Jeremías 5:15 - Qullan Arunaca

¹⁵ Tatitojj siwa: “Israel, jumataquisti mä jayat jutir marca apayanï, wali ch'amani marca, uqhamaraqui nayratpacha utjir marca; jumasti parlatanacapjja janiw yatctati, cuntejj sapcani ucsa janiw amuyt'caraquïtati.

Aymar Bibliia 1986

¹⁵ Tatitojj siwa: “Israel, jumataquisti mä jayat jutir marca apayanï, wali ch'amani marca, uqhamaraqui nayratpacha utjir marca; jumasti parlatanacapjja janiw yatctati, cuntejj sapcani ucsa janiw amuyt'caraquïtati.

Qullan Arunaka DC

¹⁵ Tatitux siwa: “Israelitanaka, jayat jutir marka jumanakatak apayanï, wali ch'aman marka, nayratpach utjir marka. Jumanakax parlap janiw yatipktati, kuntix sapki uksa janiw amuyt'apkaraktati.

Jeremías 5:15 Jak'a apnaqawi uñst'ayäwi

Génesis 11:7

Parlanacap mayjt'ayir jichhajj sarakañäni, uqhamat jan jupanaccama cuna parlatanacapsa amuyasipjjañapataqui” sasa.

Salmos 81:5

Josean sarnakañapatac utt'ayatänwa, Egipto oraket mistcän ucapacha. Nayajj jan uñt'at aru ist'äyäta:

Isaías 28:11

Waliquiw jichhajja, janitejj ist'asipjjätajja, yakha arunacat yatichatäpjjätawa, jan uñt'at arunacata, Diosas uca marcarojj parlcaspa uqhama.

Isaías 29:3

Ejercitojjwa qhitanïma jumar muyuntañapataqui, jumarusti mä perkampjamaraquiw muyuntayäma, nuwantaña chekanac jumataquejj waquicharaquï.

Isaías 33:19

Janiw juc'ampi ñankha jakenac taypin jaccjjätati, parlanacapas jan amuyañjama, mayjaru quitthapita jan amuyt'cayaraqui.

Isaías 39:3

Ucatwa Isaías profetajj Ezequías reyin ucaru saräna, ucatsti jisct'araquïnwa: —¿Cawquitsa uca jakenacajj jutapjjatayna, camsapjjaractamsa? —sasa. Ezequiasasti saraquïnwa: —Jaya marcatwa jutapjje, Babiloniatpacha jutapjje —sasa.

Isaías 5:26

Tatitusti mä wiphalwa apti, jayanquir marcarusti qhuyt'asaraquiw jawsi; wali jaya oraketpachwa jutayaraqui. Ucspacharaquiw juti, mäquiw puriniraqui;

Isaías 5:7

Take ch'amani Tatitun uva yapupajja, suma munat yapupajja, Israel marcawa, Judá marcawa. Tatitusti jupanacatjja munaraquïnwa leyipajj ajjsaratäñapa, ucampisa jake jiwayañanacacwa jicjjatejja; cheka luräwinacwa suyaraquïnjja, ucampisa t'akhesiñat warariñanacacwa jicjjataraquejja.

Jeremías 1:15

Naya Tatituw ucjja arsta, amsta tokenquir take reinonacaruw jawsaraquëjja. Reyinacapasti jutasinjja, pachpa Jerusalén marca mantañaruw trononacapjja uscusipjjani, take perkanacapajj muyuntquis uca uñcatasiru, uqhamaraqui Judá oraken utjiri take marcanaca nayrakatarusa.

Jeremías 2:26

“Cunjämatejj lunthatajj catjatajj wal p'enkasejja, uqhamaraquiw Israelajj p'enkasini, jakenacasa, reyinacasa, jilïrinacasa, sacerdotenacasa, profetanacasa.

