Jeremías 44:6 - Qullan Arunaca

⁶ Ucatwa colerasiñajjampi khoruchasiñajjampi aktänjja, ucatsti ninjamaraquiw Judá orakenquir marcanacan naqharaquïnjja, uqhamaraqui Jerusalén callenacansa. Take ucanacasti jichhürcama tucjataraquiwa, wasararu tucuyataraquiw uñjasipjje.

Aymar Bibliia 1986

⁶ Ucatwa colerasiñajjampi khoruchasiñajjampi aktänjja, ucatsti ninjamaraquiw Judá orakenquir marcanacan naqharaquïnjja, uqhamaraqui Jerusalén callenacansa. Take ucanacasti jichhürcama tucjataraquiwa, wasararu tucuyataraquiw uñjasipjje.

Qullan Arunaka DC

⁶ Ukatpï q'apisiñaxanxa Jerusalén markarusa, Judá uraqinkir markanakarusa q'al tukjaraktxa. Jichürkamas uka markanakax ch'usa wasarar tukutaw uñjasi.

Jeremías 44:6 Jak'a apnaqawi uñst'ayäwi

Isaías 1:7

Orakepasti wasararu tucuyatawa, marcanacasti ninan naqhantataraquiwa. Jumanacan nayrakatamanaracwa uñisirinacamas yapuchatanacamjja mank'apjje. Take cunsa wasararu tucuyatwa apanucuwayapjje. Cunapachatejj Sodoma marcajj t'unjatäcän uqhama.

Isaías 51:17

Sartasim, sartasim, Jerusalén, sayt'asim. Jumaw Tatitun colerasiñapatjja t'akhestajja, cunjämtejj maynejj mä copa umt'asajj tak umsusajja machjasejja, uqhama.

Isaías 51:20

Wawanacamasti antílope sat animalar uñtata känampi catuntataw uñjasipjje, jan ch'amani, calle esquinanacan liwisipjje, Tatitun colerasiñapampi chhojjriñchjata, Diosaman chekachäwipampi t'akhesiyata.

Isaías 6:11

Nayasti jisct'aractwa: —¿Cunapachcamaraquïni ucasti, Tata? —sasa. Jupasti saraquituwa: —Cunapachatejj marcanacajj k'ala t'unjatäni, uca marcanacansti janiraqui mä jakes utjcaniti ucqhacamäniwa. Utanacas jan jakeni uñjasini, pampanacas ch'usa wasarar tucuyata,

Jeremías 21:5

Naya quipcaw jumanacat nuwasiraquï, wali jach'a ch'amampi, jach'a akquiri colerasiñajjampi, uqhamaraqui jach'a colerasiñampi.

Jeremías 34:22

Uca uñisirinacarusti wasitatwa aca marcaru cutt'ayaniraquï, ucatsti tucjayaraquïwa, catuntasinsti ninampiw naqhantayaraquï. Judá orakenquiri yakha marcanacarusti ch'usa wasaran jan jakeni tucuyaraquëjja. Naya Tatituw ucjja arsta.”

Jeremías 36:7

inampisa uqhamat Tatituru mayisisipcaspan ucatsti uca ñankha luräwinacapa apanucjjapjjaraquispa, Tatitojj aca marcataqui arsqui uca colerasiñapasti ajjsarcañawa” sasa.

Jeremías 4:27

Tatitojj siwa: “Take aca orakpachaw tucjatäni, ucampis janiw k'ala tucjcaraquïti.

Jeremías 4:4

Judá uqhamaraqui Jerusalén marcan utjir jakenaca, jumanacajj circuncidasipjjam, ucatsti nayarojj Tatitut uñt'asipjjaraquita, chuymanacamarusti cuna arust'äwitejj utjqui uca unañchäwinac uscusipjjam; uqhamata ñankha luratanacam laycojj jan colerasiñajjajj ninjam aktascañapataqui, ucsti janiraquiw qhitis jiwaraycaraquispati.

Jeremías 42:18

“Israelana Diosapa take ch'amani Tatitusti siwa: ‘Cunjämatejj colerasiñajjampi khoruchasiñajjampejja ninjam jumanacataqui aktänjja, take qhitinacatejj Jerusalén marcan jacapcäna take ucanac toke, uqhamaraquiw jumanac tokejj colerasiñajjajj aktani, jumanacatejj Egiptor sarapjjäta ucapachajja. Jumanacajj jakensa uñtcaña maldecitäpjjätawa, ajjsarcaña tucjataw uñjasipjjaraquïta, janiraquiw mayampsa aca orakjja uñjapcjjätati’ sasa.

Jeremías 44:22

Ucatpï Tatitojj jan juc'ampi jumanacan jan wali luratanacamjja uñjañ muncjjäntejja, uca luräwinacamasti juparojj ñankhachänwa. Ucataracwa jumanacan marcanacamajj k'ala t'unjatajja, janiraquiw ucanacanjja maynis jaccjjeti, takenin uñjcata maldecitaw tucuraqui, ajjsarcañaraquiwa.

Jeremías 7:17

¿Janit jumajj uñjcta cuntejj Judá marcanacansa uqhamaraqui Jerusalén callenacansa lurapqui ucjja?

Jeremías 7:20

Ucatwa, naya Tatitojj arsta, sapjjaracsma, take colerasiñajjwa aca chekaru puriyanï, jakenacjjaru, animalanacjjaru, kokanacjjaru uqhamaraqui cosechanacamjjarusa. Colerasiñajjasti jan jiwarquir ninjamaw naqhani.”

