Jeremías 51:48 - Qullan Arunaca

⁴⁸ Alajjpachasa, acapachasa take cunanacatejj utjqui ucanacasa Babilonian aynacht'atätap uñjasajj walipuniw cusisipjjani, cunapachatejj amsta toket t'unjiripajj jutcani ucapachajja. Naya Tatituw ucjja arsta.

Aymar Bibliia 1986

⁴⁸ Alajjpachasa, acapachasa take cunanacatejj utjqui ucanacasa Babilonian aynacht'atätap uñjasajj walipuniw cusisipjjani, cunapachatejj amsta toket t'unjiripajj jutcani ucapachajja. Naya Tatituw ucjja arsta.

Qullan Arunaka DC

⁴⁸ Alaxpachasa, akapachasa, taqi kunanakatix utjki ukanakasa, Babilonian aynacht'atapat walpun kusisipxani, amsta tuqit t'unjiripax jutkani ukapachaxa. Naya, Tatituw uk arsta.

Jeremías 51:48 Jak'a apnaqawi uñst'ayäwi

Proverbios 11:10

Asqui jakenacan nayrar sartatapatjja marcajj cusisiwa; ñankha jakenacan jiwatapatjja cusisiñat t'iscti.

Isaías 44:23

¡Alajjpacha, cusisiñat arnakasim cuntejj Tatitojj lurqui ucata! ¡Orak mankhanaca, cusisiñat arnakasipjjam! ¡Kollunaca, uqhamaraqui ch'uminaca take kokanacamampi, cusisiñat arnakasipjjam! Tatitojj jach'a cancañap uñacht'ayatap laycu, Israelar, Jacobon marcaparu khespiyatap laycu.

Isaías 48:20

Babiloniat mistjjapjjam, caldeonacatsti jaltjjapjjaraquim; aca yatiyäwsti cusisiñampi arnakt'asis yatiyapjjam, aca orake tucuscamaraqui yatiyapjjam. Sapjjaraquim: “Tatituwa khespiyi Jacob sirviriparojja” sasa.

Isaías 49:13

¡Alajjpacha, cusisiñat art'asim! ¡Orake, walpun cusisiraquim! ¡Kollunaca, cusisiñatsti wal arnakasipjjam! Tatitun marcaparu chuymachatap laycu, llaquisiñ horasapansti Tatitojj marcapatjja qhuyapt'ayasiwa.”

Jeremías 50:3

Amsta toketwa mä marcajj jupataqui jutantaraqui, marcapsti wasararuw tucuyaraquini. Janipuniwa jakesa, uywanacasa ucanjja wasitat jacjjapjjaniti, takeniw jaltjjapjjaraquini” sasa.

Jeremías 50:41

“Amsta tokenquiri jaya marcanacatpachwa mä jach'a ch'amani marcajj jutantasqui walja reyinacampi cuna.

Jeremías 50:9

Jichhasti nayajj amsta toket jutiri mä kawkha ch'amani marcanacampiw Babilonia marcarojj mayaqui nuwantayä. Formt'asisinwa jupanacajj catuntapjjani. Uca jakenacasti guerran nuwasiñjja wali sumwa yatipjjaraqui, flechanacapsti jan pantjasaw antutt'apjjaraqui.

Jeremías 51:56

Babiloniaru t'unjiriw jutapjjatayna, guerrar sarir jakenacapsti caturjjapjjaraquiwa, jisc'a jisc'wa arconacapsa tucjapjjaraqui. Tatitusti chekapa Diosawa, sapa maynirus waquisitaparjamaw churaraqui.

Ezequiel 35:14

‘Jichhasti naya Tatitojj acwa sistjja: Take aca orakpachaw cusisini, cunapachatejj nayajj jumar t'unjcäm ucapachajja.

Apocalipsis 18:20

Ucampis cusisipjjam, jumanac, alajjpachanaca, apostolonaca, Diosan arup parlirinaca, uqhamarac qhitinacatejj Diosancapcta ucanacasa, Diosasti uca marcar juchañchasajja jumanacjjaruw cheka uñjäwi lurapjjtamjja.”