Jeremías 51:27 - Qullan Arunaca

²⁷ “¡Marcansti nuwantañataqui chimpu churapjjam! Trompetanac phust'apjjam, marcanacarusti waquichapjjaraquim Babiloniaru nuwantapjjañapataqui. ¡Jupa tokesti Ararat, Mini, uqhamarac Askenaz marcanaca toke sayt'apjjam! ¡Jumanacan nuwasiñanacama sum sarayañapataquisti mä general chhijllasipjjaraquim! ¡Caballeriarusti wali khoru t'ijut'ijunacarjamaraqui nayraru ant'apjjam!

Aymar Bibliia 1986

²⁷ “¡Marcansti nuwantañataqui chimpu churapjjam! Trompetanac phust'apjjam, marcanacarusti waquichapjjaraquim Babiloniaru nuwantapjjañapataqui. ¡Jupa tokesti Ararat, Mini, uqhamarac Askenaz marcanaca toke sayt'apjjam! ¡Jumanacan nuwasiñanacama sum sarayañapataquisti mä general chhijllasipjjaraquim! ¡Caballeriarusti wali khoru t'ijut'ijunacarjamaraqui nayraru ant'apjjam!

Qullan Arunaka DC

²⁷ “¡Markansti nuwantañatak yatiyapxam! ¡Trompetanak phust'apxam, markanakarus wakicht'apxarakim, Babiloniar nuwantapxañapataki! ¡Ararat, Miní, Askenaz uka markanakax Babiloniar nuwantapxpan! ¡Nuwasïwi sarayiritakisti mä jilïri chhijllt'asipxam! ¡Caballeriarusti wali qhuru t'iju t'ijunakarjam nayraqatar ant'apxam!

Jeremías 51:27 Jak'a apnaqawi uñst'ayäwi

Génesis 10:3

Gomeran wawanacapasti acanacaraquïnwa: Askenaz, Rifat, uqhamarac Togarma ucanaca.

Génesis 8:4

Pakallköri phajjsin, tunca pakallkoni urunaca sarakatarusti, arcajj Ararat sata kollunac pataruw sayt'jjäna.

2 Reyes 19:37

Mä urojja cunapachatï jupajj Nisroc sat diosapan templopana yupaychascäna ucqhasti, sarapjjänwa Adramelec, Sarezer sat yokanacapa, ucatsti jupar jiwayasinjja Ararat sat chekanacaruwa jaltjjapjjäna. Ucatjja jupa lantejj Esarhadón yokapawa reyëjjäna.

1 Crónicas 1:6

Gomer chachan wawanacapasti acanacänwa: Askenaz, Rifat Togarma ucanacaraqui.

Isaías 18:3

Take jumanaca acapachan jaquiri jakenaca, uñjapjjätaw cunapachatejj kollun mä chimpojj aptatäcan uca, ist'apjjaraquïtawa cunapachatejj trompetajj phust'ascani ucsa.

Isaías 37:38

Mä uru cunapachatejj templopana Nisroc sata diosaparu yupaychascän ucañcamaw Adramelec, uqhamarac Sarezer sat yokanacapajj jiwayapjjatayna, ucatsti Ararat tokeruw jaltjjapjjatayna. Esarhadón sata yokaparaquiw Senaquerib reyirojj reyi cancañapjja apakjjäna.

Jeremías 25:14

Jupanacarusti jach'a marcanaca uqhamaraqui ch'amani reyinacaw apnakapjjaraquini t'akhesiyapjjaraquinisa, uqhamatwa cunatejj juchanacapat churañajj waquisqui ucjja churäjja.’ ”

Jeremías 46:23

¡Uca jach'a ch'uminacapsti phat'arapjjaraquiniwa! Naya Tatituw ucjja arsta. T'ijut'ijunacat sipansa juc'ampi waljanïpjjewa, janiraquiw qhitis jupanacarojj jact'añataquejj ch'amanïcänti.