Jeremías 7:34

Judá oraken marcanacapatsti, uqhamaraqui Jerusalén callenacatsa cusiscañ fiesta k'ochunacsa, casarasiñ k'ochunacsa chhaktayäwa; take marcpachasti ch'usa wasararu tucutaraquïniwa” sasa.

Jeremías 8:3

Aca ñankha jakenacatjja, cawquïrinacatejj kheparasipqui, nayajj ananuccta ucatjja, cawqhantejj jicjjatasipjjani uca chekanjja jiwarañacwa munjjapjjani jacañat sipansa. Naya take ch'amani Tatituw arsta.

Lamentaciones 1:1

¡Walja jakenacani marcajj cunja sapaquis uñjasjje! Marcanacan jilïripa marcajja mä ijma warmir uñtataquëjjewa. Ch'ama irnacañanacampi t'akhesiyataw jichhajj uñjasi, uñtcañ suma marcajja.

Lamentaciones 1:13

Tatitojj alajjpachatpachwa mä nina apayani nayaru ch'aqhacama nacsuñapataqui; saräwejjarusti mä sipita uscuraqui, ucampisti kheparuw cuttayaraquitu; nayarojj apanucutuwa, sapa cuti t'akhesiñaruw catuyaraquitu.

Lamentaciones 5:18

Sión kollusti jichhajj k'ala t'unthapitawa, kamakenacaquiw ucanjja aywtjjaraqui.

Ezequiel 20:33

Naya Tatituw jacañajj laycu juramentompi arsta, jach'a ch'amajjampi, jach'a colerasiñajjampiw jumanacarojj jichhajj apnakapjjäma.

Ezequiel 20:34

Nayaw jupanacarojj tantachthapiraquï cawquïri marcanac taypintejj ananucuta jicjjatasipqui ucatjja, jach'a ch'amajja uñacht'ayasa uqhamaraqui jach'a colerasiñajjsa mutuyaraquï.

Ezequiel 24:13

“Jerusalén marca, nayajj munañamaru sarnakasin k'añuchasitanacamatjja k'omachañwa munayäsma, ucampisa janiw k'omachatäctati. Cunapachatejj nayajj jumjjaru colerasiñajja wartanï ucapachaquiw k'omachata uñjasïta.

Ezequiel 24:8

Nayasti uca wiljja pachpa k'ara karkjjaruw jaytanucöjja uqhamat jan chhaktañapataqui, colerasiñajjas ninjama aktañapataqui, take cunasa chekapar uñjatäñapataqui.

Ezequiel 5:13

Ucapachaw nayajj jupanacjjarojj jach'a colerasiñajj warjjatanï; colerasiñajjsti jupanacjjaruw samarayaraquï, ucat nayajj samarjjaraquï. Cunapachatejj nayajj uqham colerajja jupanacjjaru samarayä ucqhasti yatipjjaraquiniwa, naya Tatitun jach'a colerasiñajjampi arsutajja.

Ezequiel 6:12

Jayanquirinacajj usunacampiw jiwarapjjani, jac'anquirinacasti guerran nuwasiñanwa jiwarapjjaraquini, cawquïrinacatejj jacasipcani ucanacasti mank'atjamaw jiwarapjjaraquini. Uqhamwa nayajj Israel marcjjarojj colerasiñajj warjjatanëjja.

Ezequiel 8:18

Ucampisa nayajj wali jach'a colerasiñampiw jichhajj lurjjäjja. Janipuniw jupanacatjja qhuyapayascäti. Kawkhas arnakasisinipcpan, janipuniw jupanacarojj ist'cäti” sasa.

Daniel (hebreo) 9:12

Jumasti, nanacjjaru aca jach'a jan walt'äwi apayanisajja, cuna ajjsarañanactejj nanacaru churapquista ucjja phoktawa, uqhamaraqui qhitinacatejj marca apnakapqui ucanacampisa; aca orakensti janipuniw utjcänti mä mutuyäwejja cawquïri mutuyäwtejj jumajj nanacjjaru apayanipquista uqhamajja.

Levítico 26:28

nayajj jumanac contraw sayt'araquëjja, jumanacataquisti colerasiraquïwa, jucha luratanacamatsti pakallko ucqhampwa mutuyapjjaraquïma.

Levítico 26:31

jumanacan marcanacamsti, uqhamarac kollana chekanacamsa t'unjaraquïwa; uqhamarac cuntejj jumanacajj nayaru loktanipquitäta ucanacatsti janiw juc'ampi cusiscjjaraquïti.

Nahúm 1:2

“Tatitojj mutuyiri celoso Diosaraquiwa; qhitinacatejj jupa conträpqui ucanacarojj mutuyiwa, uñisirinacapampisti walrac colerasiraqui.

Zacarías 1:2

“Nayasti coleratäyätwa jumanacan nayra awquinacamataqui.

Zacarías 1:6

Ucampisa, arunacajjas, camachi arunacajjsa, cuntejj jaytawayta nayar yupaychiri profetanacaru parlañapataqui, ucasti purt'awayiwa nayra awquinacamarojja. Jupanacasti cutt'anjjapjjewa, wasitat amuyt'asa, naya take ch'amani Tatitojja sarnakäwinacaparjama, luräwinacaparjama uñjañajjajj waquisitap yatisina.’ ”

Zacarías 7:14

Ucatpï ucsar acsar tucjtjja mä jach'a tutuca thayampjama jan uñt'apcänti uca marcanac taypiru, uca pasatatjja orakepajj mä wasararu tucutaw kheparawayi, ucansti janiw qhitis jaccjjeti. ¡Mä suma marcjja jupanacajj k'alwa tucjawayapjje!”