Jeremías 50:15 - Qullan Arunaca

¹⁵ ¡Take token guerran nuwasiñ arunac art'apjjam! ¡Babiloniasti niya atipjatäjjaniwa, janiw juc'ampi nuwasiñ muncjjaraquiniti! ¡Torrenacas liwirtjjaraquiwa, perkanacas tincurjjaraquiniwa! Acaw nayan phoksusiñajjajja, jumanacasti phoksusipjjaraquim jupatjja. ¡Cuntejj jupajj mayninacaru lurcän uca pachpa lurapjjaraquim!

Aymar Bibliia 1986

¹⁵ ¡Take token guerran nuwasiñ arunac art'apjjam! ¡Babiloniasti niya atipjatäjjaniwa, janiw juc'ampi nuwasiñ muncjjaraquiniti! ¡Torrenacas liwirtjjaraquiwa, perkanacas tincurjjaraquiniwa! Acaw nayan phoksusiñajjajja, jumanacasti phoksusipjjaraquim jupatjja. ¡Cuntejj jupajj mayninacaru lurcän uca pachpa lurapjjaraquim!

Qullan Arunaka DC

¹⁵ ¡Nuwasiñ arunak taqi tuqin art'apxam! ¡Babiloniasti niya atipjatäxaniwa! ¡Pukaranakapax liwirtxiwa, pirqanakapas tinkurxarakiwa! ¡Akaw nayan phuqsusiñaxaxa, jumanakasti jupat phuqsusipxarakim! ¡Kunjämtix jupax jumanakampi lurkäna ukhamarak jichhax jupar lurapxam!

Jeremías 50:15 Jak'a apnaqawi uñst'ayäwi

1 Crónicas 29:24

Ucatjja take jilïrinaca, guerran nuwasir chachanacasa, Davidan take wawanacapamppachasa Salomón reyirojj yanapapjjänwa.

2 Crónicas 30:8

Uca laycu jumanacasti janiy nayra awquinacamjama jan ist'asiri tucupjjamti, Tatitumpejj sumancjjapjjam wasitata suma amtäwiru jupamp mantañataqui, ucatsti jutjjapjjam santuarioparu, jupasti wiñayataquiwa uca santuario yakhachasi. Jumanacasti Tatit Diosamar sirvipjjam, jupasti janiw jumanacataquejj colerascjjaniti.

Salmos 149:7

Diosar jan uñt'ir marcanacar uqhämat uqhäm apsusiñataqui, jach'a marcanacar mutuyañataqui,

Salmos 94:1

Uqhämat uqhäm cutsuyasir Tatay, uqhämat uqham apsusir Diosay, uñachayasimaya.

Isaías 59:17

Atipjañampisti hierro chalecompjamaw isthapisi, khespiyasiñampejj p'ekepar mä cascompjamaw uchasi, phoksusiñampisti mä isimpjamaw isthapisi, colerasiñapampisti mä mantompjamaw llawuntasiraqui.

Isaías 59:18

Tatitojj sapa mayniruw luräwiparjam churani, uñisirinacaparusti mutuyaniwa, jupar uñisirinacarusti waquisitaparjamaw churaraquini, kota toke marcanacan utjirinacarusa.

Isaías 61:2

Tatitun suma amtäwip mara yatiyiri, cawquïri uruntejj jiwasan Diosasajj uñisirinacasata phoksuscani ucqha. Take llact'atanacar chuymachiriw qhitanitu,

Isaías 63:4

Nayaw mä uru cheka uñjäwi utjañapjja amtta; marcajjar khespiyañ horasasti purinjjaraquitaynawa.

Jeremías 46:10

Aca urusti take ch'amani Tatitun urupawa, aca urunsti uñisirinacapatwa phoksusiraquini. Espadasti sist'asiñcamaw chhojjriñchjaraquini, wilampis machjascaspa uqhama. Tatitusti amsta tokenwa jiwarayaraquini, Eufrates jawira jac'ana.

Jeremías 50:14

“¡Arco apnakeri nuwasirinaca, sapa mayni lugaraparcama sarapjjam, Babiloniarusti muyuntapjjaraquim! ¡Uca marcataquisti take flechanacama antutt'apjjaraquim, naya Tatitutaqui jucha lurapjjatap laycu!

Jeremías 50:25

Tatitusti armamentonacapan utanacapjja jist'araraquiwa, colerasiñapan armanacapwa apsusiraqui, take ch'amani Tatitu Diosasti mä luräwi tucuyañaparaquiwa caldeonacan marcapampejja.

