Jeremías 50:39 - Qullan Arunaca

³⁹ “Ucatwa jichhajj Babilonianjja monte phisinaca, kamakenaca, suri sat jach'a jamach'inacajj jacapjjani. Acat kheparusti janipuniw mayampisa jakenacajj ucan utjcjjapjjaniti.

Aymar Bibliia 1986

³⁹ “Ucatwa jichhajj Babilonianjja monte phisinaca, kamakenaca, suri sat jach'a jamach'inacajj jacapjjani. Acat kheparusti janipuniw mayampisa jakenacajj ucan utjcjjapjjaniti.

Qullan Arunaka DC

³⁹ “Babilonia markan janipuniw mayampis jaqinakax ukan jakxapxaniti, monte phisinaka, qamaqinaka, suri sat jach'a jamach'inakakiw jakxapxani.

Jeremías 50:39 Jak'a apnaqawi uñst'ayäwi

Isaías 14:23

Mä ñek'e mic'ayaruw tucuyaraquï, ucansti jucunacaraquiw utjapjjani. Pichañampjamaraquiw tucjasin pichanucü.” Uqham siw take ch'amani Tatitojja.

Jeremías 25:12

Cunapachatejj uca pakallko tunca maranacajj phokhasjjani ucapachasti, Babilonianquir reyerojja, marcaparusa, luratanacapa wayt'araquï juchanacapatjja, uqhamaraqui caldeonacan marcaparusa, wiñayataquiw t'unjaraquï. Naya Tatituw arsta.

Jeremías 50:3

Amsta toketwa mä marcajj jupataqui jutantaraqui, marcapsti wasararuw tucuyaraquini. Janipuniwa jakesa, uywanacasa ucanjja wasitat jacjjapjjaniti, takeniw jaltjjapjjaraquini” sasa.

Jeremías 51:26

T'unjata marcamansti, janipuniw mä kalas wasitat perkañataquejj sumäcjjaniti. Wiñayataqui wasararu tucuyataw uñjasiraquïta. Naya Tatituw ucjja arsta.

Jeremías 51:43

Marcanacapasti ajjsarcaña wasararu tucuyataraquiwa, waña, llaquiscaña orakeru tucuyataraquiwa, janiw ucanjja mayni jakes jaccaraquispati, uca cheksti janiw qhitis pascaraquiti.

Apocalipsis 18:2

Wali jach'ataraqui art'asïna: “¡Aynacht'jjewa, aynacht'jjewa jach'a Babiloniajja! ¡Supayanacan utjäwipawa tucuwayjjaraqui, take casta ñankha ajayunacan putuparaqui, uqhamarac k'añu uñisita jamach'inacan tapaparaqui!