Jeremías 50:14 - Qullan Arunaca

¹⁴ “¡Arco apnakeri nuwasirinaca, sapa mayni lugaraparcama sarapjjam, Babiloniarusti muyuntapjjaraquim! ¡Uca marcataquisti take flechanacama antutt'apjjaraquim, naya Tatitutaqui jucha lurapjjatap laycu!

Aymar Bibliia 1986

¹⁴ “¡Arco apnakeri nuwasirinaca, sapa mayni lugaraparcama sarapjjam, Babiloniarusti muyuntapjjaraquim! ¡Uca marcataquisti take flechanacama antutt'apjjaraquim, naya Tatitutaqui jucha lurapjjatap laycu!

Qullan Arunaka DC

¹⁴ “¡Mich'i antutt'añ apnaqir nuwasirinaka, Babilonia markar muyuntapxam! ¡Uka marka tuqir taqpach mich'inakam antutt'apxam, naya Tatitutak jucha lurapxatap layku!

Jeremías 50:14 Jak'a apnaqawi uñst'ayäwi

2 Samuel 10:9

Cunapachatejj Joab chachajj nayra toket uqhamaraqui khepa toketa nuwantatäña yatisïna ucapachasti israelitanacatjja wali suma soldadonacwa ajllïna, ucat sirio jakenacar nuwantañataquiw waquichasiraquïna.

Salmos 51:4

Juma contra, juma contraquiw juchachasta, juchañchctas uca juch lurta. Juchañchatamajj chekapawa; taripäwimasti jan camscayaraquiwa.

Isaías 13:4

Kollunacansti walja jakenacan arnakasitanacapaw ist'asi. Marcanacan khothutitanacapas ist'asiraquiwa, cawquïri marcanacatejj tantacht'asqui ucanacana. Take ch'amani Tatitusti jupanacarojj uñaquiparaquiwa, qhitinacatejj nuwantasiñataqui janc'aquïpqui ucanacaru.

Isaías 5:28

Flechanacapasti wali arinacawa, arconacapasti suma jiyt'ataraquiwa. Caballonacapan casconacapasti kaljam ch'ullkhewa, carronacapan ruedanacapasti tutuca thayar uñtatawa.

Jeremías 46:9

“¡Caballeriajj sarantpan! ¡Carronacasti nayraru sarantapjjpan! ¡Guerran nuwasirinacasti sarantapjjpan; Etiopía, Libia tokenquir soldadonacasti escudonacampi armantata sarantapjjpan; Lidianquiri soldadonacasa, jupanacasti wali sum arconacjja apnakañ yatipjjpan!

Jeremías 49:14

Tatitu toketsti mä yatiyäwinacaw puriniraquitu, mayni yatiyiriw marcanac taypin yatiyasqui: “¡Tantacht'asipjjam, ucatsti Edom tokeru sarantapjjaraquim! ¡Nuwasiñataqui waquichasipjjaraquim!

Jeremías 49:35

“Naya take ch'amani Tatituw arsta: Elam marcan arconacapjja p'aquiräwa, uca arconacaw juparojj ch'am churaraquejja.

Jeremías 50:11

“Jumanaca, caldeonacasti, marcajjaru k'epsurinaca, ¡jichhajj cusisipjjam, c'uchirt'asipjjaraquim! ¡Vaca kallur uñtat paston sinc'usipjjam! ¡Caballonacjamaraqui wararipjjam!

Jeremías 50:29

“¡Take arco apnakeri jakenacaru jawsapjjam, Babiloniaru nuwantapjjañanacapataqui! ¡Marcaru muyuntata purintapjjaraquim, uqhamat jan maynis jaltañapataqui! ¡Cunjäma lurañatejj jupanacaru waquisqui uqhamarjama lurapjjaraquim uca marcarojja! ¡Cunjämtï jupajj lurqui, uqhamaraqui jumanacajj jupampi lurapjjam! Nayataquisti wali ñankha jakew tucuraquïnjja, naya Israelan Kollana Tatitu Diosapataquejja.

