Jeremías 48:36 - Qullan Arunaca

³⁶ Ucatpï chuymajjajj Moab marcatjja aykojja, Kir-hares marcanquir jakenacatsa amaya imaña pinquillonacampi phust'asisa, take kamir cancañapa imcatcäna ucanacasti tucusjjaraquiwa.

Aymar Bibliia 1986

³⁶ Ucatpï chuymajjajj Moab marcatjja aykojja, Kir-hares marcanquir jakenacatsa amaya imaña pinquillonacampi phust'asisa, take kamir cancañapa imcatcäna ucanacasti tucusjjaraquiwa.

Qullan Arunaka DC

³⁶ Ukat chuymaxax Moab markankirinakat pinkillur uñtat jachsu, Quir-heres markankir jaqinakat jachi, walja qamir yänak imkatatap q'al apt'asipxi.

Jeremías 48:36 Jak'a apnaqawi uñst'ayäwi

2 Reyes 3:25

Ucjjarusti marcanacwa tucjapjjäna, yapuchañ orakenacjja kalanacampiwa phokhantapjjäna, take uma jalsunacsa llupantapjjänwa, ucatjja take fruta alinacjja phat'anucupjjänwa. Ucatsti Kir-hareset sat marcarusti kalanacacwa jaytjjapjjäna, ucampis k'orawiri jakenacajj muyuntasinwa tucjapjjäna.

Proverbios 11:4

Taripäwi urun kamir cancañajj maynirojj janiw yanapcaniti, ucampis cheka cancañajja jiwañatwa khespiyani.

Proverbios 13:22

Asqui lurir jakejja yänacapjja wawanacapans wawanacaparuw jaytawayi, ucampis jucharar jaken yänacapajja, asqui jakenacataquiw kheparjjani.

Proverbios 18:11

Kamiristi amuyasiwa jupan yänacapajj, mä marcar alto perkanacampi muyuntatäcaspa uqhama.

Isaías 15:5

Chuymajjasti Moab marcataquejj yanapa mayiraqui; jakenacapasti Zoar uqhamaraqui Eglat-selisiya sisqui uca chekcamaw jaltjjapjje, Luhit sisqui uca amstanjamwa jacht'asisa sarjjapjje, Horonaim sisqui uca thaquinjama t'unjatätap uñjasisasti wal jachapjje.

Isaías 15:7

Ucatwa jakejj jichhajj take kamir cancañanacapa apthapisjje, ucatsti Sauce jawirat qhuriruw apasjjapjje.

Isaías 16:11

Chuymajjasti mä arpjamaw qhathati Moab, uqhamaraqui Kir-hareset marcatjamajja.

Isaías 63:15

Tata, alajjpachatpacha uñtanipjjeta, cawqha kollana, c'ajquiri chekantejj utjcta ucqhatpacha. ¿Cawquincaraqui uca jach'a munasiñamasti, ch'amamasa, colerasiñamasa? ¿Qhuyapayasiñamasti nanacataquejj tucusjjeti?

Jeremías 17:11

Jan chekapa lurasa kamiriptiristi, yakha c'awnanacjjaru tokori p'isakjamawa. Walt'casinwa kamir cancañapjja apanucuwayani, tucuyarusti take ucanacjjarojj mä lokhequiraquïniwa.

Jeremías 4:19

¡Usutuw ucat k'ewinaktta! ¡Chuymajjas walpun putuquiraqui! ¡Janiw inact'irjamäcti, janiraquiw amuct'irjamäctsa! Mä trompetan phust'asitapwa ist'ta, guerran arnakasiñanacampi cuna.

Jeremías 48:31

Ucatpï jachäjja, wali amtaraquëjja, take Moab marcatjja, Kir-hares sat marcanquir jakenacatsa.