Jeremías 49:36 - Qullan Arunaca

³⁶ Pusi toketpachwa aca marcataquejj thaya thayt'ayanï, uqhamat take tokeru ananucuñataqui, jan marcanacajj juc'ampi utjcjjañapcama, cawqharutejj imantasiñ muniri jakenacajj purinipcaspa uca.

Aymar Bibliia 1986

³⁶ Pusi toketpachwa aca marcataquejj thaya thayt'ayanï, uqhamat take tokeru ananucuñataqui, jan marcanacajj juc'ampi utjcjjañapcama, cawqharutejj imantasiñ muniri jakenacajj purinipcaspa uca.

Qullan Arunaka DC

³⁶ Pusi tuqitpach Elam markatakix jach'a ejercitonak khithanï, mä jach'a thayampjamaw taqi tuqir ananukuyä; janiw mä markas jilt'kaniti kawkharutix elamitanakax jan imantasipkaspa ukaru.

Jeremías 49:36 Jak'a apnaqawi uñst'ayäwi

Salmos 147:2

Tatituw Jerusalenarojj wasitat sayt'ayi, Israel marcat ananucutanacarusti tantachthapiraqui.

Isaías 11:12

Marcanacataquisti mä unañchäwi ucharaquini, jaya marcar apayat israelitanacarusti tantachthapjjaraquiniwa; amstata, aynachata, inti jalsu toketa, uqhamaraqui inti jalanta toketsa mayjaruw tantacht'jjaraquini, qhitinacatejj Judá marcatjja jayancapcän take ucanacarojja.

Isaías 27:13

Uca urunwa mä jach'a trompetajj phust'asini, qhitinacatejj Asiria marcan chhaktatäpcän ucanacajj, uqhamaraqui Egiptor apayatäpcän ucanacasa, Tatitur yupaychiriw jutapjjani Jerusalenana, kollana kolluna.

Isaías 56:8

“Nayaw cuttayanjjä tantachthapjjaraquï, qhitinacatejj jayan apanucutäpcän ucanacarojja.” Ucwa Tatitojj arsu, qhititejj willitatatäpcän uca israelitanacaru mayjaru tantachthapqui ucajja.

Jeremías 30:17

C'umar sarnakasiñ cuttayjjaraquïma, chhojjrinacamjja nayaw kolljjäma, uñisirinacamajj kawkhas parlascpan. ‘Sionajj apanucutawa, janiw qhitis jupatjja llaquiscjjeti’ sasa. Naya Tatituw ucjja arsta.”

Jeremías 49:32

¡Camellonacapsa, take uywanacapsa aparapjjaraquim! Take tokeruw jupanacjja anatataraquï, uca p'eke parapat ñic'uta murusir marcarojja; take toketwa jupanacataquejj jan walt'añanaca apaniraquï. Naya Tatituw ucjja arsta.

Ezequiel 5:10

Jumanac taypinsti yakhepa jakenacajj pachpa wawanacaparuw mank'antasjjapjjani, uqhamaraqui yakhepa wawanacajj awquinacaparuw mank'antjjapjjani. Cuntejj juma toke arscta ucsti phokhapunïwa, qhitinacatejj jilt'apcani ucanacsti take tokeruw ananucuraquï.

Ezequiel 5:12

Jakenacamatsti mä chicatajj usunacampiw jiwarapjjani, aca pachpa marca mankhanwa mank'atjama jiwarapjjaraquini, chicata jakenacasti cawquïri uñisirinacatejj muyuntapctam ucanacan jiwarayataw uñjasipjjaraquini, ucat jilt'iri chicatasti take tokeru ananucutaraquïniwa. Ucanacan khepapsti nayaw sararaquï mä espadas ayt'ata.

Daniel (hebreo) 11:4

Cunapachatejj jupajj suma utjnokatäjjani, ucapachaw jupan reinopajj t'unjata uqhamaraqui pusiru t'akjata uñjasiraquini. Uca reyin munañanïñapasti janiraquiw wawanacaparu churatäcaniti, uqhamarusa reinopajj janiw nayrjama wali ch'amanïcjjaniti, niyaquejjay t'akanokata uñjaschinejja, ucatsti yakhanacaraquiw jupa lanti apnakjjapjjaraquini.

Daniel (hebreo) 8:22

Cawquïri pusi wajjranacatejj mistuncaraquïna nayrïri wajjran p'aquisitapata, ucasti sañ munaraqui aca reinotjja pusi yakha reinonacaw misturaquini, ucampisa janiw kalltiri reinocänjja uqhama ch'amanïcaraquiniti.

Daniel (hebreo) 8:8

“Uca cabritosti wali ch'amanipuniw tucjjäna, uqhamäquipanwa uca jach'a wajjrapajj p'aquisjjäna, uca p'aquita wajjra lantisti pusi wajjranacaw jilsuranïna, uca pusi wajjranacasti amstaru, aynacharu, inti jalanta, inti jalsu tokeru uñtatänwa.

Amós 9:9

Arsuraquïwa Israelan utapajj jawk'sutäñapataqui, cunjämatï jan mä trigo oraker jalaktayasa susuñat susutäquejj uqhama.

Zacarías 6:5

Angelasti saraquituwa: —Acanacajja pusi thayanacawa, ucasti mistuniwa take acapachan Tatitupan nayrakatapata.

Deuteronomio 28:25

uqhamaraqui uñisirinacaman tucjatäñamcama. Jumasti uñisirimarojj suma formt'ataw nuwantascäta, ucampis janiw amtascätati cunjäm jaltjjatamsa, ucatsti take acapachan jaquir jakenacataquejj ajjsarañjamaraquïyätawa.

Deuteronomio 28:64

Diosasti take marcanacaruw ananucütam mä thiyat mä thiycama, ucansti yakha diosanacaruw yupaychäta, lawata, kalata, lurat diosanacaru, cawquïrtejj ni awquimasa ni jumasa uñt'apcta ucanacaru.

Apocalipsis 7:1

Ucatsti uñjaractwa pusi angelanacaru. Jupanacasti aca orakena pusi esquinapjjaru sayt'atäsipcänwa, uqhamarac uca pusi esquinat thayanaca jarc'asipcäna jan cuna thayas aca orakjjaru thayt'aniñapataqui, ni jach'a kotanacjjarusa ni kokanacjjarusa.