Eclesiastés 10:16

¡Ay cunaquïcani, cawquïr marcan reyipatejj mä jisc'a wawaquïqui, uqhamarac jilïr jakenacapajj jach'a mank'añanacan khantatipjje ucataquejja!

Isaías 19:4

Ucampis nayajj Egiptorojj mä khoru uywiriruw catuyäjja, mä khoru reyiraquiw jupanacarojj apnakani.” Uqham siw take ch'amani Tatitojja.

Isaías 3:1

¡Jichhajj wal amuyasipjjam! Take ch'amani Tatitusti, Judá marcatsa Jerusalenatsa take cunanacapsa apakjjaniwa, mank'añsa, umsa k'al apakjjani.

Isaías 36:5

¿Amuytati suma arunacajj, cuntejj soldadonacajj lurqui nuwascaraqui ucampis mayaquïtapa? ¿Qhitirus alcatasta nayataqui sayt'asiñamataquejja?

Jeremías 15:1

Tatitusti saraquituwa: “Moisés, uqhamaraqui Samuel, ucanacasay nayan nayrakatajjaru uñstaniscpan, ucqhas janipuniw nayajj aca jakenacat qhuyapayasquiristti. Nayan nayrakatajjatsti mistupjjpan, jayar sarapjjpan.

Jeremías 7:15

Jumanacarusti, naya nayrakatatjja jayaruw jakonucupjjäma, cunjämatejj jilanacamaru lurctjja uqhama, Efrainan wawanacaparu.’