Jeremías 49:29 - Qullan Arunaca

²⁹ Carpanacapsa, uywanacapsa, lonanacapsa take yänacapsa catuntasipjjaraquim. Camellonacapsti anarapjjam, art'apjjaraquim: ‘Take chekansa ajjsarañaquiw utjasqui’ sasa.

Aymar Bibliia 1986

²⁹ Carpanacapsa, uywanacapsa, lonanacapsa take yänacapsa catuntasipjjaraquim. Camellonacapsti anarapjjam, art'apjjaraquim: ‘Take chekansa ajjsarañaquiw utjasqui’ sasa.

Qullan Arunaka DC

²⁹ Chhujllanakapsa, uywanakapsa, taqi yänakapsa katuntasipxam. Camellonakap aparapxam, jach'at art'asin mulljapxam: ‘¡Taqi chiqansa axsarañakiw utjaski!’ sasa.

Jeremías 49:29 Jak'a apnaqawi uñst'ayäwi

Génesis 37:25

Ucjjarusti mank'asiñataquiw kont'asipjjaraquïna. Uqhamäquipanwa uñjapjjän mä viajero jakenac jutasquiri, ucanacasti ismaelitanacänwa, Galaad toketwa jutasipcaraquïna, camellonacatsti suma k'apquir perfumenaca, bálsamo, mirra ucanaca Egiptor apasipcaraquïna.

Job 1:3

Jupajj pakallko waranka ovejanacanïnwa, quimsa waranka camellonacani, pheska pataca yunta vacanacani, pheska pataca asnonacani, walja uywatanacaniraquïnwa. Jupasti inti jalsu tokenquir jakenacatjja wali kamirïnwa.

Salmos 120:5

¡Ay cunaquïcta nayajja, Mesec chekan jaya jakjam apanucutätwa, Cedar chekan ch'ujllan jacaracta!

Salmos 31:13

Jakenacan c'achhat parlasitanacap ist'twa, take cunaw ajjsarayitu; mayar tuct'asaquiw nayar aynacht'ayañataquejj amuyt'apjje, ¡nayar jiwayañataquiw amtapjjaraqui!

Isaías 13:20

Janipuniw jakejj ucanjja juc'ampi utjcjjaniti, janipuniw qhitis ucan juc'ampi jacjjaniti. Arabe jakenacajj janiw mayampsa ucar purisajj carpanacap sayt'ayascjjapjjaniti, janiraquiw awatirinacas uywanacapjja ucan samart'aycjjapjjaniti.

Isaías 60:7

Cedar tokenquir take uywa tamanacasti jumancamaquïniwa, Nebaiot chekanquir orko ovejanacasti juman ampalaymincaraquiniwa, uqhamat Tatitun altaraparu loktañamataqui mä suma ofrendar uñtata, jupasti suma templopjja juc'ampi sumwa tucuyani.

Jeremías 10:20

Campamentojjasti k'ala t'unjatawa, take chinüñanacapas t'akaratcamaquiraquiwa. Wawanacajjas apanucuwayjjapjjaquiraquituwa, ¡janiw jacjjapjjeti! Janiraquiw qhitis wasitat carpanacajj sayt'ayirejj utjquiti, ni qhitis lonanaca janatatirejj utjquiti.” Profeta:

Jeremías 4:20

Jan walt'añanacat yatiyäwinacaw puriniraqui; take marcpachaw jichhajj t'unjataraqui. Campamentonacajjas acatjamat t'unjataw uñjasipjje, carpanacajjas k'ala t'unjatapuniwa.

Jeremías 46:5

“¿Ucampisa, cunsa uñjtjja? Wali ajjsarasaw kheparu jittapjje. Guerran nuwasiri jakenacapasti atipjataw chhuqhunucjjapjje, jan khepar uñtasaw jalsuwayjjapjje. ¡Take chekansa ajjsarañaw phokhanti! Naya Tatituw ucjja arsta.

Jeremías 49:24

Damasco marcasti jan ch'amani, jaltjjañacwa amtjje. Ajjsarañampi, llaquisiñampi, usuyasiñampiquiw apnakjjaraqui, partompi k'ewisir warmirjama.

Jeremías 49:5

Jichhajj waliquiwa, nayaw jumanacjjarojj jan walt'añanac take toket apayanï. Naya take ch'amani Tatituw ucjja arsta. Jumanacatjja sapa mayniw jalacamaqui mistuwayjjapjjani, janiw jumanacaru qhiti tantachthapiris utjcaraquiniti.

Jeremías 6:25

¡Jan pampa tokeru mistupjjamti. Jan thaquinacaru sarapjjamti! ¡Uñisirisajj wali armantatawa, take chekansa ajjsarañaquiw utji!” sasa.

Habacuc 3:7

“Nayajj uñjtwa Cusán orakenquir jakenacarojj t'akhesiñaru puripjjatapa, uqhamaraqui Madián orakenquir jakenacarusti ajjsarañat qhathatipjjatapa.

2 Corintios 4:8

Jan walt'añanacajj take toket muyuntapcchitu ucqhasa, janipuniw atipjayasipcti, llaquisiñanacas wal utjcchejja, janipuniw k'ala aynacht'atäpcti.

2 Corintios 7:5

Macedoniar purinipcta ucqhatpachjja janiw samarapcti, jan ucasti take chekana ucqhan, acqhana jan walt'añanacjja jicjjatapjjta. Nanacarusti jan walt'añanacaraquiw muyuntapjjetänjja, chuymanacajjansti ajjsarañanacaraqui.

Jueces 6:5

Jupanacasti utanacapampi, uqhamarac walja uywanacapampi jutasinwa take cunanaca tucjayapjjäna. Walja camellonacampi jutasinsti, walja t'ijut'ijunacjamaw jutapjjäna.

Jueces 7:12

Ucampis madianitanaca, amalecitanaca, uqhamarac inti jalsu toket jutir jakenacasa valle chekanjja t'ijut'iju lak'onacjamaw aywitatapjjatayna. Jupanacan camellonacapasti waljapunïnwa, kota thiya ch'allaru uñtata.

Jueces 8:21

Ucampis Zebampi, Zalmunampejj, Gedeonarojj sapjjaraquïnwa: —¡Jumay nanacaru jiwarayapjjetajja! Uqhamatwa mä jakena jan ajjsarirïtapajj yatisi —sasa. Ucatsti Gedeonajj sartasinwa jiwarayi, uqhamaraqui Zeba, Zalmuna ucanacan camellonacapan cuncapan adornonacajj uchatäcäna ucanacsa catuntasiraqui.

Jueces 8:26

Take uca kori surtijanacajj apthaptänwa tunca llätuncan kilonaca. Ucarusti janiw jaqhutäcänti adornonacasa, ni joyanacasa, ni wila k'ellu telanacata Madián chekanquir reyinacajj uchasipcän uca telanacasa, uqhamarac ni camellonacan cuncapana uchatäcän uca adornonacasa.