Jeremías 5:17 - Qullan Arunaca

¹⁷ Jupanacasti yapunacamwa catuntasipjjani, t'ant'amsa mank'antapjjaraquini, imill wawanacamsa, yokall wawanacamsa mank'antapjjaraquiniwa, ovejanacamsa, vaca kallunacamsa mank'antapjjaniwa, uqhamaraqui uva yapunacamsa, higo yapunacamsa. Jumajj alcatascta uca jach'a perkani marcanacamsa armanacapampiw t'unjapjjani.”

Aymar Bibliia 1986

¹⁷ Jupanacasti yapunacamwa catuntasipjjani, t'ant'amsa mank'antapjjaraquini, imill wawanacamsa, yokall wawanacamsa mank'antapjjaraquiniwa, ovejanacamsa, vaca kallunacamsa mank'antapjjaniwa, uqhamaraqui uva yapunacamsa, higo yapunacamsa. Jumajj alcatascta uca jach'a perkani marcanacamsa armanacapampiw t'unjapjjani.”

Qullan Arunaka DC

¹⁷ Jumanakax alkatasipkta uka jach'a pirqan markanaksa, q'al t'unjapxani. Yapunakamsa, manq'anakamsa, q'al manq'antapxani, imilla, yuqall wawanakamarusa, q'al jiwarayapxani, ovejanakamsa, vacanakamsa, q'al manq'antapxani, uva yapunakamsa, higo yapunakamsa, q'al tukjapxarakini.”

Jeremías 5:17 Jak'a apnaqawi uñst'ayäwi

Isaías 62:8

Tatitusti ch'amani cupi amparap aytasaw juramento luri: “Janipuniw mayampsa uñisirinacamampejj juman trigomjja mank'aycäti, janiraquiw jaya marcat jutir jakenacampis vinomjja umaycäti, ch'amamampi jicjjatatäsquiwa;

Isaías 62:9

jan ucasti jumanacpachaw cosecha apthapisisipcäta, mank'asipjjätawa, ucatsti nayaruw yupaychapjjaraquitäta; uvanacsti jumanacaw apthapisisipcäta, vinsa umasisipcaraquïta, nayan kollan templo ankäjjanacapanjja.”

Isaías 65:22

Janiw ucanjja maynejj yakhan jacasiñapataqui utachcaniti, janiraquiw maynejj yapuchcaniti mayninacan asquipataquiquejja. Marcajjasti mä kokar uñtataw walja maranaca jacaraquini; ajllitanacajjasti cuntejj amparapampi lurasipqui ucwa mank'asipjjani.

Jeremías 1:15

Naya Tatituw ucjja arsta, amsta tokenquir take reinonacaruw jawsaraquëjja. Reyinacapasti jutasinjja, pachpa Jerusalén marca mantañaruw trononacapjja uscusipjjani, take perkanacapajj muyuntquis uca uñcatasiru, uqhamaraqui Judá oraken utjiri take marcanaca nayrakatarusa.

Jeremías 25:37

Tatitojj colerasïnwa, ucatsti ucqha suma yapunacapsti t'unjaraquiwa.

Jeremías 4:26

Uñatatasta, ucatsti jardinanac uñtta, ucanacasti wasararu tucuyatäpjjaraquïnwa, take marcanacasti k'ala t'unjatäpjjänwa. Take acanacsti Tatitun jach'a colerasiñapaw uqham luratayna.

Jeremías 4:7

Leonajj niyaw putupat mistuni; marcanac tucjiristi niyaw jutanti; marcapatwa mistuniwayi, marcama t'unjañataqui, wasara, k'ala t'unjatwa marcanacamjja tucuyani.

Jeremías 5:18

Tatitusti sascaquiwa: “Uca urunacansti janiraquiw takpacha t'unjcäti.

Jeremías 50:17

“Israel marcasti mä chhakat ovej-jamänwa, leonanacana arcnakata. Asirianquir reyiwa nayrakatjja mank'anti, ucjjarusti Babilonianquir Nabucodonosor reyiraquiw ch'aqhanacapamppachsa t'unjaraqui.

Jeremías 50:7

Uñisirinacapasti jicjjatasajj mank'antapjjaraquïnwa, sapjjaraquïnwa: ‘Janiw jiwasan juchasataqui, jupanacaw Tatitutaquejj jucha lurasipquejja, uca Tatitusti jupanacataquejj mä suma pastöcaspas uqhamänwa, nayrapacha awquinacapan suyt'añaparaquïnwa’ sasa.

