Jeremías 46:9 - Qullan Arunaca

⁹ “¡Caballeriajj sarantpan! ¡Carronacasti nayraru sarantapjjpan! ¡Guerran nuwasirinacasti sarantapjjpan; Etiopía, Libia tokenquir soldadonacasti escudonacampi armantata sarantapjjpan; Lidianquiri soldadonacasa, jupanacasti wali sum arconacjja apnakañ yatipjjpan!

Aymar Bibliia 1986

⁹ “¡Caballeriajj sarantpan! ¡Carronacasti nayraru sarantapjjpan! ¡Guerran nuwasirinacasti sarantapjjpan; Etiopía, Libia tokenquir soldadonacasti escudonacampi armantata sarantapjjpan; Lidianquiri soldadonacasa, jupanacasti wali sum arconacjja apnakañ yatipjjpan!

Qullan Arunaka DC

⁹ “¡Caballeriax sarantpan! ¡Nuwasiñ carronakas sarantarakpan! ¡Soldadonakasti sarantapxpan; Etiopía, Libia tuqinkir soldadonakasti jark'aqasiñanakap apt'at sarantapxpan; Lidiankir soldadonakasti, mich'inak antutt'añanakap sum jiyantapxpan!

Jeremías 46:9 Jak'a apnaqawi uñst'ayäwi

Génesis 10:13

Mizraimatsti ludeonaca, anameonaca, lehabitanaca, naftuhitanaca,

Génesis 10:6

Cam jaken wawanacapasti acanacänwa: Cus, Mizraim, Fut, uqhamarac Canaán ucanaca.

1 Crónicas 1:11

Mizraim chachan sarakerinacapasti acanacänwa: ludeonaca, anameonaca, lehabitanaca, naftuhitanaca,

Isaías 66:19

Nayajj mä chimpu churä: yakhepanacarusti jaltayaraquïwa, marcanacaruw qhitaraquï, Tarsis, Libia, Lidia, ucanacaru cawqhantejj flecha sum apnakañ yatipqui uca marcaru, Tubal, uqhamaraqui Grecia, kota tokenquir jaya marcanacar cuna, uca marcanacasti janipuniw nayjjat parlirjja ist'apjjerïcänti, janiraquiw nayan jach'a cancañajjsa uñjapjjerïcänti; jupanacaraquiw nayan jach'a cancañajjat marcanacar yatiyapjjani.

Jeremías 30:5

Take ch'amani Tatitojj aqham siwa: “¡Ajjsarañat warariñanacaw ist'asi, ajjsarañata, mayjt'asiñanacampi!

Jeremías 47:3

Caballonacan chhuqhunitap ist'asa, carronacan jutatap ist'asasa, uca carronacan ruedanacapan khothutitapa ist'asajja awquinacajj wawanacaparojj apanucuwayjjapjjewa, janiraquiw ch'amas utjcjjeti.

Jeremías 51:11

Tatitojj Babilonia marca t'unjañ muni, Media orakenquir reyinacan chuymaparusti uca pachpa t'unjaña amtäwinacwa uscuraqui. Ucaw Tatitun phoksusïwipajja, jupan temploparu cuntejj lurapqui ucanacatjja. ¡Jichhajj flechanacam waquichasipjjam! ¡Escudonacamsa sum catjjarupjjaraquim!

Ezequiel 27:10

Persia, Lidia, uqhamaraqui Libia marcanquiri jakenacaw ejercitomanjja nuwasipjjäna; jupanacasti escudonacapampi, casconacapampi ucanacampiw jumarojj c'achacht'apjjaraquïyätamjja, wali jach'aru aptatäñamataqui.

Ezequiel 30:4

Egipto marcataquejj guerranacaw jutani. Cunapachatejj walja jakenacaru jiwarayapcani, kamir cancañanacapsa lunthatapcaraquini, Egiptorusa cimientotpacha t'unjapcaraquini, ucapachaw Etiopía marcajj qhathatini.

Ezequiel 30:5

Etiopía, Libia marcanquiri soldadonacas guerranwa jiwarapjjani, Lidia, take Arabia orakpacha, Cub ucanaca, yakha marcanquirinaca, cawquïrinacatejj juparu jakcattatäpqui ucanacas jiwarapjjaraquiniwa.

Nahúm 3:9

Etiopiampi, Egiptompiw juman jan tucusquir ch'amamänjja; Fut sisqui uca chekanquirinacas, libionacas jupar yanapirinacänwa,

Hechos 2:10

Frigia, Pamfilia, Egipto, uqhamarac Cirenet juc'amp qhursa Africa tokenacatsa. Uqhamaraquiw acan utjir romanonacas acancapjje. Jupanacatjja mayninacajj nacïwipatpach judionacäpjjewa. Yakhepanacasti jan judiöcasin, judionacan arcatanacapar cutiquipstirinacaraquiwa.

1 Corintios 1:8

Juparaquiw jumanacarojj suma uñjapjjätam khepa urucama, uqhamat jan qhitis jumanacar juchañchañapataqui Jesucristojj jutcan uca urunjja.