Jeremías 48:40 - Qullan Arunaca

⁴⁰ Tatitojj siwa: “Moab marcan uñisiripajj jupataquiw jutanti chhekha janatatata allkamarir uñtata.

Aymar Bibliia 1986

⁴⁰ Tatitojj siwa: “Moab marcan uñisiripajj jupataquiw jutanti chhekha janatatata allkamarir uñtata.

Qullan Arunaka DC

⁴⁰ Tatitux siwa: “Moab markan uñisiripax jutantiwa, chhiqhas janatatat jach'a pakar uñtataw jutanti.

Jeremías 48:40 Jak'a apnaqawi uñst'ayäwi

Proverbios 30:19

pacan alto chekan tuynakatapa, asiruna karka patan sarnakatapa, mä barcona jach'a kotana saratapa, mä chachajj warmimpi sarnakataparaqui.

Isaías 11:14

Panpachaniraquiw inti jalanta toker sarapjjani ucatsti filisteonacar khepäjjat liwinucupjjaraquini; inti jalsu tokenquir marcanacarusti panpachaniw kamir cancañapjja aparapjjani. Jupanacan ch'amanacapasti Edom, uqhamaraqui Moab sisqui ucacamaw purini, amonitanacarusti jupanacaw apnakapjjaraquini.

Isaías 8:8

Judá orakcamaw pasaraquini, chhaktayaraquiniwa, umacamaquiraquïniwa, cuncacamaraquiw purini. Chhekha ayatatata jamach'jamäniwa, Emanuel, orakemjja k'al chhaktayaraquini.”

Jeremías 4:13

“Uñtapjjam, uñisirinacajj mä kenayjamaw jutanti, nuwasiñ carronacapasti mä jach'a thayjamaw jutantapjje, caballonacapasti jach'a jamach'inacat sipansa juc'ampi jalapjje. ¡Cunaquïcan jiwasataquejja, jichhajj k'ala tucusitätanwa!

Jeremías 49:22

Bosra marcarusti uñisiripajj cunjämatejj mä siwek'arajj chhekha janatatasa mä jisc'a animalar thokjjatejj uqhamaraquiw thokjjatani. Uca urusti Edom marcanquiri guerrar sarir jakenacasti partompi k'ewisir warminacjamaw qhathatipjjaraquini.”

Lamentaciones 4:19

Jiwasar arcnakerinacasti alajjpacha jach'a pacanacat sipansa juc'ampi jaltirïpjjewa; kollunacanwa arcnakestu, ¡wasaransti sipitanaca jiwasataquejj uchantaraqui!

Ezequiel 17:3

Ucatsti saraquim: ‘Aqham siw Tatitojja: Mä jach'a pacaw Líbano kollurojj purini, chhekhanacapasti sinti jach'anacänwa, cunayman casta color phuyunacaniraquïnwa. Cedro sat lawa acht'ataraquiwa,

Daniel (hebreo) 7:4

Kallta animalasti mä leonar uñtatänwa, mä siwik'ara sat jamach'in chhekhapat chhekhapanjamänwa. Nayajj uqhamaw uca animalaru uñch'uquiscäyäta, uqhamaruw chhekhanacapjja jiq'ekapjjäna, oraket aptasinsti khepäjja cayunacapjjaruw sayt'ayapjjäna, mä jakëcaspas uqhama lejjwipasti mä jaken lejjwipäcaspas uqhamaw tucuwayjjaraquïna.

Oseas 8:1

“Trompetam phust'am uñjir centinelajj phust'qui uqhama, Tatitun marcapjjaru. Jupanacajj arust'äwejjarojj p'aquintapjjewa, ucatsti yatichäwejj contraraquiw sayt'asipjje.

Habacuc 1:8

Caballonacapasti leopardo sat animalanacat sipana juc'amp jalirinacawa, uqhamarac wasaranquir mank'at awtjat lobonacat sipansa juc'ampi khorüpjjaraquiwa. Caballjjat jalirinacapasti jach'a tamar tucusaw jalapjje, jayatpacharacwa tutuct'apjjaraqui caturpayañataqui, cunjämatï pacajj catjañatac thokjjatquejj uqhama.

Deuteronomio 28:49

Diosasti aca oraken jaya nacionatwa juma contra sartayani, cunjämas mä pacalejj janc'aqui jaltanejj uqhama, cawquïri marcan parlasïwiptejj jan yatcta;