Jeremías 46:12 - Qullan Arunaca

¹² Marcanacasti jisc'achjatätamjja yatjjapjjaraquiwa, take acapachanwa arnakasitamajj ist'asiraqui; guerran nuwasirinacasti jupanaccamaquiw thokthapisjjapjje, ucatsti mayaquiraquiw oraken korumnakjjapjje.”

Aymar Bibliia 1986

¹² Marcanacasti jisc'achjatätamjja yatjjapjjaraquiwa, take acapachanwa arnakasitamajj ist'asiraqui; guerran nuwasirinacasti jupanaccamaquiw thokthapisjjapjje, ucatsti mayaquiraquiw oraken korumnakjjapjje.”

Qullan Arunaka DC

¹² Markanakasti atipjatätam niyaw yatxapxi, ayquñat arnaqasitamax taqi chiqan ist'asi; nuwasirinakasti jupanakkamaw thuqthapipxi, ukatsti uraqirkamaw liwirtapxaraki.”

Jeremías 46:12 Jak'a apnaqawi uñst'ayäwi

Isaías 10:4

Janitejj jisc'achatäpcäta, uqhamaraqui janitejj preso apatäpcäta, ucapachajj jaken jiwayatcamaw jiwarapjjäta. Ucampisa Tatitun colerasiñapajj janiw apaktquiti, jichhas jupajj ajjsarayascaquiwa.

Isaías 19:2

Egiptonquir jakenacarojj payaruw jaljtayä, jupanac pura nuwasiyä, amigojj amigop pura, marcasti marca pura, reinojj reino puraraqui.

Isaías 24:11

Jakenacasti callenacan jachapjjaraqui vinon pist'atapatjja; take cusisiñasti jiwt'awayjjaraquiwa, aca oraketsti apanucutäjjaraquiwa.

Jeremías 14:2

“Judá marcajj llaquisiñat jachi, marcanacapasti llact'atcamaquiwa, jakenacapasti oraker liwirtatawa; Jerusalenasti t'akhesiñ usupampiw warari.

Jeremías 2:36

¿Cunatraqui janc'aqui cawquïrinacampitejj arust'ascta ucanacsti trocañ munta? Egiptos apanucuraquiquïtamwa, cunjämatejj Asiriajj apanucctam uqhama.

Jeremías 46:6

¡Wali jalirinacajj janiw jaltjjañataquejj ch'amanïpquiti, janiraquiw jaltañataquejj chamanïpquiti jan ajjsariri jakenacasa! Amsta tokenwa, Eufrates jawir jac'ana lanctasipjje, liwirtapjjaraqui.

Jeremías 47:2

“Aqham siw Tatitojja: Amsta toketwa walja umanacajj mantani, jawirat jilarir umanacjama, aca marcarusti k'alwa chhaktayi, take cunanacatejj jupan utjqui ucanacamppacha, marcanacsa, uca marcan jaquirinacsa. Take jakenacaw arnakasipjje, jakenacasti walpun aykopjjaraqui.

Jeremías 48:34

Hesbón marcanquiri jakenacajj usuyasitapat wararisipqui, wararitanacapsti Eleale, Jahaza marcacamaw ist'asiraqui, Zoar ucqhat Horonaim, Eglat-selisiya ucacamaw ist'asi, Nimrim chekanquiri uma jalsunacapas wañantataraquiwa.

Jeremías 49:21

Edom marcan liwisitapasti wali jach'at ist'asini, orakes uca ist'asajj qhathatiraquiniwa, yanapa mayisaw arnakasipjjaraquini, arnakasitanacapas Mar Rojo sisqui uca kotacamaw ist'asiraquini.

Jeremías 50:46

Babilonian tincutapasti jach'at ist'asini, take aca orakpachaw qhathatiraquini, arnakasitapasti yakha marcanacansa ist'asiraquiniwa.”

Jeremías 51:54

Babiloniatpacha usuyasitat warariñanacajj ist'asi, caldeonacan orakepatpachwa cunayman wararitanacajj ist'asi.

Nahúm 2:5

Reyipasti jilïri soldadonacaparuw jawsi, jupanacasti perkar jalanisinjja taquirasipjjewa, sayt'asiñataquiraquiw uscusipjje.

Sofonías 1:10

Aqham siw Tatitojja: “Qhä urunjja yanapa mayisa warariñanacaw ist'asini Chawlla Puncu satäquis ucatpacha. Jakesti maysäjja marcatpach art'asini, kollunacasti wali ajjsarcañaraquiw allthaptapjjani.

1 Samuel 5:12

Jakenacan arnakasitanacapasti alajjpachcamaw ist'asiraquïna, qhitinacatejj janïra jiwarapcatayna ucanacan janchinacapasti p'usu usunacampi phokhantataraquïnwa.