Jeremías 50:42

Arconacampi lanzanacampi armantataw jutapjje; jan qhuyapayasiñani khoru jakenacäpjjaraquiwa, khothutitanacapasti kota khothutinacjamawa, caballonacar lat'jjatatcamaquiw jutantapjjaraqui. Babilonia marcaru nuwantañataquisti janc'aquïpjjaraquiwa.

Jeremías 50:7

Uñisirinacapasti jicjjatasajj mank'antapjjaraquïnwa, sapjjaraquïnwa: ‘Janiw jiwasan juchasataqui, jupanacaw Tatitutaquejj jucha lurasipquejja, uca Tatitusti jupanacataquejj mä suma pastöcaspas uqhamänwa, nayrapacha awquinacapan suyt'añaparaquïnwa’ sasa.

Jeremías 50:9

Jichhasti nayajj amsta toket jutiri mä kawkha ch'amani marcanacampiw Babilonia marcarojj mayaqui nuwantayä. Formt'asisinwa jupanacajj catuntapjjani. Uca jakenacasti guerran nuwasiñjja wali sumwa yatipjjaraqui, flechanacapsti jan pantjasaw antutt'apjjaraqui.

Jeremías 51:2

Babilonia marcarusti, uñisirinacapampejj cunjämatejj trigojj thayampi thalsutajja uqhamaracwa thalsuyäjja, marcapsti jan mä jakenwa jaytaraquini. Cuna urutejj uca jach'a aynacht'añap urojj purincani ucapachasti take toketwa juparojj nuwantapjjani.

Jeremías 51:27

“¡Marcansti nuwantañataqui chimpu churapjjam! Trompetanac phust'apjjam, marcanacarusti waquichapjjaraquim Babiloniaru nuwantapjjañapataqui. ¡Jupa tokesti Ararat, Mini, uqhamarac Askenaz marcanaca toke sayt'apjjam! ¡Jumanacan nuwasiñanacama sum sarayañapataquisti mä general chhijllasipjjaraquim! ¡Caballeriarusti wali khoru t'ijut'ijunacarjamaraqui nayraru ant'apjjam!

Jeremías 51:3

¡Arco apnaker jakenacasti arconacap waquichasipjjpan! ¡Corazanacapsa uscuntasipjjaracpan! ¡Babilonianquiri waynanacatsti jan qhuyapt'ayasipjjamti; ejercitoparusti k'alpun tucjapjjam!

Habacuc 2:17

Cuna jan walinactejj Líbano kolluru lurctajja ucanacasti juma contraw cutt'aninejja, animalanacapa jiwaraycani ucqhajja jumanacataquejja jach'a sustjasiñäniwa. Acasti jutaniwa jake jiwarayatanacamata, nacionpachana jakenacaru, marcanacana t'akhesiyapjjatanacamata.

Habacuc 2:8

Marcanacaw mayacht'asipjjani juma contrajja, ucatsti aparapjjaraquïtamwa cunjämtejj jupanacat aparctajja uqhamaraqui. Phokhayasipjjaraquïtamwa take jiwarayatanacamatjja, uqhamarac aca nacionana marcanacapa, ucan jaquirinacapa contra jan walinac lurasa t'akhesiyatamata.

Apocalipsis 17:5

Paraparusti mä suti kellkataraquiw utjäna, uca sutisti aqhamänwa: “Jach'a Babilonia, juchararanacan taycapa, cunatejj acapachan ajjtañäquis ucan taycapa” sasa.

1 Samuel 17:20

Khepärmanthisti Davidajj wali alwatwa sartasïna, ovejanacap mayniru jaytawayasinsti, cunanactejj Isaí awquipajj churcatayna ucanac apt'ataw sarawayäna. Campamentor purcän ucapachasti, ejercitojj nuwasiri mistuñataquiw waquichasiscäna, uqhamarac guerrar mistuñataquiw arnakasipjjaraquïna.