Jeremías 49:25 - Qullan Arunaca

²⁵ Takeninsa jach'at uñt'at marcajja, cusisit marcajj, apanucutawa.

Aymar Bibliia 1986

²⁵ Takeninsa jach'at uñt'at marcajja, cusisit marcajj, apanucutawa.

Qullan Arunaka DC

²⁵ Taqinin jach'at uñt'at markax, kusisit markax, jichhax apanukutaw uñjasi.

Jeremías 49:25 Jak'a apnaqawi uñst'ayäwi

Isaías 1:26

Jichhasti, cunjämäcäntejj nayra juezanacamajj uc churjjaraquïma, amuyt'ayirinacamasti kalltanjamäjjaraquiniwa. Take ucanac lurcä uca khepatsti sapjjaraquïtamwa: ‘Asqui lurir marca’ ‘Cheka marca’ sasa.

Jeremías 33:9

Jerusalenasti nayataquejj cusiscañäniwa, sumana uñjata, jach'achataraqui take marcanac nayrakatana aca orakenjja. Cunapachatejj jupanacajj ist'apjjani, cuna asquinactejj Jerusalenanquir jakenacjjaru apancä uqhamaraqui jach'aptañanacsa, churcäjja ucapachan uca yakha marcanacajj ajjsarañat qhathatipjjani.”

Jeremías 48:2

Moab marcan jach'a honorapasti tucusjjewa, Hesbón chekanwa uñisirinacapajj cunayman amtasipqui Moab marcajj, marcpacha chhaktjjañapataqui. Madmén, jumas tucjataraquiw uñjasïta, guerrasti jumjjarojj jutapuniniwa.

Jeremías 48:39

¡Moab marcatjama jaqhusipjjam! ¡Cunja ajjsarcañas uca marcajja! ¡Mä p'enkaw khepäjja uñtaraqui! Ajjtascaña, jisc'achcañaraquiw marca jac'anacapataquisa tucuraqui.

Jeremías 51:41

¡Take aca orakpachan wali sumat uñt'ata Babilonia marcajj aynacht'iwa, catuntataraquiwa! ¡Cunjämsa marcanacajj jupar uñjasajj wali sustjasipjje!

Daniel (hebreo) 4:30

ucapachaw jupajj säna: “Uñjapjjam, cunja jach'as Babilonia marcajja. Nayaw jach'a munañajjampi reinojjan jach'a marcapäñapataqui uqham lurayta, uqhamat nayan jach'a cancañajjat yatipjjañapataqui” sasa.

Apocalipsis 18:10

Jayaruraquiw jithektjjapjjani, uca mutuñapar ajjsarasa, ucatsti sapjjaraquiniwa: “¡Ay! ¡Babilonia jach'a marca, cunaruraqui purtasti! ¡Janc'aquiraquis mutuyäwimajj purinejjä!” sasa.