Jeremías 50:26 - Qullan Arunaca

²⁶ ¡Take toket nuwantapjjam! ¡Grano imasiñanacapsti jist'arapjjaraquim! ¡Jakenacarusti mayjaru apthapisin t'unjapjjaraquim! ¡Jan maynis jacañani kheparcaracpati!

Aymar Bibliia 1986

²⁶ ¡Take toket nuwantapjjam! ¡Grano imasiñanacapsti jist'arapjjaraquim! ¡Jakenacarusti mayjaru apthapisin t'unjapjjaraquim! ¡Jan maynis jacañani kheparcaracpati!

Qullan Arunaka DC

²⁶ ¡Taqi tuqit Babilonia markar nuwantapxam! ¡Grano imasiñanakap jist'arapxam, uka granonak q'al apasxapxam! ¡Taqi yänakapsa mayjar apthapisin t'unjapxam! ¡Janirak kunas jupatak jilt'panti!

Jeremías 50:26 Jak'a apnaqawi uñst'ayäwi

Isaías 10:6

Jichhajj mä ñankha marcar nuwjam sistwa, nayar ñankha lurir marcaru, uqhamat k'al lunthatjañapataqui, uqhamaraqui kamir cancañapsa apakañapataqui, taquisiñapataqui callenquir ñek'er uñtata.

Isaías 14:23

Mä ñek'e mic'ayaruw tucuyaraquï, ucansti jucunacaraquiw utjapjjani. Pichañampjamaraquiw tucjasin pichanucü.” Uqham siw take ch'amani Tatitojja.

Isaías 25:10

Tatituw Sión kollurojj amparapampi imascani, ucampisa Moab marcarusti taquisiraquiniwa, cunjämtejj t'unanacajj taquisitajj uqhama.

Isaías 45:3

Nayaw jumarojj cunanacatejj imantatäqui uca yänac catuyäma, cuna kamir cancañanacatejj jamas chekanacan imantatäqui ucanaca catuyäma, uqhamat yatiñamataqui nayan Tatitütajja, Israelan Diosapa qhititejj sutimat jawsctam uca.

Isaías 5:26

Tatitusti mä wiphalwa apti, jayanquir marcarusti qhuyt'asaraquiw jawsi; wali jaya oraketpachwa jutayaraqui. Ucspacharaquiw juti, mäquiw puriniraqui;

Jeremías 50:10

Caldeonacarusti k'epsuwayapjjaraquiniwa, ‘Ucqhaqui’ sañcamaw k'epsuwayapjjaraquini. Naya Tatituw ucjja arsta.

Jeremías 50:13

Nayajj colerasïwa, jan jakeni jaytaraquëjja, wasararu tucuyata jaytaraquëjja. Qhitinacatejj uca cheka pasapcani ucanacasti walwa sustjasipjjani uca mutuyäwipa catokatapa uñjasajja.

Jeremías 50:15

¡Take token guerran nuwasiñ arunac art'apjjam! ¡Babiloniasti niya atipjatäjjaniwa, janiw juc'ampi nuwasiñ muncjjaraquiniti! ¡Torrenacas liwirtjjaraquiwa, perkanacas tincurjjaraquiniwa! Acaw nayan phoksusiñajjajja, jumanacasti phoksusipjjaraquim jupatjja. ¡Cuntejj jupajj mayninacaru lurcän uca pachpa lurapjjaraquim!

Jeremías 50:23

¡Babiloniasti, cawquïritejj aca orakpachan martillopäqui ucasti jichhajj p'acjatawa, jisc'a jisc'a tucjataraquiwa! ¡Cunjämsa yakha marcanacajj ajjtasipjje Babiloniaru uqham pasatapatjja!

Jeremías 50:41

“Amsta tokenquiri jaya marcanacatpachwa mä jach'a ch'amani marcajj jutantasqui walja reyinacampi cuna.

Jeremías 51:44

“Bel sat diosarusti Babilonia chekanjja mutuyaraquïwa, cuntejj mank'antqui ucsa wak'aksuyaraquïwa, janiraquiw marcanacajj juc'ampi ucaru cuttcjjapjjaniti cuna yanapa mayisasa. ¡Babilonian perkanacapajj liwirtjjewa!

Jeremías 51:64

saraquïtawa: ‘Aqhamaw Babiloniajj aynacht'ani, janiraquiw mayampi cuna aynacht'äwtejj Tatitojj apayancani ucatjja sartcjjaniti’ ” sasa. Aqharuw Jeremiasan arunacapajj tucusjji.

Miqueas 7:10

Uñisirejjas ucjja uñjaraquiniwa, ucasti p'enkachjataraquïniwa. Jupasti nayarojj saraquitänwa: ‘¿Cawquincaraqui Tatit Diosamasti?’ sasa, ucampis jichhajj juparojj callenquir ñek'er uñtata taquichasita uñjañajja nayataquejj sumäniwa.

Mateo 6:26

Uñtapjjam jamach'inacajj jalasqui uca, janiw jupanacajj satapquis ni apthapipcaraquisa, janiraquiw juyranacsa pirwanacarus imapquiti, ucampis alajjpachanquir Awquimaw ucanacarojj mank'ayi. Uca jamach'inacat sipansa jumanacajj juc'amp munatäpjjtawa.

Apocalipsis 14:19

Angelasti hosipampejj take aca orakpachwa yawthapi uvanac apthapisa, ucatsti mä jach'a imañäwjaruw warantjje ch'irwsutäñapataqui. Ucasti Diosan mutuyäwipajj uqhamäniwa sañ muni.

Apocalipsis 19:15

Lacapatsti mä ari espadaraquiw mistüna marcanacaru ucampi chhojjriñchnokañataqui. Ucatsti wali khoru cancañampiraquiw apnakani, cunjämtï uva uma ch'irwsurejj cayumpi taquis ch'irwsojja uqhama. Diosan colerasiñapsti mä vinöcaspas uqhamwa jakenacarojj umarayani, uca mutuñasti take ch'amani Diosan colerasiñapatwa juti.