Jeremías 49:10 - Qullan Arunaca

¹⁰ Ucampisa nayajj Esaú marcarojj jan cunani jaytaractjja, imantasitanacapsa khanaruw apsuractjja, janiraquiw juc'ampi imantascjjaspati. Wawanacapasa, familianacapasa, uta jac'anacapasa, takeniw t'unjatäpjje; janiraquiw maynis kheparcjjeti aqham sañataquejja:

Aymar Bibliia 1986

¹⁰ Ucampisa nayajj Esaú marcarojj jan cunani jaytaractjja, imantasitanacapsa khanaruw apsuractjja, janiraquiw juc'ampi imantascjjaspati. Wawanacapasa, familianacapasa, uta jac'anacapasa, takeniw t'unjatäpjje; janiraquiw maynis kheparcjjeti aqham sañataquejja:

Qullan Arunaka DC

¹⁰ Ukampis nayax Edom markar jan kunan jaytä, imantasiñanakapsa katjäwa, janirakiw imantasirjamäpkaniti. Wawanakapasa, wila masinakapasa, uta jak'anakapasa, taqiniw jiwarapxani; janiw maynis qhiparkxaniti akham sañatakixa:

Jeremías 49:10 Jak'a apnaqawi uñst'ayäwi

Salmos 37:28

Tatitojj asqui cancañar muniriwa, arquirinacaparojj janiw jaytanucquiti. Jucharar jakenacarusti tucjiwa, allchhinacaparus tucusiyaraquiwa.

Isaías 17:14

Arumthapirojj ajjsarañjamänwa, ucampis khantatirojj janiw cunas utjcjjeti. Uqhamaw tucusi jiwasar lunthatjirinacajja, uqhamaraqui jiwasar jan walt'ayirinacasa.

Isaías 45:3

Nayaw jumarojj cunanacatejj imantatäqui uca yänac catuyäma, cuna kamir cancañanacatejj jamas chekanacan imantatäqui ucanaca catuyäma, uqhamat yatiñamataqui nayan Tatitütajja, Israelan Diosapa qhititejj sutimat jawsctam uca.

Jeremías 13:26

Nayasti jumarojj k'alalsuyaraquïmawa, ucat mä p'enka irpnakaraquïma.

Jeremías 23:24

¿Qhitis nayan nayräjjatjja imantasispajja? Alajjpachasa, acapachasa nayampi phokhantatawa. Naya Tatituw ucjja sista.

Lamentaciones 4:22

Sión marca, mutuyatamajj phokhasjjewa; Tatitojj janiw juc'ampi apanucuycjjätamti. Ucampisa Edom marca, jucha luratamatjja mutuyapunïtamwa, juchanacamsa khanaruw apsuraquini.

Amós 9:3

Carmelo kollu patarus imantasisipcpan, ucacamas sararaquiquïwa thakerejja; nayrakatajjattejja kota mankharu imantasipjjanejja, nayasti qhitaraquïwa mä jach'a lak'oru tucjaniñapataqui.

Abdías 1:6

¡Cunjämsa saqueyjapjjtamjja, Esaú! ¡Imasitanacamsa k'alpun jan mayani lunthatsupjjtamjja!

Abdías 1:9

Temanan guerran nuwasir jakenacapasti ajjsarañatsa qhathatipjjaniwa, Esaun kollunacapansti takeniw jiwarayatäpjjani.