Jeremías 50:2

“Aca arunac yatiyapjjam, take marcanac taypina. Yatiyäwi unañchanacsti aptapjjaraquim; jan cunsa imt'apjjamti. Sapjjaraquim: ‘¡Babiloniajj catuntatawa, Marduc diosasti alekaquiw qhathatjjaraqui! ¡Yakha diosanacapasa c'ari diosanacapasti laruscaña p'enkaquëjjapjjewa, ajjsarañan phokhantatäjjapjjaraquiwa!’ sasa

Jeremías 50:3

Amsta toketwa mä marcajj jupataqui jutantaraqui, marcapsti wasararuw tucuyaraquini. Janipuniwa jakesa, uywanacasa ucanjja wasitat jacjjapjjaniti, takeniw jaltjjapjjaraquini” sasa.

Jeremías 50:9

Jichhasti nayajj amsta toket jutiri mä kawkha ch'amani marcanacampiw Babilonia marcarojj mayaqui nuwantayä. Formt'asisinwa jupanacajj catuntapjjani. Uca jakenacasti guerran nuwasiñjja wali sumwa yatipjjaraqui, flechanacapsti jan pantjasaw antutt'apjjaraqui.

Jeremías 51:12

¡Babilonia marcan perkanacaparu nuwantañataquisti chimpunaca churapjjaraquim! ¡Guardianacarusti juc'ampi yapjjatapjjaraquim ch'amanïpjjañapataqui! ¡Uñch'uquirinaca uscupjjaraquim! ¡Imantasisin suyjjatapjjaraquim jupan uñisirinacaparojja! Tatitusti, cuntejj Babilonia marcan utjiri jakenacatac amtcatayna, ucat yatiycaraquïna ucanacwa phokhascaraqui.

Jeremías 51:14

Take ch'amani Tatitu Diosasti pachpa jacañapjjaruw juramentompi arsuraqui: “¡Uñisirinacamampisti t'ijut'iju lak'onacampjamaw phokhantäma, jupanacasti jumaru atipjasinjja jach'at arnakasipjjani!.”

Jeremías 51:28

Marcanacarusti nuwantapjjañapataqui waquichapjjaraquim. Media orakenquiri reyinacarusa, apnakerinacaparusa, jilïrinacaparusa, uqhamaraqui jupan apnakata take orakenacarusa.”

Jeremías 6:1

¡Benjamín token utjir jakenaca! ¡Imantasiñ thaktapjjam, Jerusalenat jaltjjapjjam! Tecoa chekansti trompeta phust'apjjam, Bet-haquerem chekansti mä chimpu sayt'ayapjjam, mä jach'a jan walt'añampi, mä jach'a aynacht'añampiw, amsta toket ajjsarañapa churasinqui.

Joel 3:9

“Marcanacarusti acanac yatiyapjjam: ¡Mä kollan guerran nuwasipjjam! ¡Jan ajjsariri jakenacarusti jawsapjjam! ¡Guerran nuwasir jakenacasti jutapjjpan, ucatsti nuwasiri sarantapjjpan!

Amós 3:6

Cunapachatejj trompetan tuct'asitapajj marcan ist'asi ucqhaw jakejj wal sustjasi; cuns Tatitojj apayani ucqhaw marcanjja jan walinacajj utjejja.

Zacarías 14:2

uca uruw Tatitojj take marcanacaru mayachthapinejja, Jerusalenampi nuwasipjjañapataqui. Marcaru catuntasajja, utanacapatsti yänacapjja apasipjjaraquiniwa, warminacaparusti warmisipjjaraquiniwa, chicatpacha jakenacaparusti preso apapjjaraquinejja. Jilt'irinacaquiw ucan jacasjjapjjanejja.

Jueces 6:5

Jupanacasti utanacapampi, uqhamarac walja uywanacapampi jutasinwa take cunanaca tucjayapjjäna. Walja camellonacampi jutasinsti, walja t'ijut'ijunacjamaw jutapjjäna.