Jeremías 48:37 - Qullan Arunaca

³⁷ P'eke ñic'utanacapasa mururatcamaquiwa, sunqhanacas mururatawa; takeniw amparanacapa qharirasipjjatayna, chhanqha isinacampi isthapitcamaquïpjjaraquiwa.

Aymar Bibliia 1986

³⁷ P'eke ñic'utanacapasa mururatcamaquiwa, sunqhanacas mururatawa; takeniw amparanacapa qharirasipjjatayna, chhanqha isinacampi isthapitcamaquïpjjaraquiwa.

Qullan Arunaka DC

³⁷ P'iqi ñik'utanakapas mururatkamakiwa, sunkhanakapas khithuratkamakiwa; taqiniw amparanakap chhuxriñchjasipxi, chhankha isinakampiw isthapisipxaraki.

Jeremías 48:37 Jak'a apnaqawi uñst'ayäwi

Génesis 37:29

Rubenajj phuch'ur cuttanjjän ucqhasti janiw Josearojj ucan jicjjatcjjänti, ucat isipa ch'iyanokasïna llaquisitap uñacht'ayañataqui.

Génesis 37:34

Ucatsti Jacobojj isipa ch'iyanokasisajja, lutt'asïnwa; jaya tiemporaquiw wawapatjja jachäna.

1 Reyes 18:28

Jupanacasti arnakasipcaquïnwa, uqhamarac cuchillompisa, lancetampisa qharinokasipjjäna, cunjämatï jupanacajj lurapjjerïcäna uqhama, wilamayjtaqui lurjasiñcama.

1 Reyes 21:27

Cunapachatï Acab reyejj take uca arunaca ist'äna ucqhajja, isipjja ch'iyanokasïnwa, ucatsti chhanqha isinacwa uchasïna, uqhamarac ayunaraquïna. Uca isimpiraquiw iquiraquïna, wali llaquitaw sarnakaraquïna.

2 Reyes 6:30

Reyisti uca warmina arunacapa ist'asinjja, isinacapjja ch'iyanokasïnwa colerasiñapa uñacht'ayañataqui. Jupasti perka patancascänwa, ucatsti jakenacajj uñjapjjänwa k'ara janchiruqui chhanqha isimpi isthapitätapa.

1 Crónicas 19:4

Ucatsti Hanún chachasti Davidan oficialanacaparojj catuntayänwa, ñic'utapjja qhuchhurayänwa, uqhamarac isinacapsa aynach tokerojj K'alwa ch'iyarapjjäna. Ucatsti qhitanucjjapjjaraquïnwa.

Isaías 20:2

Ucapacharaquiw Tatitojj Amoz chachan Isaías yokaparu parlaraquïna, aqham sasa: “Apsusim uca chhanqha isi, cunampitejj ist'atäcta uca, uqhamaraqui sapatonacamsa thatsusiraquim.” Isaíasasti uqhamwa luri, k'alalsusiwa ucatsti sapatsusiraquiwa.

Isaías 3:24

Uca perfumenac lantisti utjaraquiniwa cunayman usunaca; cinturón lantisti utjaraquiniwa wisqhanaca, uca suma asquicht'ata p'eke lantisti utjaraquiniwa, p'eke k'ara sarnakañanaca, uca suma isinacap lantisti, utjaniwa chhanqha isinaca, uca suma ajanupan uñnakatap lantisti, parintat hierrompi chimpt'atäniwa.

Isaías 37:1

Cunapachatejj Ezequías reyejj uca arunac ist'än ucqhajj, isinacapwa ch'iyarasïna, llaquisitap uñacht'ayañataqui, ucasti mä chhanqha isimpi isintasisaw Tatitun temploparu sarawayäna.

Jeremías 16:6

Jisc'as jach'as takeniw jiwarapjjani aca marcanjja, janiraquiw qhitis jupanacarojj imcaniti ni jachapcaraquinisa, ni janchinacapsa chhojjriñchasipcaniti, ñic'utanacapsa mururasipcaraquiniti jupanacan jiwarapjjatap laycojja.

