Jeremías 50:42 - Qullan Arunaca

⁴² Arconacampi lanzanacampi armantataw jutapjje; jan qhuyapayasiñani khoru jakenacäpjjaraquiwa, khothutitanacapasti kota khothutinacjamawa, caballonacar lat'jjatatcamaquiw jutantapjjaraqui. Babilonia marcaru nuwantañataquisti janc'aquïpjjaraquiwa.

Aymar Bibliia 1986

⁴² Arconacampi lanzanacampi armantataw jutapjje; jan qhuyapayasiñani khoru jakenacäpjjaraquiwa, khothutitanacapasti kota khothutinacjamawa, caballonacar lat'jjatatcamaquiw jutantapjjaraqui. Babilonia marcaru nuwantañataquisti janc'aquïpjjaraquiwa.

Qullan Arunaka DC

⁴² Mich'inak antutt'añanakampi, lanzanakampi wakicht'ataw jutantapxi; jan khuyapayasir qhuru jaqinakäpxiwa, arnaqasitanakapasti quta qhuthutinakjamawa, caballonakar lat'xatatkamakiw jutantapxi. Babiloniar nuwantañatakis jank'akïpxarakiwa.

Jeremías 50:42 Jak'a apnaqawi uñst'ayäwi

Salmos 46:6

Marcanacajj ojjopjjewa, reyinacajj qhathatipjjewa, orakejj qhathatiwa, ch'aman arup ist'asiyqui ucapachajja.

Salmos 74:20

Nanacamp arust'äwi luratamat amtasim, acapachajj jan wali lurañanacamp phokhantatawa.

Isaías 14:6

qhititejj marcanacarojj colerasiñampi t'akhesiyänjja, jan inact'asaraquiw mutuyaraquïnjja, marcanacarusti wali colerataraqui tucjänjja, jan qhuyapt'ayasisaraqui arcnakänjja.

Isaías 47:1

“Sarakanim, janïr chachan tawako Babilonia, lak'jjaru kont'asim; Caldea tawako, tronomat sarakanim, ucatsti oraker kont'asim, janiw jichhajj mayampsa ‘Suma wawa tawako’ sasajj sapcjjätamti.

Isaías 47:6

Marcajjampi nayajj coleratäscayät uqhajja, naya quipcaw marcajjarojj mä p'enka catuyta, ucatsti juman amparamaruraquiw antutta. Jumasti janiw qhuyapt'ayasctati, chuymani jakenacjjarusti uca jathi yugomwa apjjattajja.

Isaías 5:28

Flechanacapasti wali arinacawa, arconacapasti suma jiyt'ataraquiwa. Caballonacapan casconacapasti kaljam ch'ullkhewa, carronacapan ruedanacapasti tutuca thayar uñtatawa.

Isaías 5:30

Uca marcasti, cunapachatejj arsut urojj purincan uca urojj jach'a kotar uñtataw khothutini Israel marcataquejja, qhititejj orak uñch'uccani ucasti orakerojj kenayampi ch'amacrantayata, ch'iyara ch'amaca kenayanacampi muyuntata uñjaraquini.

Jeremías 30:14

Take munirinacamasti apanucuwayjjapjjtamwa, janiw jumat amtascjjapjjaraquiti. Nayaw jumarojj uqham chhojjriñchsmajja, uñisirimäquiristsa uqhama jan qhuyapt'ayasisaw mutuyämajja, walja jach'a juchanac luratam laycuw uqham lursmajja.

Jeremías 47:3

Caballonacan chhuqhunitap ist'asa, carronacan jutatap ist'asasa, uca carronacan ruedanacapan khothutitapa ist'asajja awquinacajj wawanacaparojj apanucuwayjjapjjewa, janiraquiw ch'amas utjcjjeti.

Jeremías 50:14

“¡Arco apnakeri nuwasirinaca, sapa mayni lugaraparcama sarapjjam, Babiloniarusti muyuntapjjaraquim! ¡Uca marcataquisti take flechanacama antutt'apjjaraquim, naya Tatitutaqui jucha lurapjjatap laycu!

Jeremías 50:9

Jichhasti nayajj amsta toket jutiri mä kawkha ch'amani marcanacampiw Babilonia marcarojj mayaqui nuwantayä. Formt'asisinwa jupanacajj catuntapjjani. Uca jakenacasti guerran nuwasiñjja wali sumwa yatipjjaraqui, flechanacapsti jan pantjasaw antutt'apjjaraqui.

Jeremías 51:27

“¡Marcansti nuwantañataqui chimpu churapjjam! Trompetanac phust'apjjam, marcanacarusti waquichapjjaraquim Babiloniaru nuwantapjjañapataqui. ¡Jupa tokesti Ararat, Mini, uqhamarac Askenaz marcanaca toke sayt'apjjam! ¡Jumanacan nuwasiñanacama sum sarayañapataquisti mä general chhijllasipjjaraquim! ¡Caballeriarusti wali khoru t'ijut'ijunacarjamaraqui nayraru ant'apjjam!

Jeremías 8:16

¡Uñisirinacasajj niyaw purinipjje! ¡Dan sisqui uca oraketsti niyaraquiw caballonacan samatapas ist'asi! Cunapachatejj warart'apjje ucapachasti, take orakpachaw qhathatiraqui. Take aca marcaru, yänacapamppacha t'unjiriw jutapjje, marcanacarusa, jaquirinacarusa.”

Ezequiel 26:3

“Ucatpï naya Tatitojj sistjja: Tiro, nayajj juman uñisirimaw tucü. Walja marcanacwa juma tokjja sartayäjja, cunjämatejj kotajj mathapinacapa sartayquejj uqhama,

Joel 2:5

kollunacan jalnakatapaw ist'asi guerrar sarir carronacjamawa, waña laphinacajj ninan naqhantatajj t'akarejja uqhamäpjjaraquiwa. Mä ch'amani ejercitjamäpjjewa nuwt'asiñataqui formt'asitäpcaspas uqhama.

Santiago 2:13

Qhitinacatejj jan qhuyapt'ayasis mayniru uñjapjjchejja, jan qhuyapt'ayasiñampi juchañchataraquïniwa, ucampis qhuyapayasirinacajja taripäwi urunjja take cuna atipjasaw mistupjjani.

Apocalipsis 16:6

Aca jakenacasti jumar catuyat jakenacarojja, uqhamarac profetanacarus jiwarayapjjaraquïnwa. Jichhasti jumajj jupanacarojj wila umayaractajja. ¡Jupanacasti uca mutuñjja catokapjjañapapuniwa!” sasa.