Jeremías 49:12 - Qullan Arunaca

¹² Tatitusti siwa: “Qhitinacatejj jan mutuyäwi catokapjjchïn ucanacatejj mutuñapa mallt'apjjchi ucqhasti, janiw jumajj jan mutuyäwi catokasa kheparcaraquïtati, jan ucasti mutuyäwimjja catokapunïtawa.

Aymar Bibliia 1986

¹² Tatitusti siwa: “Qhitinacatejj jan mutuyäwi catokapjjchïn ucanacatejj mutuñapa mallt'apjjchi ucqhasti, janiw jumajj jan mutuyäwi catokasa kheparcaraquïtati, jan ucasti mutuyäwimjja catokapunïtawa.

Qullan Arunaka DC

¹² Tatitux siwa: “Khitinakatix mutuyäwi jan katuqañapäkasin mutuñapa mallt'apxchi ukkhasti, jumax janiw jan mutuyatax qhiparkätati, jan ukasti mutuyäwim katuqapunïtawa.

Jeremías 49:12 Jak'a apnaqawi uñst'ayäwi

Proverbios 17:5

Qhititejj pobre jaketa sawcasqui ucajja, jupan luririp Tatituruw jan wal lurasqui; qhititejj jake masipan aynacht'atapata larusqui ucajja, mutuyataw uñjasini.

Jeremías 25:15

Israelan Tatitu Diosapasti saraquituwa: “Uñjam aca copajja colerasiñajjampejj vinompi phokhantatjamawa. Jichhajj catum ucatsti cawquïri marcanacarutejj nayajj qhitcäma ucanacaru churam umantapjjañapataqui.

Jeremías 30:11

Naya Tatituw ucjja arsta, nayaw jumampïscta, jumar khespiyañataquejja. Cawquïr marcanacarutejj ananuccayäsma uca marcanacsti t'unjaraquïwa, ucampis jumarojj janiw t'unjcämati, jan ucasti juchamatjamacwa mutuyäma, juchamatsti mutuyapuniraquïmawa.”

Jeremías 46:27

“Jan ajjsaramti Jacobon marcapa, nayan uywatajja; Israel, jan ajjsaramti. Jumampiru, wawanacamampirojja nayawa khespiyapjjäma, uca jaya marcata, cawquirutejj apayatäpcta ucata. Wasitatwa sumaqui jacasjjaraquïta, c'uchiqui, jan qhitinsa sustjataw jacasjjaraquïta.

Abdías 1:16

cunjäma c'allc'ücäntejj jumanacan umañamajj nayan kollana kollojjanjja, uqhama c'allc'uraquïniw yakha marcanacan umañapajja, jupanacasti juc'at juc'atwa umantapjjani; ucatsti takeniraquiw tucusipjjani.

Mateo 20:22

Jesusasti ucjjarojj saraquïnwa: —Jumanacajj janiw yatipctati cuntejj mayipctas ucjja. ¿Cawquïr c'allc'u umtejj umt'cä ucjja umt'apjjasmati ucs catokapjjaraquismati? Jupanacasti sapjjänwa: —Lurapjjeristwa —sasa.