Jeremías 48:15 - Qullan Arunaca

¹⁵ Moab marcaru uqhamaraqui yakha marcanacaparu t'unjirejj niyaw purinjje. Cawquïr suma waynanacatejj utjqui ucanacasti jiwarapjjaraquiniwa. Ucsti Reyiw arsu, uca reyin sutipasti Take Ch'amani Tatitu, satawa.

Aymar Bibliia 1986

¹⁵ Moab marcaru uqhamaraqui yakha marcanacaparu t'unjirejj niyaw purinjje. Cawquïr suma waynanacatejj utjqui ucanacasti jiwarapjjaraquiniwa. Ucsti Reyiw arsu, uca reyin sutipasti Take Ch'amani Tatitu, satawa.

Qullan Arunaka DC

¹⁵ Moab markar t'unjirix niyaw purinxi, yaqha markanakapar t'unjiris niyaw purinxi. Suma soldadonakapas nuwasïwin jiwarapxani. Israelan taqi ch'amani Tatitupaw ukham arsu.

Jeremías 48:15 Jak'a apnaqawi uñst'ayäwi

Salmos 47:2

Tatitojj muspharcañ ajjsarcayawa, take acapachan jach'a Reyipawa.

Jeremías 46:18

Naya, qhititejj reyïcta, uqhamaraqui take ch'amani Tatitu satäcta ucaw arsta, sutejj-jjaruraquiw juramentompi arsta. Cunjämatejj Tabor kollojj take kollunacat jilt'atajja, uqhamaraqui Carmelo sat kollusa jach'a kota toker sartasejja, uqhamaraquiw uñisirimajj jutantani.

Jeremías 48:4

“Moab marcasti t'unjatawa. Usuyasiñat warariñanacasti Zoar chekacamaw ist'asi.

Jeremías 50:27

¡Take soldadonacaparusti thiyat jan mayani jiwarayapjjam! ¡Mataderoru anaquipjjaraquim! ¡Ay, jupanacata! ¡Jupanacan urupajj puriniwa!. ¡Mutuyäwi catokaña urupas puriniraquiwa!

Jeremías 50:34

Ucampisa khespiyiripajj ch'amaniwa, sutipasti ‘Take Ch'amani Tatitu’ sataraquiwa. Jupaw take cunsa chekaparu uñjaraquini; marcarusti sumancañwa apanini, ucampisa Babilonianquiri jakenacataquejj jach'a ajjsarcañanacwa apaniraquini” sasa.

Jeremías 51:40

Ucatsti jupanacarojj janc'aquiw mataderoru anaquiraquï, cunjämatejj ovejanaca, chivonaca, orko ovejanacasa qharitäñataqui anaquitajj uqhama.”

Jeremías 51:57

Reyi, take ch'amani Tatitusti siwa: “Babilonianquiri jilïrinacarojj machjayäwa, yatiñani jakenacaparusa, marca apnakerinacaparusa, jilïrinacaparusa, soldadonacaparusa, wiñayataquiw ict'jjapjjaraquini, janiraquiw mayampsa ucatjja sartcjjapjjaniti.

Daniel (hebreo) 4:37

“Jichhajj naya Nabucodonosor reyejj alajjpachanquiri reyirojj yupaycharactwa, jach'acharactwa, wakaycharactwa, cuntejj jupajj lurqui ucanacasti chekapapuniwa, uqhamaraqui qhititejj jach'a jach'a tucqui ucarusti jisc'achjaraquispawa.”

Amós 4:10

“Egipto marcar apaycayätsa uqham mä t'akhesiñaracwa jumanacarojj apayanipjjaracsma, waynanacarusti guerran jiwarayaractwa, caballonacapsti uñisirinacaparuraquiw catjjaruytjja; campamentonacan jiwaratäcän uca k'aphinacsa muqhirayaractwa, ucampis jumanacajj janiw nayarojj cutt'anipctati.” Uqham siw Tatitojja.

Zacarías 14:9

Uca uruw Tatitojj take acapacha apnakanejja. Jupa sapaquiw Tatitünejja, sutipasti mä sapaquiraquïniwa.

Malaquías 1:14

Ñankhachatäpan cawquïr jaketï suma k'omar uywa nayar sacrificion loktañatac arscasina mä usut uywaqui loktjjetu ucajja. Nayaw jach'a reyinsa Reyipäta, uqhamaraqui take marcanacan ajjsaratasa.” Uqham siw take ch'aman Diosajja.

Santiago 5:4

Jumanacan yapunacaman lurir jakenacaru jan pagapjjatamajja jumanac contraw wararisqui. Tatitusti uca wararitanacapjja ist'araquiwa.

Apocalipsis 19:16

Mantopjjarusti, uqhamarac charapjjarusa aca suti kellkt'ataraquïnwa: “reyinacans Reyipa, munañaninacans Munañanipa” sasa.