Jeremías 25:9

Jichhajj amsta tokenquir take marcanacaruw jawsayä, uqhamaraqui Nabucodonosor sirvirejjarusa, jupasti Babilonia oraken reyipawa, jupanacajj jutasin aca marcaru nuwjapjjañapataqui, take jakenacaru uqhamaraqui take jac'anquir marcanacarusa. Ucanacarusti k'alpunwa t'unjäjja. Jupanacarusti wiñayataqui t'unjataruw tucuyä, sustjascaña, ajjsarcañwa tucuyaraquëjja.

Jeremías 4:16

“Marcanacaru, Jerusalén marcarusa yatiyapjjam, mä jaya marcatwa uñisirinacajj jutantapjje nuwasiñataqui arnakt'asisa, Judá orakenquir marcanac toke.

Jeremías 5:11

¡Israelampi, Judämpejj nayarojj sallkjapjjetuwa! Naya Tatituw ucjja arsta” sasa.

Jeremías 6:22

Tatitojj siwa: “Amsta toketa jaya orakenacatpachwa, mä ch'amani marcajj jutantañataqui waquichasisqui.

Jeremías 9:26

Egipto, Judá, Edom, Amón, uqhamaraqui Moab orakenacarusa, take wasara token utjirinacarusa, qhitinacatejj paranacapa qhithurasipqui ucanacarusa. Take uca marcanacasti, uqhamaraqui Israel marcasa, chuymanacapanjja janiw Diosar uñt'apquiti.”

Ezequiel 18:31

Cuna ñankhanactejj naya nayrakatan lurapcta ucanacsti mäpita apanucupjjam, mä machaka chuymani, mä machaka ajayuni tucupjjaraquim. Israel marca, ¿cunatarac jiwascätasti?

Daniel (hebreo) 1:4

wali suma uñnakt'ani waynanac irpsuniñapataqui, jan cunansa camacht'ata, ch'iqhi, uqhamaraqui wali suma yatichata, take cunsa yatirinaca, reyin palaciopan sirviñataquisa waquichatäpjjañaparaqui, uca casta waynanaca. Jupanacaruw caldeonacan arunacapajja, yatiñanacapasa yatichatäni.

Daniel (hebreo) 7:7

“Unañchäwejjan pusïri animal uñjcta ucasti sinti ajjsarcañapunïnwa, sustjascaña, uqhamarusa wali ch'amaniraqui. Laca ch'aqhanacapasti hierrocamaquïnwa, wali jach'anacaraqui; take cunwa mank'antäna, tucjaraquïna, jilt'anacsti taquisiraquïnwa. Take uca mayni animalanac uñjcta ucanacat sipansa mayjapunïnwa, p'ekepansti tunca wajjranacaniraquïnwa.

Amós 6:14

Uqhamajja, israelitanaca, sum amuyt'asipjjam; take ch'amani Diosajj siwa: “Nayasti sartayäwa mä marcaru jumanac contra, ucaw jumanacarojj t'akhesiyapjjätamjja, amstata kalltasa aynacha toker tucuyasa.”

Habacuc 3:16

Take ucanac ist'asajja ajjsarayastwa: janiw cunas arsuñjamäquiti; cayunacajjas janiw sayt'asiñataquejj ch'amanïcjjeti, take cuerpojjas janiraquiw ch'amanïcjjeti. Uqhamäquipansa, jan ajjsarañampiw suyt'äjja, cuna urutï Diosajj llaquisiñaru uchcani, jiwasanacaru t'akhesiyiri ejercitonacaparu.

1 Corintios 14:21

Tatitun arunacapanjja siwa: “Aca marcarojj jan uñt'at arunacata yakha jakenacampiw parlayäjja, ucampis janiw nayarojj ist'apquitaniti, siw Tatitojja.”

Deuteronomio 28:33

Yapunacaman cosechanacapa uqhamaraqui take irnakañaman achunacapjja jan uñt'at jakenacaw mank'antapjjani, ucatsti t'akhesiyata jan walin uñjatapuniw sarnakäta.

Deuteronomio 28:49

Diosasti aca oraken jaya nacionatwa juma contra sartayani, cunjämas mä pacalejj janc'aqui jaltanejj uqhama, cawquïri marcan parlasïwiptejj jan yatcta;