Jeremías 8:13

Tatitojj siwa: “Marcajjarojj trigor uñtata yawinucü. Janiraquiw uva yapunjja ni mä uvas kheparcaniti, ni mä sapa higos higo kokanjja kheparcaniti. Ancuntata laphinacaquiw kheparjjani.”

Jeremías 8:16

¡Uñisirinacasajj niyaw purinipjje! ¡Dan sisqui uca oraketsti niyaraquiw caballonacan samatapas ist'asi! Cunapachatejj warart'apjje ucapachasti, take orakpachaw qhathatiraqui. Take aca marcaru, yänacapamppacha t'unjiriw jutapjje, marcanacarusa, jaquirinacarusa.”

Lamentaciones 2:12

Wawanacasti taycanacaparojj sapjjaraquïnwa: “Janiw t'ant'asa, vinosa utjcjjestuti” sasa. Marcan callenacapansti jiwaratjamaw liwirtapjjaraquïna, taycanacapan amparanacapanwa samcäwi amuct'awayjjapjjaraquïna.

Lamentaciones 2:2

Tatitojj Jacobun utanacapjja jan mayanwa pampa t'unjawayi, Judá marcana suma perkanacapsti, colerasiñapanjja janq'aquiw t'unjawayi. Marcarusa, uqhamaraqui jilïrinacaparusa pampa sarjayawayaraqui.

Ezequiel 36:4

Uca laycu, Israelanquir kollunaca, cuntejj Tatitojj kollunacaru, lomanacaru, jawiranacaru, vallenacaru sisqui uca arunac ist'apjjam; cawquïrinacatejj t'unjatäqui, cawquïri marcanacatejj wasara tucuyatäqui, Israel marcanjja, uca yakha jac'anquiri marcanacampi lunthatjatäpqui jisc'achañampi uñjatäpqui uca marcanac toke.

Oseas 2:12

Uva yapunacapsa, higo yapunacapsa tucjäwa, jupasti uca yapunacatjja, sänwa: ‘Aca yapunacwa munirinacajjajj pagota churapjjetu’ sasa. Nayasti uca yapunacapjja korampiw korantayä, ucatsti pampanquir animalanacaraquiw uca yapunacjja mank'apjjani.

Oseas 8:14

Israel marcajj palacionacwa utachasi, ucampis jupanacar irnokeritjja armasipjjewa. Judá marcajj walja jach'a marcanacwa perkanacampi suma muyuntayasa sayt'ayapjje, ucampis nayajj ucanacjja ninampiw naqhantayä, palacionacapsa k'al naqhantaraquini.”

Joel 2:3

Take cun tucuntir ninjamawa, janïr purincasasa, uqhamarac khepatsa naqhantascaquiwa. Aca orakejj, janïra jupanacajj purincän ucqhajja mä paraisjamänwa, sarjjapjjatapatsti ch'usa wasaraquëjjewa. ¡Janiraquiw cunas khespquiti!

Levítico 26:16

ucapachasti nayajj jumanacampejj acanacwa luraraquëjja: Jumanacjjarojj ajjsarañanacwa apayanëjja, wali ajjsarcañ usunaca, nayra usunaca, uqhamarac janchiman aynacht'añanaca; inamayaw yapuchasipcäta, uca yapuchasitanacamsti uñisirinacamaw mank'antapjjani.

Sofonías 3:6

Tatitu Diosajj siwa: “Marcanacap t'unjta, perkanacapan jach'a torrenacapsa pampacharactwa, callenacapsa wasara tucuyaracta, jan mä jakes sarnakañapataqui. ¡Uca sapa jakonucut marcanjja janiraquiwa mä jakes utjcjjeti!

Malaquías 1:4

Esaú chachana wawanacapa Edomita jakenacatejj sapjjaspajja: ‘Jiwasasti t'unjataw uñjastan, ucampisa wasitatwa marcasjja sayt'ayañäni’ sasa. Take ch'amani Diosasti aqham saraquispawa: “Jupanacasti wastat marcanacap sayt'ayasipcpan, ucampis nayajj wasitatwa t'unjaraquëjja. Ucatsti marcapajj: ‘Juchan phokt'at marca’ satäniwa; orakenacapasti ‘Diosan wiñayataqui colerasitapa orake’ sataraqui.”

Deuteronomio 28:33

Yapunacaman cosechanacapa uqhamaraqui take irnakañaman achunacapjja jan uñt'at jakenacaw mank'antapjjani, ucatsti t'akhesiyata jan walin uñjatapuniw sarnakäta.