Jeremías 50:34 - Qullan Arunaca

³⁴ Ucampisa khespiyiripajj ch'amaniwa, sutipasti ‘Take Ch'amani Tatitu’ sataraquiwa. Jupaw take cunsa chekaparu uñjaraquini; marcarusti sumancañwa apanini, ucampisa Babilonianquiri jakenacataquejj jach'a ajjsarcañanacwa apaniraquini” sasa.

Aymar Bibliia 1986

³⁴ Ucampisa khespiyiripajj ch'amaniwa, sutipasti “Take Ch'amani Tatitu” sataraquiwa. Jupaw take cunsa chekaparu uñjaraquini; marcarusti sumancañwa apanini, ucampisa Babilonianquiri jakenacataquejj jach'a ajjsarcañanacwa apaniraquini” sasa.

Qullan Arunaka DC

³⁴ Ukampis qhispiyiripax jach'a ch'amaniwa, sutipasti “Taqi Ch'amani Tatitu” satarakiwa. Jupaw taqi kunsa chiqapar uñjani; markarusti sumankañ apanini, ukampis Babiloniankir jaqinakatakix jach'a axsarkañanak apanirakini” sasa.

Jeremías 50:34 Jak'a apnaqawi uñst'ayäwi

2 Crónicas 6:39

Jumajj alajjpachatpacha ist'am oracionanacapa, mayisitanacapsa cawqhantï jumajj utjtajja ucqhatpacha, jupanacarusti arjjatam, uqhamarac marcaman jucha luratanacapatjja pampacharaquim.

Job 19:25

Nayasti yatiractwa arjjatirejjan jacascatapa, jupaw nayaru aca oraken arjjataraquitani.

Salmos 35:1

Tatay, nayar nuwañatac jaljjatirinacampejj jumay nuwasim, nayamp ch'ajjwirinacampejj jumay ch'ajjwam.

Salmos 43:1

Diosay, chekapar uñjita, khoru jakenacat arjjatita, c'ari, ñankha lurir jaket khespiyasita.

Éxodo 6:6

Jichhasti saram, israelitanacarojj aqham sätawa: ‘Naya Tatituwa khespiyapjjäma t'akhesis sirviñata, uqhamarac egipcionacajj sinti ch'ama irnakañanaca churapctam ucatsa, jach'a ch'amajja uñacht'ayasa, uqhamarac cheka asqui cancañajjampi.

Proverbios 22:23

Tatitojj jupatwa arjjatani, t'akhesiyaraquiniwa qhititejj t'akhesiyqui ucanacarojja.

Proverbios 23:11

jupanacajj wali ch'amani khespiyirinïpjjewa; uca Tatituw jupanacat arjjatasisinjja jumatac sayt'ani.

Isaías 41:14

Tatitusti saraquiwa: “Israel, Jacobon marcapa, jisc'äscamsa, pisi ch'amäscaraquimsa, jan ajjsaramti, nayaw yanapascäma. Naya, Israelan Kollan Diosapa, nayaw khespiyirimätjja.

Isaías 43:14

Tatitojj, Israelan Kollan Diosapajja, qhititejj jumanacar khespiyapctam ucajja, siwa: “Jumanacar khespiyañataquejj Babiloniarojj jakenac qhitanï, take puncunac jist'arayaraquï, caldeo jakenacan cusisiñanacapasti t'akhesiñaruw tucuni.

Isaías 44:6

Tatitojja, jach'a reyi, Israelan khespiyiripa, take ch'amani Tatitojj siwa: “Nayätwa kalltas, tucuyasa; nayat yakhajj janiw juc'ampi diosajj utjquiti.

Isaías 47:4

Jiwasan khespiyirisajja, Israelan Kollan Diosapajja, qhititejj take ch'amani Tatitu satäqui ucajj siwa:

Isaías 49:25

Tatitusti uqhamäspaw siwa: “Ch'amani jakerojj aparapjjaniwa cuntejj guerran aparanqui ucjja, khoru jakerusti cuntejj jicjjatasqui ucjja apakapjjaraquiniwa. Naya quipcaw jumampi ch'ajjwqui uca jakempejj catjasëjja; naya quipcaraquiw wawanacamarus khespiyäjja.

Isaías 51:22

Tatitu Diosamajja, qhititejj marcaparu arjjatqui ucajj siwa: “Uca copa amparamat asakäma, cunampitejj jumajj machjascta uca; janiw jichhajj juc'ampi nayan colerasiñ copatjja umcjjätati.

