Jeremías 51:24 - Qullan Arunaca

²⁴ “Ucampisa, jumanacan uñjcataw, Babilonianquirinacarusa, caldeonacarusa, cunjämatejj jupanacar churañajj waquisqui uqhamarjama churaraquëjja, Sionar ñankhanaca lurapjjatapata. Naya Tatituw ucjja arsta.

Aymar Bibliia 1986

²⁴ “Ucampisa, jumanacan uñjcataw, Babilonianquirinacarusa, caldeonacarusa, cunjämatejj jupanacar churañajj waquisqui uqhamarjama churaraquëjja, Sionar ñankhanaca lurapjjatapata. Naya Tatituw ucjja arsta.

Qullan Arunaka DC

²⁴ “Judá markankirinaka, jumanakan uñjkataw Babilonia markarusa, ukan jakirinakarusa, kunjämatix jupanakar churañax wakiski ukhamarjam churarakï, Jerusalenar ñanqhanak lurapxatapata. Naya, Tatituw uk arsta.

Jeremías 51:24 Jak'a apnaqawi uñst'ayäwi

Salmos 79:10

¿Cunatarac jucharar jakenacast sasipcani: “Cawquincarac Diosapasti?” sasa. Nanacan uñjcañay Diosar jan uñt'irinacajj mutupjjpan, uywatanacamar jiwayapjjatapat t'akhesipjjaracpan.

Isaías 48:14

Take jumanaca jichhajj tantacht'asipjjam ist'apjjaraquim; ¿Qhitis jumanacatjja take acanac yatiyejja cunatejj lurasiñapäcän ucjja; cawquïr jaktejj nayajj ajlliscta ucajja cuntejj Babiloniampi lurañ amtqui uc lurani, uqhamaraqui caldeo jakenacampisa?

Isaías 61:2

Tatitun suma amtäwip mara yatiyiri, cawquïri uruntejj jiwasan Diosasajj uñisirinacasata phoksuscani ucqha. Take llact'atanacar chuymachiriw qhitanitu,

Isaías 66:6

Uca jach'a ch'ajjwanacajj marcat ist'asi, wali ch'ajjwanacaraquiw templotsa ist'asiraqui, uca ch'ajjwanacasti pachpa Tatitun ch'ajjwatapawa, uñisirinacaparu cunatejj waquisqui uc churasa.

Jeremías 25:14

Jupanacarusti jach'a marcanaca uqhamaraqui ch'amani reyinacaw apnakapjjaraquini t'akhesiyapjjaraquinisa, uqhamatwa cunatejj juchanacapat churañajj waquisqui ucjja churäjja.’ ”

Jeremías 50:10

Caldeonacarusti k'epsuwayapjjaraquiniwa, ‘Ucqhaqui’ sañcamaw k'epsuwayapjjaraquini. Naya Tatituw ucjja arsta.

Jeremías 50:15

¡Take token guerran nuwasiñ arunac art'apjjam! ¡Babiloniasti niya atipjatäjjaniwa, janiw juc'ampi nuwasiñ muncjjaraquiniti! ¡Torrenacas liwirtjjaraquiwa, perkanacas tincurjjaraquiniwa! Acaw nayan phoksusiñajjajja, jumanacasti phoksusipjjaraquim jupatjja. ¡Cuntejj jupajj mayninacaru lurcän uca pachpa lurapjjaraquim!

Jeremías 51:11

Tatitojj Babilonia marca t'unjañ muni, Media orakenquir reyinacan chuymaparusti uca pachpa t'unjaña amtäwinacwa uscuraqui. Ucaw Tatitun phoksusïwipajja, jupan temploparu cuntejj lurapqui ucanacatjja. ¡Jichhajj flechanacam waquichasipjjam! ¡Escudonacamsa sum catjjarupjjaraquim!

Jeremías 51:23

Jumampiw awatirinacsa, tamanacapsa t'unjaractjja, yapuchirinacsa, uqhamaraqui yuntanacapsa, marca apnakerinacsa, jilïrinacsa.

Jeremías 51:49

Jïsa, Babiloniajj aynacht'aniwa, Israel marcan jakenacaru uqhamaraqui take aca orakpachana jakenacaru jiwarayapjjatap laycu.”

Jeremías 51:56

Babiloniaru t'unjiriw jutapjjatayna, guerrar sarir jakenacapsti caturjjapjjaraquiwa, jisc'a jisc'wa arconacapsa tucjapjjaraqui. Tatitusti chekapa Diosawa, sapa maynirus waquisitaparjamaw churaraqui.

Lamentaciones 3:64

Jupanacarusti cunatejj waquisqui uqhamar uñjam, Tatay, luräwinacaparjama jupanacarojj uñjaraquim.

Apocalipsis 18:20

Ucampis cusisipjjam, jumanac, alajjpachanaca, apostolonaca, Diosan arup parlirinaca, uqhamarac qhitinacatejj Diosancapcta ucanacasa, Diosasti uca marcar juchañchasajja jumanacjjaruw cheka uñjäwi lurapjjtamjja.”

Apocalipsis 18:24

Ucampis uca marcajj Diosat parlirinacarojj jiwarayänwa, uqhamarac take qhitinacatejj Diosancapqui ucanacarus t'akhesiyänwa, uqhamarac take qhitinacatejj aca oraken jiwayatäpcänsa ucanacatsa jupajj juchanïnwa.

Apocalipsis 6:10

Ucanacasti jach'atwa art'apjjaraquïna: “Dios Tata, jumajj kollanätawa, arsutamarojj phokharactawa. ¿Cunapachcamaraqui jan juchañchcäta, oraken jacapqui uca nanacar jiwarayirinacarusti?” sasa.