Jeremías 51:42 - Qullan Arunaca

⁴² Jach'a kotasti Babiloniarojj k'alwa chhaktayi, jach'a mathapinacapampiw chhaktayaraqui.

Aymar Bibliia 1986

⁴² Jach'a kotasti Babiloniarojj k'alwa chhaktayi, jach'a mathapinacapampiw chhaktayaraqui.

Qullan Arunaka DC

⁴² Jach'a qutasti Babiloniarux q'al chhaqtayi, jach'a mathapinakapampiw chhaqtayi.

Jeremías 51:42 Jak'a apnaqawi uñst'ayäwi

Salmos 18:16

Diosajj alajjpachatpach amparap loktanitu, amparapampiw jach'a lamar kotat waysutu,

Salmos 18:4

Jiwajj sipitanacapampiw simpantitu, ajjsarcay t'unjirin nayrakatapan ajjsarta.

Salmos 42:7

Mic'ay mankhanacatpach ist'asi, uma waraktaman khothutinacapajja; juman apayanit llojjma uma waraktanacajj, naya patjja llumiquipi.

Salmos 65:7

Jumaw lamar kot mathapinacarojj t'acuraytajja, jumaw marcanacan ch'ajjwatap amuct'aytajja.

Salmos 93:3

Tatay, jawiranacajj khothutiwa, jawiranacajj mathapinac sartayi.

Isaías 21:1

Wasarata profecía arunaca: Tutuca thayjamaw aynachat jutantapjje, wasaratwa jutapjje, ajjsarcañ chekata.

Jeremías 51:55

Tatituw Babiloniaru t'unjasqui, ch'ajjwataparusti amuct'ayjjaraquiwa. Uñisirinacasti jach'a kota mathapinacjamaw wali ch'amampi jupanacjjarojj puriraquini.

Ezequiel 26:3

“Ucatpï naya Tatitojj sistjja: Tiro, nayajj juman uñisirimaw tucü. Walja marcanacwa juma tokjja sartayäjja, cunjämatejj kotajj mathapinacapa sartayquejj uqhama,

Daniel (hebreo) 11:10

“Ucampisa amstanquiri reyin yokanacapasti guerrasiñataquejj mä jach'a ch'amani ejército sartayapjjaraquini. Uca yokanacapatjja mayniw aynach toker jutantani, uca marcaru catuntañataqui t'unjayañataqui, cunjämatejj jawir umajj walja mantejj uqhamaw soldadonacapajj mantanipjjaraquini, ucatsti wasitatwa aynach tokenquiri reyin utaparojj nuwantapjjaraquini.

Daniel (hebreo) 7:2

“Nayajj samcajjanjja uñjäyätwa, pusi toket thayajj thayt'asinquiri ucatsti jach'a kotjjaru wali mathapinaca sartayasquiri.

Daniel (hebreo) 9:26

Sojjta tunca payani semananaca pasatatsti, Tatitur catuyata jach'a jilïriruw jiwayapjjani. Jerusalén marcampi templompisti t'unjataw uñjasiraquini, cawquïri reyitejj jutcani ucanacan jakenacapaw t'unjaraquini. Tucuyäwisti janc'aquiw purinini, walja umanacjama, tucuycamawa nuwasiñanacasa, t'unjatäñasa utjaraquini, cawquïrinacatejj uqhamäñapatac arsutäqui ucanaca.

Lucas 21:25

“Ucapachasti unañchanacaw utjani intina, phajjsina, warawaranacana; orakensti marcanacajj mayjt'atäpjjaniwa, uqhamaraquiw sustjasipjjani kota mathapinacan ajjsarcañ khothutitanacapatjja.