Isaías 54:5

Jumaru jacañ churiri Tatituw jichhajj esposapat uñt'asjjätam uca laycu. Sutipasti take ch'amani Tatitu satawa, khespiyirimajj Israelan Kollan Diosapawa, jupasti take aca orakpachan Diosaparaquiwa.

Jeremías 10:16

¡Ucatsipana cunja jach'asa Israelan Diosapajja, juparaquiw take cunatejj utjqui ucanacsa ucharaqui! Juparaquiw Israelarojj jupataqui ajllisi; Take Ch'amani Tatitu, ucaw sutipajja. Profeta:

Jeremías 15:21

Ñankha jakenacan amparapatjja khespiyämawa, ¡Khoru jakenacan amparapatsa khespiyaraquïmawa!”

Jeremías 30:20

Israelitanacajj cunjämäpcäntejj nayrajj uqhamäpjjaraquiniwa, jakenacapasti naya nayrakatanjja sumpinwa sayt'asipjjaraquini, jupar t'akhesiyirinacarusti nayaw mutuyaraquï.

Jeremías 31:11

Tatitusti Jacobon marcaparojj khespiyiwa; mä jach'a ch'aman marcatwa khespiyaniraqui.

Jeremías 31:35

Tatituw jumanacataqui inti uscu uru khanañapataqui, phajjsisa, warawaranacasa aruma khanañapataquiraqui, jupaw jach'a kotsa, ucan khothutinacsa luraraqui, jupasti “Take Ch'amani Tatitu sataraquiwa”, ucatsti siwa:

Jeremías 32:18

Jumasti jakenacarojj qhuyapayasiñamjja wawanacapan wawanacaparuraquiw uñacht'aytajja, uqhamaraquiwa jakenacarus mutuyaractawa awquinacapan juchanacapatjja. ¡Jach'a ch'amani Dios, sutimajj Take Ch'amani Dios satawa!

Jeremías 48:15

Moab marcaru uqhamaraqui yakha marcanacaparu t'unjirejj niyaw purinjje. Cawquïr suma waynanacatejj utjqui ucanacasti jiwarapjjaraquiniwa. Ucsti Reyiw arsu, uca reyin sutipasti Take Ch'amani Tatitu, satawa.

Jeremías 51:19

¡Ucat sipansa cunja jach'as Jacobon Diosapajja, juparaquiw take cunanacatejj utjqui ucanacjja uscuraqui! Juparaquiw Israelarojj jupatacjama ajllisi; sutipasti: Take Ch'amani Tatitu sataraquiwa.

Jeremías 51:36

Tatitojj siwa: “Nayaw jumarojj chekaparu uñjäma, uñisirinacamatsti phoksusiraquïwa. Babilonianquiri jawiranacsa, uqhamarac uma phuch'unacsa k'alwa wañsuyaraquëjja,

Lamentaciones 3:58

Ch'ama tucuñajjansti arjjataraquita, nayarusti khespiyaraquita.

Joel 2:11

Tatitusti, ejercitop nayrakatanjja jach'a arupwa ist'asiyaraqui. Ejercitopasti waljaniwa, jan jact'cayaraquiwa jupan arsutap phokherinacajja. ¡Cunja jach'asa, ajjsarcañaraquis Tatitun urupajja! Janiw qhitis jupa nayrakatanjja sayt'ascaspati.

Miqueas 4:10

K'ewinaktam, warariraquim Sión marca, cunjämtejj parto usumpi wararir warmejj wararejja uqhama, jakenacamajj jumatjja mistuwayjjapjjaniwa, ucatsti ch'usa pampanacanwa jacapjjaraquini, Babilonia marcacamaraquiw puripjjaraquini. Ucampis ucanjja Tatitojj marcaparojj khespiyaniwa, uñisirinacapatwa khespiyani.

Miqueas 7:9

Tatit contraw juchjja lurta, ucatracwa jichhajj colerasiñapsa amuqui muturaquëjja; uccañcamasti, jupaw nayarojj uñjaraquitani, chekaparuw uñjaraquitani. Tatitojj khanaparuw irpitani, atipjañapsti uñjayaraquitaniwa.

Apocalipsis 18:8

Ucataracpï jupataquejj t'akhesiñajj mä urunac purininejja. Ucanacasti acanacawa: jiwaña, t'akhesiña, mank'at awtjayasiña, ucatsti ninampi naqhantayataraquïniwa; jupar juchañchir Tatitu Diosasti wali munañaniraquiwa”