Jeremías 50:44

“Cunjämatejj mä leonajj Jordán tokenquiri pastonac taypita thoksunejja, ucatsti cawqhantejj suma pastonacajj utjqui uca chekaru liwnoktejja uqhamaraquiw nayajj mistunï, uca chekatsti Babilonianquiri jakenacarojj jaltayaraquïwa, ucatsti cawquïri jaktejj nayajj ajllisctjja aca marca apnakañapataqui ucampiw apnakayaraquï. ¿Qhitis nayampi chicachasispa? ¿Qhitisa nayatac sayt'asiraquispa? ¿Qhiti awatiris nayatac sayt'asispajja?

Jeremías 51:11

Tatitojj Babilonia marca t'unjañ muni, Media orakenquir reyinacan chuymaparusti uca pachpa t'unjaña amtäwinacwa uscuraqui. Ucaw Tatitun phoksusïwipajja, jupan temploparu cuntejj lurapqui ucanacatjja. ¡Jichhajj flechanacam waquichasipjjam! ¡Escudonacamsa sum catjjarupjjaraquim!

Jeremías 51:14

Take ch'amani Tatitu Diosasti pachpa jacañapjjaruw juramentompi arsuraqui: “¡Uñisirinacamampisti t'ijut'iju lak'onacampjamaw phokhantäma, jupanacasti jumaru atipjasinjja jach'at arnakasipjjani!.”

Jeremías 51:24

“Ucampisa, jumanacan uñjcataw, Babilonianquirinacarusa, caldeonacarusa, cunjämatejj jupanacar churañajj waquisqui uqhamarjama churaraquëjja, Sionar ñankhanaca lurapjjatapata. Naya Tatituw ucjja arsta.

Jeremías 51:25

Nayajj jumataquiw sayt'tjja, t'unjiri kollu, jumasti take aca orakpacharuw t'unjaractajja. Naya Tatituw ucjja arsta. Jichhajj amparajj aytä jumar mutuyañataqui, karka parquinacatpach jumarojj korumiyaniraquïma, mä naqhantata kollururaquiw tucuyäma.

Jeremías 51:30

Babilonia soldadonacasti janiw nuwascjjapjjänti; pachpa perkanacapanacwa sayarjjapjjäna; ch'amanacapasti pist'atäjjaraquïnwa, warminacjamaquëjjapjjaraquïnwa. Marcanacapasti uñisirinacan phokhantataraquïnwa, utanacapas ninampi naqhayataraquïnwa.

Jeremías 51:36

Tatitojj siwa: “Nayaw jumarojj chekaparu uñjäma, uñisirinacamatsti phoksusiraquïwa. Babilonianquiri jawiranacsa, uqhamarac uma phuch'unacsa k'alwa wañsuyaraquëjja,

Jeremías 51:44

“Bel sat diosarusti Babilonia chekanjja mutuyaraquïwa, cuntejj mank'antqui ucsa wak'aksuyaraquïwa, janiraquiw marcanacajj juc'ampi ucaru cuttcjjapjjaniti cuna yanapa mayisasa. ¡Babilonian perkanacapajj liwirtjjewa!

Jeremías 51:58

Babilonian uca thuru perkanacapasti k'ala liwinucutaraquïniwa, uca jach'a puncunacapas ninampi naqhantayataraquïniwa. Marcanacasa inamayaquiw sayt'ayapjjaraquejja, ch'ama tucutanacapasa ninanwa tucusiraquini.” Take ch'amani Tatituw ucjja arsu.

Jeremías 51:6

“¡Babilonia marcat jaltjjapjjam! ¡Qhitis khespiyaschini ucajj khesppan! ¡Jan jupan juchap laycu jiwapjjamti! Acaw nayan phoksusiña horasajjajja, cunjämarutejj waquisqui uqhamaruw churaraquëjja.

Jeremías 51:64

saraquïtawa: ‘Aqhamaw Babiloniajj aynacht'ani, janiraquiw mayampi cuna aynacht'äwtejj Tatitojj apayancani ucatjja sartcjjaniti’ ” sasa. Aqharuw Jeremiasan arunacapajj tucusjji.

Lamentaciones 5:6

T'ant'a mayt'asiñataquisti Egiptonquiri, Asirianquiri jakenacaruquiw mayisjjtanjja.

Ezequiel 17:18

Jupajj juramento luratapata sawcasïnwa, cuna arust'äwtejj lurcäna ucsa janiw phokcänti; jupasti phokhañataquiw arsuraquitayna, ucampisa janiw uca arsutanacaparojj phokcjjeti, ucatwa jichhajj jiwayatäni.

Ezequiel 21:22

Cupi amparapa tokerusti Jerusalén marca tokeru uñtasaw flechajj misturaqui, ucasti sañ munaraqui, Jerusalén marcajj nuwjaña yänacampi nuwjatäñapawa, uqhamaraqui jiwarayañataqui arsutäñapawa, guerran arnakasiñanaca arnakasipjjañapawa, puncunacapasa nuwantatäñapawa, Jerusalén marca muytarusti suma perkanaca aptatäñapawa, k'ala muyuntayasa.

