Jeremías 47:4 - Qullan Arunaca

⁴ Filisteonacaru tucjañ urusti puriniwa, Tiro, Sidón marcanacaru cuna yanapatejj jupanacataqui utjasqui uca apnakaña horasas puriniraquiwa. Jïsa, Tatitojj filisteo jakenacarojj k'al tucjani, qhitinacatejj Creta sat islaru sarjjapjje ucanacarusa.

Aymar Bibliia 1986

⁴ Filisteonacaru tucjañ urusti puriniwa, Tiro, Sidón marcanacaru cuna yanapatejj jupanacataqui utjasqui uca apnakaña horasas puriniraquiwa. Jïsa, Tatitojj filisteo jakenacarojj k'al tucjani, qhitinacatejj Creta sat islaru sarjjapjje ucanacarusa.

Qullan Arunaka DC

⁴ Filisteonakar tukjañ urusti puriniwa, Tiro, Sidón uka markanakan yanapirinakapar tukjañ urusti purinxiwa.” Jïsa, Tatituw filisteo jaqinakarux q'al tukjani, Creta sat wat'at jutirinakaru.

Jeremías 47:4 Jak'a apnaqawi uñst'ayäwi

Génesis 10:15

Canaanasti Sidonan awquiparaquïnwa, ucasti nayrïri wawapänwa, ucjjarusti Het sisqui ucansa awquiparaquïnwa.

1 Crónicas 1:12

patruseonaca, casluhitanaca, caftoritanaca; jupanacat filisteo jakenacajj jutiriwa.

Job 9:13

Diosan colerasitaparojj janiw qhitis t'acuraycaspati; Rahab sat jach'a ajjsarcañ animalan arquirinacapasa Diosan nayrakatapanjja qhathatipjjewa.

Salmos 37:13

Tatitusti jupat larusiwa, tucusiñ urup purinitap yati.

Isaías 10:3

¿Cunac lurapcät jumanacajj cunapachatejj cuenta churapcät ucqhajja, camachapcaquïta cunapachatejj mutuyäwejj jayat jutcani ucapachajja? ¿Qhitirus sarapjjäta yanap mayirejja? ¿Cawqharus take kamir cancañamjja jaytanipjjäta?

Isaías 14:31

¡Filisteo marcanaca, wararipjjam, aykoñat wararipjjam, sustjasiñatsa qhathatipjjaraquim! Jichhasti alay toketjja mä ejercitow jutanti jek'e kenayar uñtata; janiraquiw mayni jakes filanacapatjja mistquiti.

Isaías 20:6

Uca urunacansti take uca kota iraman jaquirinacajj sapjjaraquiniwa: ‘Uñtapjjam, cunarac jichhasti tucu cawquïri marcarutejj jiwasajj alcatascayätan Asirianquir reyit arjjatañapataquejja. ¿Cunjämrac jichhasti khespiñänisti?’ ” sasa.

Isaías 31:8

ucüruw Asiriajj espadar jalt'ani, janiw jaken ch'amap laycuti. Guerrajj jakenacaparojj jaltayaniwa, guerran nuwasir waynanacarusti esclavo tucuyapjjaraquini,

Jeremías 46:10

Aca urusti take ch'amani Tatitun urupawa, aca urunsti uñisirinacapatwa phoksusiraquini. Espadasti sist'asiñcamaw chhojjriñchjaraquini, wilampis machjascaspa uqhama. Tatitusti amsta tokenwa jiwarayaraquini, Eufrates jawira jac'ana.

Ezequiel 21:25

Jumarusti, Israel marcan ñankha reyipa, jake jiwayiri, jichhajj khepa mutuyäwi catokañama horasajj niyaw purinjje.

Ezequiel 21:29

Unañchäwi uñjatanacapasti c'ariwa, cunatejj acat kheparu pascani ucanacat parlatanacapas c'ariraquiwa. Espadasti uca ñankha jake jiwayiri jakenacjjaruw puriraquini. Khepa mutuyäwi catokaña horasapasti niya jac'ancjjewa.

Ezequiel 25:16

Ucatpï naya Tatitojj sistjja: Filisteonacar mutuyañataquejj amparajja aytä; cereteo jakenacarusti k'alwa tucjaraquëjja, qhitinacatejj jach'a kota iraman utjasipqui ucanacarusa K'alwa tucjaraquëjja.

Ezequiel 30:8

Cunapachatejj nayajj uca marca naqhantaycäjja, take yanapirinacaparus tucjayaraquëjja, ucapachaw yatipjjani nayan Tatitütajja.

Ezequiel 7:12

Horasajj purinjjewa, urusti jutjjaraquiwa. Aljasirisa janiw cunat cusisiñapas utjquiti, alasiris janiw cunat llaquisiñapas utjcaraquiti. Israel marcan jach'a jach'a tucutapatsti mutuyaraquïwa.

Oseas 9:7

¡Mutuyäwi urunacajj purinjjewa! ¡Luratanacamat pago catokañ urojj purinjjaraquiwa! Israelajj ucanacan puritapjja yatiraquiniwa. Jumanacasti sapjjtawa: “Profetajj pisi amuyt'an jakewa, amuyt'ayata jakesti lokheraquiwa” sasa. Ucsti sapjjtawa, ñankha lurañanacampi phokhantatäpjjatam laycu, uqhamarac uñisisiñanacamas jach'ätap laycu.

Amós 9:7

Aqham siw Tatitojja israelitanacarojja: “Nayataquejja jumanacasa, etiopenacasa mayaquïpjjtawa. Cunjämtï jumanacaru Egipto marcat apsunipjjsmajja, uqhamaraquiw filisteonacarojj Creta islat apsuntjja, uqhamarac arameonacarus Kir sat marcata apsuniractjja.”

Lucas 21:22

Uca urunacasti mutuyäwi urunacäniwa, ucan take cunatejj Kellkatanacanjj sisqui ucanacajj phokhasini.

Deuteronomio 2:23

Uqhamaraquiwa heveos sat marcarojj pasaraquïna, jupanacasti jacapjjänwa jisc'a marcanacana Gaza orak jac'ana, ucatsti Creta oraket jutir filisteo jakenacaw jupanacarojj t'unjäna orakenacap catuntasisina, ucan jacasaraqui.)

Josué 22:30

Cunapachatï Finees sat sacerdotesa, take Israel marcan jilïri jakenacapasa, uqhamarac sapa familian jilïri jakenacasa, uca Rubén, Gad, uqhamaraqui chicat Manasés tribun arunacap ist'apjjän ucqhajj —Waliquiw —sapjjänwa.