Jeremías 50:25 - Qullan Arunaca

²⁵ Tatitusti armamentonacapan utanacapjja jist'araraquiwa, colerasiñapan armanacapwa apsusiraqui, take ch'amani Tatitu Diosasti mä luräwi tucuyañaparaquiwa caldeonacan marcapampejja.

Aymar Bibliia 1986

²⁵ Tatitusti armamentonacapan utanacapjja jist'araraquiwa, colerasiñapan armanacapwa apsusiraqui, take ch'amani Tatitu Diosasti mä luräwi tucuyañaparaquiwa caldeonacan marcapampejja.

Qullan Arunaka DC

²⁵ Tatituw nuwasiñ yänakap imasiñ utanakap jist'ari, phiñasiñapan nuwasiñ yänakap apsusiraki, taqi ch'aman Tatitu Diosasti Babilonia markarux q'al tukjañapawa.

Jeremías 50:25 Jak'a apnaqawi uñst'ayäwi

Salmos 45:3

Jan ajjsarir jake, espadamp wac'antasim, ucaw c'achachirimajja, ucaraquiw jach'añchirimasa.

Salmos 45:5

Mich'inacamajj wali arinacawa, marcanacajj jumaruw maqhatjjapjjtam, reyimp timasirinacajj ajjsarayasjjapjjewa.

Isaías 13:15

Qhititejj jicjjatayascani ucasti puñalampi chhokhontataw uñjasini, uqhamaraqui qhititejj catjayascani ucasa jiwayataw uñjasiraquini.

Jeremías 50:15

¡Take token guerran nuwasiñ arunac art'apjjam! ¡Babiloniasti niya atipjatäjjaniwa, janiw juc'ampi nuwasiñ muncjjaraquiniti! ¡Torrenacas liwirtjjaraquiwa, perkanacas tincurjjaraquiniwa! Acaw nayan phoksusiñajjajja, jumanacasti phoksusipjjaraquim jupatjja. ¡Cuntejj jupajj mayninacaru lurcän uca pachpa lurapjjaraquim!

Jeremías 51:20

“¡Babilonia, jumajj nayan amparajjanjja mä jach'a martilljamätawa!, guerran nuwasiña armajjaraquïtawa. Jumampiw marcanacsa, reyinacan apnakañanacapsa t'unjaractjja.

Jeremías 51:25

Nayajj jumataquiw sayt'tjja, t'unjiri kollu, jumasti take aca orakpacharuw t'unjaractajja. Naya Tatituw ucjja arsta. Jichhajj amparajj aytä jumar mutuyañataqui, karka parquinacatpach jumarojj korumiyaniraquïma, mä naqhantata kollururaquiw tucuyäma.

Jeremías 51:55

Tatituw Babiloniaru t'unjasqui, ch'ajjwataparusti amuct'ayjjaraquiwa. Uñisirinacasti jach'a kota mathapinacjamaw wali ch'amampi jupanacjjarojj puriraquini.

Amós 3:6

Cunapachatejj trompetan tuct'asitapajj marcan ist'asi ucqhaw jakejj wal sustjasi; cuns Tatitojj apayani ucqhaw marcanjja jan walinacajj utjejja.

Apocalipsis 18:8

Ucataracpï jupataquejj t'akhesiñajj mä urunac purininejja. Ucanacasti acanacawa: jiwaña, t'akhesiña, mank'at awtjayasiña, ucatsti ninampi naqhantayataraquïniwa; jupar juchañchir Tatitu Diosasti wali munañaniraquiwa”