Nahúm 1:2

“Tatitojj mutuyiri celoso Diosaraquiwa; qhitinacatejj jupa conträpqui ucanacarojj mutuyiwa, uñisirinacapampisti walrac colerasiraqui.

Mateo 7:2

Cunjämtï jumanacajj jake masimarojj juchañchapctas uqhamaracwa Diosajj jumanacarojj juchañchapjjätam; cunjämtejj jumanacajj jakenacar lurapcäta uqhamaracwa jumanacarojj Diosajj lurapjjätam.

Lucas 21:22

Uca urunacasti mutuyäwi urunacäniwa, ucan take cunatejj Kellkatanacanjj sisqui ucanacajj phokhasini.

Romanos 12:19

Munat jilatanaca, jumanac purajj jan uqhamat uqham lurjasipjjamti, jan ucasti Diosar jaytapjjam, jupawa mutuyascani. Kellkatanjja siwa: “Nayaruw wact'itu mutuyascañajja, nayaraquiw phokhascäjja, siw Tatitojja.”

Romanos 3:5

Ucampis jiwasan jan wali luratanacasatejj asquïchejja Diosan asqui cancañap uñacht'ayañataquejja, ¿camsañänisa? ¿Diosajj jan waliti jiwasanacar juchanacas laycu mutuyatapajja? (Acanacjja mä jakjamaquiw parlta.)

Deuteronomio 32:35

cawquïri phoksusiñ urutejj jutcani, ucata cuntï mayitaparjama churañataqui, cuna urutï aynacht'añapajj purincani ucqha. ¡Niyaw jac'ancjje t'unjatäñap urojja, niyaw jac'ancjje horasapajja!

Deuteronomio 32:41

Cunapachatejj lliphipquir espadajj afilasi, ucat cheka cancañajj laquintaraqui, ucapachaw uñisirinacajjatjja phoksusëjja. ¡Uqhamaraquiw phoksusëjja qhitinacatejj uñisipquitu ucanacatsa!

Deuteronomio 32:43

“¡Cusisipjjam marcanaca, Diosan marcapampi chica! ¡Jupaw wawanacapan jiwatapatjja phoksusini, uqhamaraquiw uñisirinacapatsa phoksusini, ucatsti orakeparusa marcaparusa khespiyaraquiniwa!”

2 Tesalonicenses 1:8

Diosar jan catokerinacar mutuyiriw jutani, uqhamarac Tatit Jesucristosan khespiyasiñ arunacapar jan ist'irinacarusa.

Santiago 2:13

Qhitinacatejj jan qhuyapt'ayasis mayniru uñjapjjchejja, jan qhuyapt'ayasiñampi juchañchataraquïniwa, ucampis qhuyapayasirinacajja taripäwi urunjja take cuna atipjasaw mistupjjani.

Josué 6:20

Uqhamaw takpach Israel marcajj jach'at art'apjjäna, sacerdotenacas pututunacap phust'apjjaraquïna, ucatsti mayac Jericó marcan perkanacapajj tincjjäna. Ucatsti take Israel jakenacaw marcarojj catuntañatac chhuqhuntapjjäna.

Josué 6:5

Cunapachatejj pututu phust'iri ist'apjjät ucqhajj, jumanacaw wali jach'at art'apjjäta, ucatsti take Jericó marcan perkanacapajj tincuraniwa. Ucatwa take jumanacajj chekaqui Jericó marcar mantapjjäta” sasa.

Apocalipsis 16:6

Aca jakenacasti jumar catuyat jakenacarojja, uqhamarac profetanacarus jiwarayapjjaraquïnwa. Jichhasti jumajj jupanacarojj wila umayaractajja. ¡Jupanacasti uca mutuñjja catokapjjañapapuniwa!” sasa.

Apocalipsis 18:6

Cuntejj jupajj mayninacaru lurcänjja uca pachpa juparojj lurapjjam, pä ucqhampiraqui luratanacapatsa cutt'ayapjjam. Cuna machjañanactï jupajj mayninacataqui waquichcän ucatjja, pä ucqhampi wali machjayiri waquichapjjam.

Apocalipsis 19:2

Jupasti chekaparuw marcanacarojj tariparaqui. Acapachan wachoka juchan sarnaker k'añu warmirusti juchañcharaquiwa. Uca warmisti jucha lurañanacapampejj take jakenacaruw jan waliru apascäna. Diosan wawanacapar jiwarayatapatsa Tatitojj juparojj juchañcharaquiwa” sasa.

1 Samuel 15:33

Ucampis Samuelojj sänwa: “Jumajj espadamampiw walja warminacarojj jan wawani jayttajja. Jichhajj taycamajj jupanacjamaraquiw kheparani” sasa. Ucatsti Tatitu nayrakatana jan ajjsarasaw Samuelojj Agag reyerojj Gilgal sisqui uca chekan pusiruw qharinokäna.