Jeremías 41:5

ucapachasti Siquem, Silo, Samaria tokenacatjja quimsakallk tunca jakenacaw purintanipjjäna, sunqhanacapasa mururata, isinacapasa ch'iyanokataraqui, uqhamaraqui janchinacapasa k'ala chhojjriñchjataraqui uqhämsti jupanacpachaw lurasipjjatayna. Uqhamarus granonaca, inciensonaca apanipjjäna Tatituru loktañataqui templona.

Jeremías 47:5

Gaza marcanquir jakenacajj ñic'utanacap k'al mururasipjje, Ascalón marcanquiri jakenacasti amutuquiw kheparjjapjjaraqui. Nayrapacha jach'a jakenacat jilt'iri, ¿cunapachcamas jumajj janchim qharinokasïta, usuyasitam uñacht'ayañataqui?

Jeremías 49:3

“Hesbón, aykom jumajja, Hai marcan t'unjatätapata. ¡Rabá marcanquiri warminaca, jaqhusipjjam jumanacajja! ¡Ch'iyanokat isimpi ist'asipjjam, chuymanacama lek'esipjjaraquim! ¡Lokhenacar uñtata jalanakapjjam, janchinacamsti chhojjriñchjasipjjaraquim! Milcom diosajj jaya marcaru apatäjjatapata, sacerdotenacapampi, jupan jilïri jakenacampi chica.

Ezequiel 27:31

Juma laycojj p'eke ñic'utanacapsa mururasipjjaniwa, luto isinacampiw isthapisipjjani, chuyma cawcst'ataw jachapjjaraquini.

Ezequiel 29:18

“Babilonianquiri Nabucodonosor reyejja, ejercitopwa ant'anini Tiro marcampi nuwasiñataqui, uca jakenacapan p'ekenacapas k'arartañapcama, callachinacapasa llejjtjtañapcama; ucampisa janiwa jupasa, ejercitopasa cuna ascsa apsquiti Tiro marcaru nuwantasajja.

Ezequiel 7:18

Chhanqha isinacampiw isthapisipjjani uqhamat llaquisitanacap uñacht'ayañataqui, janchinacapas wali qhathatiraquini, p'enkasiñatsa ajanunacapajj wilaru tucusa, uqhamaraqui ñic'utanacapas mururata uqhamaw sarapjjani.

Levítico 19:28

“Janiraqui mä jiwat laycu janchinacamsa k'allunokasipjjamti. Janipuni cuna casta kellkanacsa janchinacamarojj jan mayampitaqui mistquirjja kellkantasipjjamti. Nayätwa Tatitojja.

Amós 8:10

Fiestanacamjja jiwatanacat jachañaruw tucuyäjja, k'ochutanacamasti, imäwi llaquinacaruraquiw tucuyäjja; llaqui isimpiraquiw ist'ayäjja, ñic'utanacapsti llaquisiñatsa mururasipjjaraquiniwa. Jachapjjaraquiniwa mä sapa yokall wawapas jiwatäcaspa uqhama, take cunaw c'allc'u tucunejja.

Miqueas 1:16

Jumasti, Sión marca, t'akhesiñam uñacht'ayañ laycusti p'ekemsa k'al mururasim, wawanacamar sinti munatam laycu. Allkamarin p'ekepjam p'ekemsa k'ararasiraquim, wawanacamajj jaya marcaru preso apatäni uca laycu” sasa.

Marcos 5:5

Uruy arumaw kollunacansa panteonansa arnakasis sarnakerïna. Jupa pacharaquiw kalampis lek'jasirïna.

Apocalipsis 11:3

Nayasti pani testigojj qhitasinï nayjjat parlapjjañapataqui. Jupanacasti waranka pä pataca sojjta tuncani uruw parlapjjani, luto isimpi isthapita.”